بين النوائب و الخطايا

البارت الاول

بين النوائبِ و الخطايا

فَلا أناْ مُفْصِحٌ عَمّا أُعانِي
‏ولا وَجعِي عَلى صَمْتِي يَزولُ..

يوم الاثنيـن 2016 / 1 / 1
12:00 AM
بغداد

اسمع صوت بيبي دتصيح على قمر و احمد يطفون التلفزيون مشغلين اغاني فرحانين بالسنة الجديدة و ديرگصون على شنو ما ادري و اهوة كُلة نفس الخرة

- ولج شممسسسسسس

- الله ياخذها لشمس شكووو

- تعالي دشوفي هذة اخوج ميگعُددد تعبني

- ابن القُندررررةةة تعاااال نااام لا انعل والديك هسةة

- اشو انتي متستحين ولج تغلطين على ابني گبالي اني كم مرة گتلج لا تغلطين منين متعلمة الغللللططط

- هوة ابنج لو بي خير مو هاي عيشتنة بس شگول

- ادبسزز بعدج بگد الفصمة و لسانج شطولة

نترت اوووه و رفعت ايدي بملل رحت جريت قمر و احمد شمرتهم كلمن على فراشة

رحت جريت الواير مالت التلفزيون و طفيت الضوة و نمت اذا اناقش بعد اكثر معناها محد ينام اليوم

ثاني يوم الصبح گعدت على صوت البيبي دتصلي گمت واني متكاسلة سبحت و رجعت للغرفة

- يلاااااا دگعدوووااااا .. گعدوا خلصوني

- شنوووووو شكو شعدنة گاعدين

- مدرسة شنو بعد

- عطلة عطلة منطيها عطلة شبيج

- يووه نسيت اليوم واحد واحد اي لعد ارجع نام

رحت لبست بنطرون و بدي طويل لفوگ الركبة مشطت شعري و ضفرتة اخذت جنطتي و رحت لبيبي گتلها اني طالعة رايدة شي

- جيبي وياج خضرة و بصل و طماطة و..

- خلص خلص اعرف الباقي

طلعت و تمشيت مسافة رحت لبيت صديقتي دگيت الباب طلعلي اخوها الجبير اول مشافني دنگ راسة و صار على جهة

- تفضلي خوية تفضلي

گتلة تسلم و دخلت وگفت يم باب المطبخ اجت هية تركض حظنتني و گالت زين اجيتي تعالي دخلي

- لا داريد اروح اخاف اتأخر بس اجيت لخاطرج لأن لحيتي علية

نور :- يا عُمريي اوگفي لحظة انزين

راحت ركضت للبيت ثواني و رجعت بأيدها علبة گالت هذي هدية السنة الج

- هاي شنو نور حتة بداية السنة بيها هداية

- اي شلون لعد بابا نويل شنو شغلة

- هسة هاي منج لو من بابا نويل

- لالا هاي مني

- ههه تمام شكراً

سلمت و طلعت جانت علبة مربعة شوي جبيرة خليتها بالجنطة و كملت طريقي