اليتيمات وما اخفاه القدر

البارت ٦

حرامات عله راسي ستوطن الشيب 👵

وحرامات عله زلفي تصير شيبات 👵

بعد شتريد اخلص وياك السنين✋

وبعدني لهسه اخيط بلجراحات 😔

عفتني لوحدي تربه بنص شياطين 👹

وبعد لاشفت كصه ولا صلاوات 🤲

جلبلك بواحد باله مرتاح😌

انه واحد متت من الحرامات⚰

الشيخه يمه لاتخلون شي ناقص

ام علي اتطمني شيخه كله تمام

حوراء يمه اني مااريد اروح للصالون راح يسوني لارين ولوجيم شقلهم كلش حلوو واخذو اجايز علمودي

حسيني كنهم خواتي حسيت بلشعور العمري معايشته

الشيخه يمه موجنه عيب منهم خاف زحمه

حوراء لا يمه اني طلبت منهم وهنه كلش فرحن وراح يسوني بيتهم يكولن بيتنه يصير هوسه فياخذن راحتهم اكثر

الشيخه يمه والبدلات وهذولي الينحطن براس شسمنهم ولج

حوراء هههههه ماشات هنه محضرات كلشي ورا العرس احاسبهن عله الفلوس

الشيخه براحتج يمه لشوفينه يريحج سويه

حوراء يله اني رايحه عليهن

الشيخه روحي بنيتي

لارين رحت لصالون اشوفه من اروح للعياده السلام عليكم

ام الصالون عليكم السلام تفضلي عيني

لارين اريد بدلات مملبوسات كسر كارتون

ام الصالون ايتفضلي خلي اشوفج العدنه شتردين مال حنه لوعرس

لارين اريد حنه وعرس

ام الصالون اي تعالي ويايه لقرفت البدلات

لارين رحت وطلعتلي البدلات ختاريت مال العرس ختاريت وحده مارونيه وحده ذهبي كلش عجبني

عدكم بديات ستريج ويه البدله لولا

ام الصالون لاوالله بس هاذه المحل اليمنه يبيعهم

لارين اني اريد اخذهم هسه وياي

ام الصالون يعني بس بدلات بدون مكياج وتسريحه

لارين لااحنه نريد بس بدلات يومين يله اكدر ارجعهم

ام الصالون راح اجهزهن الج خلي وردات ٢ وياهم

لارين تمام نص ساعه وراجعتلج رحت للمحل وشتريت الداخليات للبدله وعجبني تاج كلش حلو يفيدني

بلتسريحه اخذت ماشات ومثبت شعر ومثبت مكياج اخذت حذاء ابيض هم كالت حوراء ملكيت كملت

خليت القراض بلسياره رجعت للصالون صعدت البدلات بلسياره وتفقنه علسعر