ثاني يوم الصبح گعدت من وكت سبحت و رحت للغرفة صافنة على الملابس دخلت بيبي ضلت تباوعلهن اخر شي گالت لا تلبسين هذن يخزن شوفيلج غير شي باوعتلها و گتلها بيبي رجعي نامي رفعت البينصل جان مخطط ابيض و اسود و ضاب ما اعرف امشي بي وحدة لبست جاكيت طويل فوگة و طلعت
- صباح الخير
- صباح النور
- شلونكم
وحدة من البنات گالت تعبانة رحت للمطبخ و احجي گلتلها يووه انتي 24 ساعة تعبانة تطلعين عضلاتج بس بالليل
روان :- ههههههه شنو اليوم انتي متحمسة
- مو بس هيج و فرحااانةة هوااايةة
- الله يديمها عليج الافراح
- شغلولنة اغاني بالله تسويلي واهس للتنظيف
- بنات شغللها اغاني اليوم شموس متحمسة
جان عندهم Dj صغير شغلن اغنية و اني جنت بس امشي و اميل باكتافي و البنات گامن يضحكن و يرگصن و الي بيهن گاعدات يصفگن
سمرا :- تعالي لج بس رگصتينة تعالي رگصي انتي هم
- داتشغل اني ما اگدر
- دتعالي مطاير الشغل
جرتني و غيروا الاغنية شغلوا خشابة بصراوية خليت الجاكيت بالجنطة و اخذت شال من روان شديتة و ارگص
روان :- مصرية طلعتي ولج منين متعلمة هل رگص
- موهبة هذي من الصغر يا عيني ههههههه
جنت داتمايل و ماخذة راحتي اني و البنات و نرگص و اگمز وياهن و اضحك نص ساعة واحنة ما گعدنة هلكت
- ولجن عوفني اكمل شغل مداگدر اتنفس بعد هههههه
- لا بداعة امج كملي
راحت روان شوية و ما احس الا صاحت ولج شمسسس التفتت و اشوف الملازم واگف يمها
فتحت عيوني على وسعهن و اشوفة يباوعلي معصب .. لا مشتعل نار و عيونة شوي و يطلعن من مكانهن فتحت الشال و شمرتة و بسرعة رحت على جنطتي داريد اخذ الجاكيت جرني من ايدي قوي الا شوي خلعها
خزرتة و احاول اجر ايدي منة بس هوة ما تحرك قرب وجهة من وجهي يحجي وياي و راص على اسنانة
- شتسوييين هنااا
روان :- لكك رعد اترك البنية شبيك تخبلت
- شكو تسألني منو انتة حتة تسأل ما عليك مني
- سألللتجججج شتسوووووييين هنننااااااااا جاوبيننننييي
نزيت و جريت ايدي بقوة باوعتلة و گتلة شداسوي هنا يعني برأيك داشتغل هنا
فتح عيونة على وسعهن و ما احس الا و ضربني راشدي بقوة وگعت على الارض و ايدي على خدي متفاجئة و البنات صرخن و اجن علية فتحت عيوني على وسعهن مصدومة منة
گمت اصرخ و اضرب بي و ادفع و البنات يجرون بية و اني اغلط علية
- حيوواااننن كككلللبب منوو انتتةة وتمدد ايددكك عليكك اكسرهاا الكك ووااالله
روان :- على كيفج شمس شبيج .. اوگفي ولجج
البنات واگفات بيناتنة و هوة داير و يفرك بوجهة جريت جنطتي و طلعت امشي و امسح بدموعي و اريد اطلع الجاكيت البسة و جسمي كلة يرجف
امشي و اغلط علية و همة يسمعوني .. ابن النعال ما ادري منو حاسب نفسة و ديبيعهن علية بعدة ما يعرف شمس منو الا اندمة على هاي سوالفة
أنت تقرأ
بين النوائب و الخطايا
Mystery / Thrillerبين النوائبِ بونٌ للنّاس فيه مزايا البعضُ لم يدرِ إلا البِلى ينادي البلايا والبعضُ مَا ذَاقَ منها سوى حقيرِ الرزايا إنَّ الحياة َ سُبَاتٌ سينقضي بالمنايا آمالُنَا، والخَطايا رواية عن فتاة لم تعرف من الحياة شيئً لفتاة كانت تضن بأن القوة تكمن في صوتها...
