بنات العم

بنات العم 🔥مقدمة

مقدمة
ليان : بابا شن معانتا بنرجعو لي ليبيا
حاتم : زي ماسمعتي
ليان شبحت لي امها
سوسن : اللي يقوله بوك اني موافقة عليه
ليان وقفت متعصبة وخشت لي دارها😫
سوسن : اني محبيتش نتكلم قدام البنات عشان منكبرش راسهم بس بجديات انتا عودتهم ع العيشة البرا كيف بيتأقلمو مع ليبيا وتقاليد اهلك
حاتم : بويا يا سوسن كلمني قلي نبيكم تعيشو معاي اخر اياماتي معقولة نرفضله طلبه وساد البنات كبرو بعاد عليه
سوسن : تمام دير اللي يريحك واني توا نزيد نكلم البنات

خلي نعرفكم ع عيلة
حاتم الأب عمره 55 رجل اعمال سوسن الأم عمرها47 دكتورة اسنان بس متخدمش وبنتهم الكبيرة ليندا 23 متخرجة هندسة ديكور وتخدم مودل لي شركات عالمية في المانيا طيوبة وهادية لي ابعد حد وبعدها ليان 20 طير شر وعنيدة واللي تبيه يصير سنة هادي ثانية جامعة واخر العنقود لميس عمرها 17 ثانية ثانوي نسخة ليندا وليان واخدة من ليان العصبية والعناد واخدة من ليندا طيبة واسلوب حلو
وحاتم اول ماتزوج من سوسن سافرو يكملو قرايتهم البرا في ألمانيا وعاشو فترة غادي بعد تخرج وعجبهم جو استقرو غادي جابو ليندا وكانو يمشو ويجو لي ليبيا بس من يوم جابو ليان ولميس معاش مشو . توا نزيدو نتعرفو عليهم في باقي رواية

# كاتبة كراميلا 🔥.