بارت 12🔥
احمد : تمام نتلاقو في مكان &؛٫+!٫
مجهول : اوكي متعطلش
احمد : تم
ميس : خيرها هادي تشبحلنا من فوق لي لوطا
سمر : كان تشوفي مبكري طلعت سلمت ع عزو بلا وشاح قريب نقزت عليها ريشتها من شعرها برتقالي
ميس : لالا فكينا مشاكل من اول يوم بس هادي مني
سمر : زينة قتلي بنت عمتي
زينة : مزينة جت هي تعالو
مشو لي بنات لي دار زينة وبدو يمكيجو ويلبسو
احمد : شن تبي انتي قولي بسرعة
حنين : احمد حبيبي بشوي ناس يتفرجو علينا
احمد : تكلمي شن تبي سيارة حوش فلوس شنو تكلمي
حنين ضحكت : منبيش لا سيارة ولا طيارة نبيك تتزوجني
احمد : لاا
حنين قاطعاته : قوتلك تتزوجني يعني تتزوجني
احمد : يابنت الناس اني متزوج متفهميش
حنين : لا تحسابني زي بنات تانين ح تجي تخطبني وتتزوجني
احمد وقف وروح وخلا حنين تفكر 😈
فاطمة : لميس حطي حلويات هادم في حافضة سمر وصتني عليهم قتلي ميقعدوش في خاطري
ليندا : واللهي سمر هادي ماليها حلل بكلل
ليان كانت واقفة ع رخام شدت في لميس بالقوي
لميس مسكتها : خيرك ليان
ليان طاحت ع طولها.
فاطمة : سم الله خيرها هاتي امية ليندا
ليندا جابت امية وبدت ترش عليها ليان مفاقتش
فاطمة : هيثمم يا هيثممم هيثممم
هيثم خش : شنو فيه
فاطمة : مرتك طاحت بسرعة قيمها حطها في صالون
هيثم قامها وحطها ع صالون والعيلة التمت
ليان تفتح في عيونها بالشوي بالشوي
فاطمة : وجها اصفر ارفعوها مستشفي مش طبيعي
ليان فنصت عيونها : مستشفى لاا اني كويسة خلاص اهو نضت
حاتم : يابنتي خلي يرفعك راجلك لي مستشفي نطمنو عليك
ليان تشبح لي هيثم اللي ماسك هاتفه ومش مدورها. لالا بابا مكليت شي صبح هدا علاش توا شوي ونرجع احسن
ليندا : اي اي توا نجيبلك بسبوسة كولي
ليان : لاا مخاطريش حلوو في بكل كبدي زاهقة
فاطمة غمزت لي بلقيس 🤭😉
فات الوقت ومشو العيلة لي محضر وغيرو جوهم وبعدين روحو وسمر وميس ركبو لي شققهم مع رجالتهم.
1:30 الكل كان راقد الا ليان كانت تتقطع من وجعع بطنها خشت مطبخ دارت حليب وكاكو وكعمزت تتفرج ع تلفزيون.
كان هيثم مروح مطفي وميشوفش قدامه من حشيش وشرب شاف ليان مكعمزة
هيثم : شن اديري اهني خشي ارقدي ليل
ليان : خليني في حالي وبرا مش ناقصاتك
هيثم جا جنبها وشدها من ايدها : نوضي خشي معاي ليل
ليان شبحتله وكيف بدفه داخ عليها
ليان : هيثم ااء هيثمم خيرك 😧
هيثم كان مش قادر يفتح عيونه لأن مكثر حشيش
ليان ناضت من تحته وقعدت تكر فيهه منضرها يضحك 🤣😭 وصلاته لي مربوعة وغطاته وطلعت وهيا داهشةة
ليندا كانت راقدة بس وصل مسج ع وتس ناضت مخلوعة فتحت الوتس لقت رقم غريب باعتلها صور حطت ايدها ع فمها وشافت احمد اللي راقد كملت تكت وتغطت ومبتش طلع اي صوت وقعدت تبكي وتشهق مع بعضها
12:30 الضهر
هيثم فاق ع روحه وراسه مصدعع خش دار نوم شاف ليان تنضف ومطلعة بساطات وغاسلتهم غير حوايجه وطلع برا شقة ليان تنهدت بالحزن وكملت ضمان
أنت تقرأ
بنات العم
Fiction généraleمقدمة ليان. بابا شن معانتا بنرجعو لي ليبيا حاتم. زي ماسمعتي ليان شبحت لي امها سوسن. اللي يقوله بوك اني موافقة عليه ليان وقفت متعصبة وخشت لي دارها سوسن. اني محبيتش نتكلم قدام البنات عشان منكبرش راسهم بس بجديات انتا عودتهم ع العيشة البرا كيف بيتأقلمو...
