سيد القلعة 🏰 مكتملة 🏰

الجزء 34 🏰

كانت مسدود عليها في بيت و ايديها مربوطة بسلاسل هي  و رجليها مهبطة راسها للأرض و كتبكي بصمت أكيد دابا كارلوس يكون قتلو رافائيل هكدا كتقول وإلى ما قتلو أكيد خلاه يمشي لشي عالم من العوالم فناه فيها و غادي يعيش حياتو بسعادة وهي دابا محبوسة شكون غادي يعرف فين كاينة حتى من أليس غير بشرية فاش تنفعها لكن علاش ما قالتها ل كريست أكيد لو كريست عرف مستحيل يخلي شي وحدة من رعياه في خطر مع واحد مصاص دماء منبوذ و مطرود من العشيرة حسات بكرشها كتحرك بتسمات بمرار فين جاين واش غادي يكون العقاب تاعهم أكيد حتى حد ما يتقرب منهم تفكرات كارلوس من كان كيلعب ليها في كرشها كيتخايلها حاملة و كيجلس يغني ليها أكيد هي لوصلاتو لهذشي حتى يختطف ولد رافائيل كون قدرات تجيب ليه ولاد من الأول ما يوصلوش لهذشي
تفتح الباب ظهر وهو هاز كاس عامر بالدم عطاه ليها
خدي شربي
ريحانة:اشنوو دم الأبرياء قالتها بابتسامة سخرية و كملات بعد عليا هذشي نفظل نموت
-واخا موتي داكشي لبغيت حيت انتي سمحتي فيا كااااع ما نهز همك هز الكاس و شربو دقة وحدة رماه حدا رجليها تحنى لعندها و الدم نازل مع جناب فمو لحسو بلسانو اااامممم لذيذ عرفتي هذا دم بشرية يكون ياله ف عمرها ستة أشهر
ريحانة:حقير هذا المرة دراكولا غادي يقتلك بايديه ماشي ينفيك
-انا راجع اصلا على ود داك دراكولا نقتتتتتلووووو الحبيبة تاعي حتى كنتصدم بلالة البنات تعرسات بلا خباري انتي عايشة حياتك مبرعة ليا و انا منفي عبد مبيوع من قنط القنط فين هو دراكولا تاعكم كاع مالقيتو حتى ف قنط و عاد راجلك المحترم الساحر غابر ليهم الآثار ا ختييي العزيزة
ريحانة:انت ماشي خويا انت متي من نهار لخلفتي الأوامر تاع دراكولا الأكبر و قتلتي كل ناس لكانو لاجئين في المخيمات في الحرب ناس أبرياء كل ذنبهم أنهم هاربين من الحرب بغاو حياة أفضل جوزيف مات من داك نهار لماتو اكتر من خمسة ألف مسكين
جوزيف:هز ايديه وصفق عليها 👏🏻👏🏻👏🏻👏🏻 لقد تأثرت أختاه الصغيرة مد ايديه شدها من شعرها عند أمك الزهر ختي من نفس الأب والأم كنت طيرت رأسك لكن دابا ختي جايبة ليا وليدات ابشرك عمرك غادي تشوفيهم كيف يخرجو
ريحانة:إلى ولادي سمعتي بعدددددد منهم حيت انا غادي نقتلك براسي و ما نحترم روح أهلنا ولا العشرة كتهضر وهي كتحاول تتخلص من سلاسل لكن والو
جوزيف:واخا دابا نشوفو انا نمشي نشوف راجلك اااه قصدي راجلك لتخلى عليك
كان جالس في غرفة مظلمة حتى دخل عليه رافائيل شاف فيه بغضب
فابيان:واش مازال ما غادي رجعو من هنا مليت ا رافا هذشي بزاااااف علاش كنحس بك غريب
رافائيل:جلس جنبو و عنقو حبيبي ولدي عندي لك خبار زوينة غادي تمشي مع عمو مايكل غادي يديك عند عمو سام مستذءب تبقى عندو
فابيان:واش انت صافا ولا ضربك الله كيفاش تمشي عند شكون و شكون هذا عمامي منين خرجو ليا انا عندي عم واحد كارلوس لكنعرف و ما غادي نمشي فين
رافائيل:فابيان خاص تمشي و تسمع كلامي هذا مستذءب غادي تتعلم منو شحال من حاجة انا جبتك هنا باش تتعلم شحال من حاجة و باش رجع لك القوة تاعك
فابيان:و غير خلي لك القوة انا بغيت ماما و بغيت حياتي
رافائيل:ولدي واخا غادي رجعك حياتك غير سمع ليا
فابيان:ولااااا ما جا فين يكملها حتى ضربو رافا بطرشة جابتو طايح للأرض ما بقاش ناض أكيد غيب بسبب قوة الضربة
رافائيل:باش تتعلم تهز صوتك عليا إلى باك مضسرك انا ماشي باباك هههههه ماشي باباك الضريف و قريب نتفاهم معك انت و باك و كل أهلك غوت بصوت عالي هز عليا هذا  لعند سام و رد بالك تغلط تاني قالها و ختفى
           *****
مشاو من بعد ما تافق رافائيل هو و جو دخلو دار تعشاو بطبيعة الحال إلى كريست كتفى بدم حيواني
يارا:اشنو كنتو كتقولو قبيلة
جو:والو حاجة خاصة غير بالرجال
يارا:على بيني و بينك خصوصيات
جو:يارا مالك ياك لباس شي حاجة خاصة ب رافائيل ماشي بيا
كان رافائيل مراقبهم من بعيد وهو كيلعب فشعر افرا لناعسة على رجليه أكيد عارف انو قدر يلعب باعصابها و فأي لحظة تغلط دار شاف في كارلوس و كريست لجنبو
رافائيل:بدات كتاكل الطعم
كريست:أكيد الخوف تاعها يلعب بيها على الله تسربينا مليت من عالم الجن هذا و عاد المملكة تاعي بلا ملك علم الله اش واقع فيها
كارلوس:و عاد أليس و ريحانة من يعرفوا اش كنا كنديرو هنا واش درتي انت كاع غادي يفنيونا
كريست:أليس ما كتهمنيش خاصني نشوف إيمان قالها بلا شعور
شاف فيه كارلوس و رافائيل وضحكو
كارلوس:اخيرا عترفتي
كريست:اشنو قلت مالكم كضحكو
رافا:ههه لا شعور ديما كيفضحنا شي مرات انا عارف أنك حبيتيها غير عترف بيها
كريست:شكون هي شوفو ما تبقاوش تقولو شي حاجة ما قلتها نوض نعس حسن ليا قالها ووقف
كارلوس:على فين عمر دراكولا نعس اتعالى هنا
رافائيل:خليه يمشي راه مخاصم مع راسو و قلبو عقلو كيقول أليس قلبو إيمان هو ف صراع قوي ولكن أكيد القلب لغادي يغلب
كارلوس:اه كيف غلب الحب تاعك ل افرا على الشر لكان فيك
رافائيل:بتسم و هو كيشوف في افرا لناعسة اه بصاح على فكرة بغيت نسولك على الآلهة التنين الذهبي واش كتعرف عليه شي حاجة