بنات العم

بنات العم 2🔥

بارت 2
# تفاعلو 🔥
# كاتبة كراميلا 🔥

فتحت ليان عيونها بالشوية ملقت حد في دار خشت دوشت ولبست سروال جينز واسع وتوب احمر وفتحت شعرها وبخت صنة ونزلت وفي طريق شبحت صابرين
صابرين : هلا
ليان : اهلين
صابرين : ع فكرة الولاد كلهم لوطا
ليان😒 : به وكان
صابرين : يعني غطي شعرك
ليان : ههه تعرفي الكلمة هادي بابا ومقالهاش
صابرين ضايقت وخشت دارها🙂
ليان تمشي وتقلد في صوت صابرين فجاءة تخبط في صدر هيثم 🔥
ليان قامت راسها شافت هيثم عاقد حواجبه
ليان : خيرك خوي مش قصدي
هيثم : انزلي بلا كلام زايد
ليان : خيرك انتا تحسابني ميته ع شوفتك
هيثم : استني
ليان : نعم
هيثم : غطي شعرك
ليان خافت من صوته الغليظ ومحبتش تناقشه لبست برنوص ونزلت وخش هيثم لي داره وهوا مستغرب من حركاتها طفولية ودكر حاجة وتكا ع سريره وتنهد تنهيدة وجععع
ليان : انستو بعض ياجماعة هكي يقولو فيها ولا
الكل : 😂😂😂
عبد سلام : تعالي جنبي يا حفيدتي ليك 6 ساعات راقدة معقولة
سوسن : خميرة بسلامتها ياعمي
عبد سلام : خليها اكيدة تعبانة
فاطمة : نديرلك حاجة تاكليها اكيد جعانة
ليان : لا متعبيش روحك مش جعانة
عبد سلام : معقولة مجعوتيش
فيروز : قتلك نباتيه مش متعودة ع ماكلة بتاعنا😏
ليان شبحت لي امها : خواتي وين
سوسن : لميس من غدوا بتبدا في ثانوية مشا طلعت مع بوك ياخدو حجات وليندا مع بنات عمك في جنان
ليان : خلي نطلع نشوفهم
لبست ليان سبيدرو وطلعت لي جنان
ليان : هاي
ريهام : هلا وين هدا كله نوم
ليان : اي حق لتوا نعسانة 🙈
ميس : سادك توا تتعودي ع نوم المغرب
ليندا : هادي خميرة بتاعنا
ميس : ههه ربي يحفضكم
سراج : هلا يابنات
ليان : اهلين
ريهام : خير سيرجو شن في
سراج : لا غير جو كساد قولت بالك نكسدو معاكم كانا مفيش مانع
ليان : اي عادي تعالو
سراج : تي احلي بنت عم للصبحح شوفتو يانفسية انتي وياها
ريهام : صار احني نفسيات
سراج : خلي نادي احمد ونجي
مشا سراج جاب احمد وكعمزو كلهم ع طاولة
سراج :هيا شنرايكم نلعبو
خشت لميس
لميس : هاي تلعبو من غيري 😏
سراج يشبحلها : والله قوتلهم منلعبوش الا بوجود القمر 🤤
لميس تحشمت وكعمزت جنبهم
سراج : نلعبو تحدي صراحة
ليان : هيا
ميس : خيرك احمد حسيتك مش معانا
احمد : اها لا معاكم
سراج خش داخل وجاب شيشة وقعدو يلعبو ويضحكو وندمجت ليان مع جو نوعا ما
وكانت صابرين تراقب فيهم من فوق كيف ليان تضحك والكل يبصرو معاها وندمجو مع بعض
فات الوقت وجت ساعة 2 والكل خش يرقد الا ليان كعمزت قدام حوض تكلم في حسام

