اطمئني سأ عتني بهِم

4

: هو عضيدي هو قوتي عند ضعفي هو صديقي هو أخي حب الأخ لا يقاس...♡
.
.

بعد ساعات ....:
طلعت من القاعه ونزلت عيونها لجوالها اللى اهتز معلن وصول رساله غمضت عيونها بصبر وردت عليه : وانا مين بيرجعني نواف بيخلص العصر
نايف : اسف بس والله تعبان يا الله وصلت البيت
ملاك وهي عتبانه عليه ردت عليه : طيب
نايف قفل جواله وغمض عيونه ونام على طول
وصلتها رساله من نواف وكانت وصلتو ؟ نايف مايرد علي
ملاك ردت عليه : نايف واصل راح من غير ما يعلمني
نواف عقد حواجبه ورد عليها : برد عليك بعدين تو عندي كلاس
ملاك ردت عليه با اوكي
نواف زفر وقفل جواله وهو متنرفز من نايف وكيف خلى اخته بدون لا يرجعها البيت معه

عند نواف ...:
انتهى من الكلاس وطلع واتصل لي ملاك وردت عليه على طول ..
ملاك : هلا
نواف وهو يدخل المصعد : وينك الحين ؟
ملاك فركت جبتها من الارهاق : في المستشفى
نواف : اطلعي بوديك البيت
ملاك عقدت حواجبها وناظرت الساعه : خلصت ؟
نواف طلع من المصعد : لا بس بلحق عليها
ملاك مابغت تاخر وقته و طلعت من الاستراحه : انت وين ؟
نواف : تلقيني عند المواقف
ملاك : طيب دقايق بس ، اسرعت خطواتها رغم ان شكلها صار ملفت لكن ما يهمها دام نواف ضحى بوقت وبيو ديها البيت ، وصلت وركبت
ملاك وجهت المكيف عليها وهي تتنفس بسرعه بسبب الخطوات السريعه اللى مشتها بلعت ريقها وناظرته : متى محاضرتك الثانيه ؟
نواف وتركيزه بالطريق : بعد ربع ساعه ، وناظر الساعه لثانيه ثم ناظر الطريق
ملاك حست بتانيب ضمير : عادي كنت بجلس
نواف زاد سرعته : يصبر علي نايف
ملاك بدون شعور : اللى فيه كافيه
نواف عقد حواجبه وناظرها : هاه !
ملاك غمضت عيونها وصدت لشباك ،، نواف تنهد ومارد

البيت ...:
وصلو البيت ونزلت بسرعه نواف انطلق بسرعه لي يلحق على محاضرته...
ملاك دخلت البيت وراحت غرفة اخوانها قبل غرفتها تطمن على نايف
دخلت وشافته نايم على بطنه و فارد يديه وعلى ملامحه علامات تدل على انه متعمق بنومه ، تقربت منه وحطت ظهر كفها على جبينه وزفرت من حست ان حرارته متعدله، طلعت من عنده وراحت ..

عند ملاك ...:
بدلت ملابسها ونزلت المطبخ تسوي الغداء

بعد ساعتين ...:
فزت من على فتحه الباب وفزت من شافته نواف الحمدالله على السلامه
نواف وهو يفتح ازرار ثوبه بتعب : الله يسلمك
ملاك راحت له وسحبت الغتره و العقال واخدت اوراقه و لابتوبه : روح المطبخ تغدا جهزته لك بس سخنه با المايكرويف، انا بروح انا للمغرب
نواف هز راسه وباس راسها با امتنان وراح المطبخ
ملاك طلعت فوق بخطوات ثقيله متعبه ودخلت اغراض نواف الغرفه وصحت نايف اخر مره بس مارضى يصحى وطلعت عنه متوجها لغرفتها

عند نواف ....:
انتهى من الغداء وطلع للغرفه و عقد حواجبه وهو يشوف نايف نايم ، بس بسبب التعب ارتمى جنب نايف ونام ...
......