رواية (ملاك الزين) بقلم/ ندى عادل بلال

البارت الثامن

البارت الثامن من رواية《 ملاك الزين》للكاتبة/ ندى عادل بلال 《 ملكةالليل》

"سبحان الله"
"الحمد لله"
"لا أله إلا الله"
"الله أكبر"
"لا حول ولا قوة إلا بالله"
______________________________________
                            "نبدأ"

*في جانب بعيدًا عن أعين الجميع في الحفلة*

اردف رامي بغضب وعيون تتطاير منها الشر: أنتِ ايه اللي جابك هنا و عايزة ايه تاني بعد كل اللي عملتيه

هبة ببعض القوة: أنا معملتش حاجة، وبعدين أنتَ مالك أجي ولا لا؟! هي دي حاجة تخصك؟! وأبعد كده بقى عن طريقي

كادت أن تتحرك ولكن منعها رامي وهو يمسك يدها ويضغط عليها بشدة مما ألمها

رامي بغضب شديد: أقسم بالله يا هبة لو اللي في دماغي طلع صح وعرفت إنك جايه علشان كده هنسفك يا هبة أنتِ فاهمة

هبة بخوف من هيئته وقالت بدموع: لتاني مرة بتتهمني وبتظلمني بس ما تقلقش مش جاية علشان اللي في دماغك أنا جاية لأن تسنيم وملاك أصحابي وأخواتي

رامي بعصبية وغضب شديد: كداااابة....... كدابة وهتفضلي على طول كدابة..... أنتِ ايه حرام عليكِ كفاية اللي عملتيه فيا من خمس سنين راجعة تاني ليه....... لييييه

هبة ببعض القوة رغم ضعفها أمامه ودموعها التي تنزل على وجنتيها بقهر قالت: أنا مش كدابة أنتَ اللي رافض تصدق الحقيقة...... رافض تصدق إن كلامك اللي قولته كان كله كدب في كدب وأنك وقتها ظلمتني 

رامي بغضب: كدب ازاي وأنا شوفتك بعيني...... سمعت كل كلامك بودني مافيش حد قالي حاجة علشان أكدبه وأصدقك

هبة بهدوء رغم انكسار قلبها وألامها: أوقات العين بتشوف غلط والودن بتسمع نص الحقيقة اللي عايزة تسمعها..... وبترفض تسمع باقي الكلام وباقي الحقيقة

رامي بعدم تصديق: و ايه الدليل على كلامِك ها؟! أنتِ إنسانة كدابة...... ثم أكمل بتمني: كان نفسي تكوني هبة الطفلة اللي عرفتها في الأول...... كان نفسي تكوني هبة بتاعت زمان...... زمان قبل ما أعرف حقيقتك ال**** اللي دمرت كل حاجة حلوة كانت موجودة بينا

هبة بضعف ودموع: هيجي اليوم اللي تعرف فيه أني كنت مظلومة وإن كل الكلام اللي أنت سمعته في اليوم ده كدب في كدب بس ساعتها هيكون فات الأوان صدقني........... بعد اذنك علشان اتأخرت

تركته هبة وذهبت قبل أن يتحدث، تركته ينظر إليها بغضب شديد وكأنها ألد أعدائه، وأيضًا ينظر إليها بخوف من أن يكون حديثها صحيح ويفقدها بعد ما يعلم الحقيقة، ولكنه رفض ذلك الخوف وهذه الفكرة وقال بكره: مستحيل أصدقك تاني أنتِ كدابة وهتفضلي كدابة طول عمرك، قدرتي تمثلي عليا زمان لكن دلوقتي مستحيل تقدري لأني مش هسمحلك....... بكرهك يا هبة....... بكرهك وعمري ما كرهت في حياتي حد زي ما كرهتك.
************************************
بقلم/ ندى عادل بلال
《ملكة الليل 》