دَعِ الأَيَّامَ تَفْعَل مَا تَشَاءُ
وطب نفسًا إذا حكمَ القضاءُ
وَلا تَجْزَعْ لنازلة الليالي
فما لحوادثِ الدنيا بقاءُ..
متوترة و افتر مكاني رايحة راجعة ما ادري شسوي و انتظر شمس گالت تجي يمي بهذة اليوم بس تأخرت التلفون بأيدي و اضرب علية بأصابعي
شوية و دخلت شمس رحت ركض جريتها من ايدها و اصيح عليها
- وينج تأخرتي انتظرج اني من ساعة
دخلت للغرفة و اهية بس تضحك علية گعدت و گالت
- عليمن متوترة ترة جايين بس اتفاق لا يشوفج و لا تشوفينة
- اي بس رغم هذة كلة و متوترة ما تدرين البارحة سجاد شسوة
- شبي هذة بعد شسوة
- ولج ما قابل يگول شنو تاخذ واحد متزوج ثلاثة لأن عندة فلوس حسبالة ننطي مرة
- اهوة انتم حتة ما جنتوا تدرون عندة فلوس اصلاً بعد عليمن هذة الحجي
- شعرفني و انوب يگلي اذا قبلتي بعد ما احجي وياج شسوي عفية
- ما عليج منة بس حجي هذة .. يلا اني رايحة ما اگدر ابقى اكثر
- شنو متضلين يمي
- لا و اصلاً اليوم اخر يوم الي بالدوام
- ماشي
طلعت شمس و اني بقيت بتوتري و احس اكو مغص بطني موتني ، نص ساعة و گال ابن اخوي اجو اجوو
ركضت اني و نسوان اخواني نباوعلهم من شباك المطبخ شوية و دخل اهوة يمة گلبي ضل يرفرف من شافة الابتسامة شگت حلگي و اعض على شفايفي لا ينتبهولي فشلة
اسراء :- وينة اهوة منو بيهم
- هذة الي لابس اسود
واهية تعض على شفتها
- اويلااه حات
- نجبي لجج ادبسز
- اوي عيني تغار هذة بعدة ما صار رجلج وهيج
- شلون اح تتحملين الضراير
دخلوا و ركضنة نسمع من ورة الباب بس اجانة ثامر و طردنة ركض رحت لامي
بعد مدري شكثر طلعوا و اجو اخواني يمنة گعدوا و حجة اخوية الجبير زين العابدين
- انتي الولد و شايفتة بعد و هوة هم شايفج و احنة سألنة علية قبل ما يجي لعلمج ، رجال معدل ما ناقصة شي بقت بعد انتي و قناعتج احنة ما نضغط عليج و بيت وحدج ما يطلعج گال هوة البيت نفسة مقسم و همة متعلمين كلهم سوية و حقج ما ينأكل ان شاء الله و من هذة الحجي بعد
ثامر :- و انتي تعرفين هوة متزوج ثلاثة و عندة اطفال و راح تعيشين وياهم بنفس البيت تقبلين ما تقبلين تبقى هاي يمج و بكيفج
سجاد :- رجال اكبر منج بـ15 سنة مدري شكثر عليمن قلة زلم لو شنو انوب متزوج و بعدين تعاي كل يومين يا نور زعلانة
أنت تقرأ
بين النوائب و الخطايا
Misterio / Suspensoبين النوائبِ بونٌ للنّاس فيه مزايا البعضُ لم يدرِ إلا البِلى ينادي البلايا والبعضُ مَا ذَاقَ منها سوى حقيرِ الرزايا إنَّ الحياة َ سُبَاتٌ سينقضي بالمنايا آمالُنَا، والخَطايا رواية عن فتاة لم تعرف من الحياة شيئً لفتاة كانت تضن بأن القوة تكمن في صوتها...
