طلقني وندم عليا 💎مكتملة💎

الجزء 5 💎

طلقني و ندم عليا ❤ : الجزء 5
بقلمي ✏ : farah haddadi

و شحاااااال دنيااااا تااافهة لي تفرحناا يوم و تبكيينا شهوور و اعواااام و شحال زماان كيجري
اه جرااا تا جرااااا و رجع البنت لي كاانت عروسة فيوم مطلقة ليوم
قررات تجمع رااسها و تكون داتهاا و تدفن قلبها فقبر من قبور الغابة المنسية
لي تنسااا فييها تفاااصيلو لي تنسااا فيها لحيتو لخفيفة المرتبة و تنسا فيها ضحكتو لي كتخلييها بلا عقل و تنساا فيها كلمااتو لي كاانو كيحفرو فقلبها و كينهشو كياانها
بعد ياام و شهور و سنين ها هي ليوم ولا إمرأة عندها مكانة فالمجتمع و ها هي ليوم مرة محققة داتها بصح مولااتش دكتورة ولا استاذة جاامعية
و لكن الأهم خدماات فالحاجة لي رتاحت فيها
خدماات فالحضانة كتقاابل دراري صغااار و تلعب معاهم كدوز نهارها كامل تما و فلأخير كترجع لداارها لعند والديها
فلول كانت كتبات فدارها
ولكن منين كل قنت ولات كتفكرها فدكرياتها معاه قررات تسكن مع والديها منها تونسهم نيت
و لكن كيبقى  الملجئ ديالها الوحيد هو دراري صغار لي كيخليو ضحكة بريئة ترسم على شفايفها منين تشوفهم مجرد شوفة فيهم كتعني ليها لعالم ❤
كانت يالاه وصلات لحضانة ليوم تعطلات شوية حيث مصوناتش ليها ساعة
غا دخلات
ناضو كااع دراري و لبنات كيجيو عندها يسلمو عليها
دري ١ : استاذة تعطلتي علينا
دري ٢ : استاذة لباس فاش جيتي
لبنت ١: استاذة انا خرجت تماارين لي عطيتيني و رسمت رسمة زوينة
راانيااا : وااااااو انشوف مزيان
راك فنانة مع راسك الفنيكيشة شكون هادي
لبنت ١: هادي انا و ماما و بابا
رااانيا :زوينة نتي 😘
رااانيا : انتباااااه كااامليين ياالاه شدو بلايصكم
ليومة انشطحو شي شطحة 👂
دراري  :تكون زوينااااااااا
رانيا : امممم شطيح فالحين فيه بعدا
رانيا: و الألف راهي زينة
دراري : و الألف راهي زينة
رانيا :و زيد الباء حتى هي
دراري  :و زيد الباء حتى هي
رانيا :و حميد يرقص لينا
دراري :و حميد يرقص لينا
رانيا:و شي رقصة تكون زوينة ..
(احم احم 😶 سمحو ليا تحمست شوية😂 دراري صغار ليهديهم 🙈 )
بقات معاهم تا. وصل وقيت لخروج و هي تسمع تليفونها كيصوني شافت المتصل و بتاسمات هادي صاحبتها لي تعارفات معاها فأنسطا عن طريق صدفة
رانيا : و فين اتريكة
هدى بغات تخرج من تليفون 😂 :وااا زييين وا زغرتي مغنبقااش بايرة بغييت غا نعرض علييك لعرسي عرسي نهاار تلاث عنداك متجيش
راانيا: و نااري شحاال فيك د الغواات غا بشوية ها ناااري
هدى بالغوات تاني :وااااش من نييتك ناااس فنااااس و القرع فمشيط رااس وراه غنتزوج ابنااادم 😍😲😲
رانيا :وااااخ وااااخ صافي صاافي غتزوجي غتزوجي كاالم بب كاالم
هدى بداات كتغبن :اههم ممتيقاش راسي اخيرا
لمهم بغيت غا نأكد عليك نعااود ليك لعراضة شوفي راه الا مجيتيش انتقلق منك البايرة عالله تلقاي شي عريس
رانيا:راكي عارفاني مكنفكرش فداكشي
هدى : 4 سنين و مزاال منسيتيه؟؟
رانيا بجدية :هدى
هدى :صااف هاااني سكت 🤐 لمهم اتجي 
رانيا :غنجي اشندير على المصيبة لي بلاني بيها الله
هدى :تلاحي الحمارة 😒
.....# يتبع