حسام : يعني ندمجتي معاهم
ليان : نوعا ما هما اغلبهم كويسين وجوهم حلو بس في واحد مكشر وعاقد حواجبه وطويل كان تشوفه تخاف اسمه هيثم وحدة صفرة مسمومة اسمها صابرين
حسام يضحك : ومني هدم
ليان : ولد عمي منير وبنت عمي محمود
هيثم : احم احم
ليان وقفت مخلوعة😰
هيثم : اهلك مقالولكش أنه عيب تحكي ع حد
ليان : ااا مش قصد
هيثم قاطعها : خشي ارقدي الوقت متأخر معندناش بنات يقعدو البرا لتوا
ليان : بس
هيثم : اسمعي الكلام خيرلك
ليان : معندكش الحق تتحكم فيا
هيثم تنهد : خشي داخلل
خشت ليان وهيا تتأفأف
وكعمز هيثم ع حوض فجاءة لمح سنسلة محطوطة قامها وحطها في جيبه وركب لي داره
10:00 الصبح ⛅
ليندا تجبد في شعرها🪞
ليان نحت بطانية من وجها : ليندااااااااااااا
ليندا لابسة سماعات ومندمجة
ليان : ياتيسةةة
ليندا نحت سماعة وتلفتت عندها : نعم
ليان : صبح ربي مولعة النفخخ هدا فوق راسي
ليندا : دوشت وبنشف شعري
ليان :بري لي جناح امي نشفي واجبدي المهم متنفخيش راسي
ليندا : خلاص كملت
ليان : وين لميس
ليندا : مشت لي ثانوية
ليان : كويس هيا خليني نرقد
ليندا : معقولة حتي اليوم مش ح تنزلي تفطري معاهم
ليان : ايح انتي عارفة جو تقاليد منحبااش فطور غداء عشاء معنديش غيرهم نقابلهم
فيروز خشت : شنو يابنت الكلام هدا
ليان تغطت ورقدت
ليندا : هيا لما تبدا نعسانة تبدا تقول في كلام مش مفهموم مدوريش
فيروز قامت بطانية ونشرتها في بلكونة
ليان :😬😬
فيروز : في الحوش هدا ساعة 11 الكل نايض يشوف اموره
ليان غمضت عيونها بعصبية : لو سمحتي متتحكميش فيا اني وخواتي لأنه احني عكس احفادك تانين احني متربيناش في حوش هدا ولا عشنا فيه ولا كبرنا فيه احني ماتعودين ع حياتنا اوكي فيروزة
فيروز : تبيلك اعادة ضبط انتي يابنت نوضي تحركي قدامي افطري
ليان : سكرتي راسك معاي يعني تمام تمام
نزلت ليان بي بيجامة وشعرها متناثر ع وجها كعمزت ع طاولة الفطور😑
ميس وصابرين يشبحولها بأستغراب 🙂
سوسن : شن حالة هادي ليان اركبي غيري حوايجك
سراج : خيركم في كل حالاتها عسل
احمد نخص سراج : راه يسمعك جدك
ليان : فيروزة قتلي انزلي افطري
عبد سلام : خلاص خلوها براحتها
صابرين وقفت وهيا تشوف لي ليان من فوق لي لوطا : هيا سراج وقت ع محاضرة بتاعي
نزلت ليندا بكامل اناقتها وكعمزت ع طاولة الفطور❤️
سراج : هيا حميدة
احمد يشبح ليندا : برا انتا توا نلحق عليك
سراج طلع هوا وصابرين لي جامعة
ليان وقفت : تمام فيروزة فطرت نقدر نرجع نرقد لو معندكش مانع
سوسن تفنص في ليان 😬
فيروز : مفيش نوم اليوم جدك مداير عزيمة اقعدي ساعدي امك ونساوين عمامك وبنات عمك
ليان : اني 😃
فيروز : اي انتي
ليان : اني منعرفش نغسل طاسة تبيني نساعدهم في شني بلهي
سوسن 🤦🏼‍♀️
فيروز : هيا كلمة وحدة
ليان : يارب صبرني يلا نسايرك
رندة : مشاءالله ع قلة ادب هدا غير قارية البرا ومثقفة
ريهام : ماما توا تسمعك اسكتي
رندة : خلي تسمع مرات تربيها من اول وجديد
فاطمة : تمام معانتا اني بنبدا في حار ورندة عليك المسڨي
رندة : وسلفتي سوسن شن بدير
سوسن : عادي أي شي
فاطمة : ديري براك
سوسن : تمام
ناضو نساوين وفيروز لي مطبخ وطلع احمد وميس ياخدو حلويات وقعدت ليندا وريهام وليان يلفو في كلينكس
ليان : خيره هدا مباش يتلف
ريهام : مش هكي شوفي اني كيف نلف فيه
ليان قعدت مركزة ع ريهام لين بدت تتعلم
ليندا : نبي نسألك
ريهام : تفضلي
ليندا : تقريبا بلقيس وميس عندهم اختهم سمر صح
ريهام سرحت شوي وردت : اي
ليندا : وينها مشوفتهاش من اول ماجينا
ريهام : نحكيلكم شي وتقعد بيانتنا
ليان وليندا : أكيد
ريهام : سمر كانت تحب واحد وفي يوم قاللها نبي نشوفك وحددو يوم وتلاقو في حديقة وبالصدفة شافهم هيثم وحي عليهم حي جابها للحوش ونزل فيها ضرب ضرب اعضامها كسرهم وبعدها حرمها من هاتف وجامعة وحبسها في دارها ليها شهر ونص محبوسة