بين النوائب و الخطايا

البارت الخامس

كل العالم سراب وكذبة ألا أنتي فصدق قلبي في حبك وما اجملك من حقيقه جميلة.

گعدت الصبح روتين عادي ماكو جديد اليوم ثلاثاء رحت للمدرسة جبت البطاقة جنت مغلسة عليها و بعدها رحت للشقة نظفتها كملت و رجعت للبيت بعد نص ساعة رحت للمطعم و بالليل ارجع ادرس و ادرس الجهال و انام

صح تعب بس اهم شي مرتاحين صارلنة شهر و اسبوعين من عطلنة علمود الامتحانات الوزارية

فگمت اروح الصبح للشقة و من ارجع ادرس و مرات اخذ وياي كتابي للمطعم بوكت الفراغ اگعد اقرة و بالليل اقرة هم

- صباح الخير

- صباح النور

- دتدرس ولك احمد

- اي حتة سألي بيبي

- جاي يدرس لتخافين انتي شلونج بالدراسة

- كلش زينة و تدرين شنو بيبي هناك اكو نت و الي ما اعرفة ابحث و الگاه و بسرعة افهم

- اي زين اهم شي دراستج بنيتي هذي السنة تحدد مصيرج هاا اهم شي شهادتج وانتي بكيفج بعد

- ان شاء الله خير بيبي يلا اني طالعة لا اتأخر وانتي قمر ما اريد وكاحة و انتة كمل دراسةة

طلعت رحت للشقة جانت هل مرة قذرة بشكل مو طبيعي و البنات نايمات الي بالغرفة و الي بالصالة كل حدة شامرة نفسها بمكان

- هاي شنو صاير هنا

- تعبن من سهرة البارحة

- هههههههه دگومن گومن .. شنو السالفة

- البارحة اجو ضباط هواي و اكو بيهم معروفين بالدولة و الهم مكانتهم و اجو على وكت بدون موعد و انخبصنة

- ليش الكم تحضيرات خاصة يعني بهل حالات

- طبعاً شلون لعد .. بس مرة ثانية نبتهم ينطونة خبر و ادز عليج من وكت حتة نعدل الشقة خوش

- خوش بس كون ما يتضارب وية شغلي الثاني

- بعد حسب نشوف

كملت تنضيف و رجعت للبيت بعدها رحت للمطعم مجان عدنة هواي شغل اليوم ف گاعدين اني و ثنين بنات على طاولة من المطعم

حور :- تابعت مسلسل رومانسي يجنن سوة عندي جفاف

- شنو اسمة

زينب :- انتي التهي بدراستج سادس

حور :- قصيرة اهية و هم تشوفها بوكت فراغها مو صح

- اي صح طلعيها الي مشايفة مسلسلات من السادس ابتدائي تدرون اشتاقيت اشوف

- هاج تابعيها ما عليج بهاي

طلعتها الي و خليت التلفون گدامي على علبة الكلينكس و الهيدفون بأذني بقيت اباوع نسيت نفسي انوب كوميدية و اني كل شوي ضاحكة بصوت عالي و زينب تندسني