اطمئني سأ عتني بهِم

5

هو عضيدي هو قوتي عند ضعفي هو صديقي هو أخي حب الأخ لا يقاس...♡♕.....

اليل الساعه 7:00 م
صحى نايف وسحب جواله وناظر الساعه ورفع حواجبه من الوقت اللى نامه بدون ما يحس لف وجهو لنواف اللى نايم على جنبه ومعطيه ظهره ، ابتسم وزحف لا تجاهه وسند راسه على جنبه ظل على حاله دقايق ثم قام وصلى اللى فاته وراح لنواف وجلس على طرف السرير جنبه : نواف نوافي مسك كتفه وهزه نواف قوم صل المغرب ، متى وصلت ؟
نواف تحرك وكشر من الضوء ، نايف ضحك بروقان بعد النومه الطويله اللى نامها : قوم ياولد
نواف تافف وجلس : شتبي
نايف ضحك وعدل شعره المتطاير : قم اذن المغرب وخلص ، وميل راسه متى وصلت ؟
نواف تذكر اللى صار وعقد حواجبه وناظره بحده ودفه عنه ونزل من السرير
نايف ميل فمه وهمس : نفسية بعد النوم
نواف : ترا مانسيت اللى سويته
نايف : اذا بتهاوشني هاوش والله اعلم ملاك ؟ واذا تبي مني اعتذار ماني معتذر لاني ماغلطت
دفه من قدامه وطلع من الغرفه بعد ماتعكر مزاجه نزل بخطوات سريعه وشاف ملاك تنظف المطبخ وتقوس شفايفها بدون شعور و رمش بسرعه يمنع دموعه تتجمع
ملاك انتبهت لاحد واقف بالدرج و ميلة جسمها تشوف و عقدت حواجبها وهي تشوف نايف ، رفعت صوتها وهي تاشر له براسها نيوف شفيك تعال
نايف كمل باقي الدرج وراح له وضمها وشد عليها
ملاك مسحت على ظهره وتفكر ان موضوع امس لازال براسه ، ماقلت لك انسى موضوع امس و .....
قاطعها لم قال بصوت معبور : مسا محتني يوم اني سحبت عليك اليوم ؟
ملاك انصدمت لي ثواني ثم ضحتك وضربة راسه : انا ازعل عليك ؟ هذا اللى مزعلك يعني
نايف بعد عنها وشتت نظراته باحراج : لا بس اخوك الحوش عصب علي
ملاك هزت راسها وهي تضحك : انا مستحيل ازعل من ولدي الصعيرر
نايف : والله ماعندهم زي مامتي
ملاك ابتسمت وباست راسه : والحين ممكن تبعد ابي اخلص شغلي
نايف ابتعد عنها وشاف نواف ينزل من الدرج وصد عنه انتبهت له وناظرت نواف اللى جاهم وابتسمت له : صح النوم
نواف بدون نفس : صح بدنك
جلس وابعد كرسيه عن نواف وقال : في غداء
نواف : غداء الحين ؟
نايف بهجوم : ماكلمتك
ملاك رفعت حواجبها بجديه : انتم تتناوبون مين اللى يمسك النفسيه ؟ وبعدين مافي غداء الحين يجي العشاء
سكتو و كل واحد كان جالس يخز الثاني بنظراته ...
ملاك كملت شغلها من التنظيم وهي تسوي العشاء والكل في حالة صمت
حس نايف بتانيب الضمير وان هو السبب وفي الحال اللى هم فيه الحين
تنهد بصوت مسموع وعيونه متعلق بوحده من الزوايا
سمعوه وناظرو بنفس الوقت وانتبه لهم ونزل عيونه
نواف ما فاتته ملامحه وقام مسك يده وطلعو
ابتسمت ملاك

نايف من ابتعدوا عن المطبخ مسح دموعه المتجمع
وحس بنواف اللى يسحبه له وضمه ويدفن وجهو بكتفه وهو يمسح على شعره ...
نايف بلع غصته وهو يشد عليه ، سامحوني على اي شي سويته اليوم
نواف باس كتفه : طيب وش فيك
نايف وهو يحارب غصته : تعبت
نواف عقد حواجبه لخفيف وسحبه للكرسي وجلسو وحاوط وجهه: تعبت؟ من وش ؟
نايف سحب نفس عميق وزفر : من كل شي
نواف رتب شعره ولازال ماسك وجهه ومستغرب من كلامه المختصر ومتاكد في بركان داخله بس للان ما انفجر : علمني فيه بكون معاك
نايف ناظر عيونه وهو يرمش : خايف ارسب نواف مو قادر اذاكر مو قادر اوازن نفسيتي والدراسه تاعبني التفكير بكل شي ليه مو مثلكم انا اعرف ادرس وانظم وقتي
نواف استغرب من كلامه ومسح دموعه با أطراف ابهامه : انت ماتدرس ؟ مين اللى طول الوقت على كتبه واشغاله ، ليه متشائم لهادرجه وانت داري انك قادر ؟
نزل نايف راسه لحضن نواف وبغصة : مو قادر اكمل زياده مو قد التخصص انا مو قده
ابتسم نواف ونزل راسه لمستوى راس نايف : افا يا الصيدلي هذي بدايتها .
....