سيد القلعة 🏰 مكتملة 🏰

الجزء 119 🏰

شاف كريست ف كارلوس بخوف مالو سكت اشنو واقع

كارلوس :شكون فهم لكن احسن ما تقرب ليه لا يعوقع مسكين رافا نهار أكيد هذشي بزاف عليه

عند رافائيل لكان كيغوت حتى فجأة سكت وغمض عينيه كان كيهضر مع راسو حديث نفس فتح عينيه و شاف ف السما بنظرات حادة بدا كيهضر بصوت مسموع

رافائيل :لا ارافا هذشي ماشي تاعك ما دازش عليك كتر من هذشي داز كفس دازت ليالي و نهار و شهورة كحلة وانت دابا اقوى من السابق أكيد داك الحقير منك و فيك وانت الأصل ما تخليش هذشي يسيطر عليك إلى كاع مشاو تلات عوالم باقي الخير و باقية افرا و فابيان و جوليا باقي ولادنا القدام و صحابك لكيبغيوك و كارلوس لكيعتبرك باه و كتر هذشي ماشي تاعك السقوط و الاستسلام غير الجبناء و الضعفاء وانت ماشي جبان انت قوي أكيد كاينة نقطة ضعف ليه

كريست :الله الله على رافائيل حماق مسكين اشنو نقول ل افرا

التنين الذهبي :شاف فيه بغضب يمكن عاد بدا يدير عقلو  يمكن بدا يفهم دور النظر تاعو اتجاه رافائيل

رافائيل :أكيد كاين شي حاجة تفكر من كان السيد كيقول ليه راك عاونتيني من كان كيتعصب  و السيد فرحان نقز من الأرض برشاقة جا واقف مباشرة شاف فيهم لقاهم كيشوفو فيه باستغراب

رافائيل :شاف ف كريست و كارلوس بغيتو تقتلوني ا ولاد الق*** الله يحرق جدركم بقيت ليكم غير انا ديرو ليا طعم

كريست :اااااا نسيبي راه غير خطة و صافي

رافائيل :ما بنت لكم غير انا فالخطة الله بخيط لكم الت**

كارلوس :شاف فيه بسعادة هههه رافا رجعتي هههه ههههه رجعتي كيف كنتي

رافائيل :هز حاجبو فيه على فين كنت غابر تهزو سيرو عند العيلات اشنو كتسناو

كريست:لا ما غاديش نخليوك بوحدك ابدا انت راك خونا فين ما مشيتي نمشيو

رافائيل :هبلتي سيرو و ديو معكم مايكل لا واصلا غادي نبقى  و بابا هز راسو ف التنين الذهبي لسمع كلمة بابا هز راسو فيه بسعادة  و عدم تصديق

كارلوس:واش جاب مايكل للأمر ياك هو خدم شيطان فين نديوه عاد كنت كنقول رجع لك العقل ساعة لقيتك كتهيطر

رافائيل :كل واحد يستحق فرصة تانية كيف قال بابا تهزو رجليه من الأرض طاير ف اتجاه مايكل لكان كيشوف فيه بخوف لا يكون غير كيكدب وقف عندو و بتسم ليه

رافائيل :يمكن انا و داك السيد شخص واحد قوة وحدة لكن مستحيل نكونو شخصية وحدة حيت انا عمري نظلم شي حد او نقتل شي حد طلب مني الرحمة حيت كلنا كنطلبو الرحمة من الرب فقط انا عكس السيد تاعكم قلبي كبير و حنين حيت انا سيد العوالم الملك ملك كل المخلوقات بما فيهم انت غادي نعطيك فرصة تانية من الأحسن تستغلها حيت ما كنعطيش الفرص دائما و كيف قلت لك انا ما قتلتش جيمس كان قلب طيب و دافيد اه قتلتو حيت رجع خادم شيطان و حاول هو و ليليا يقتلو افرا وانت لقرب لأهلي قالها و هز ايديه مباشرة تجاه عنقو بإشارة و كمل غادي نقتلو واش مفهوم أكيد فيك جانب مازال طيب انا حسيت بك و هذا لخلاني نعطيك فرصة قرب ليه و كمل غادي نعطيك من دم افرا النقي باش يتنقى الجسد تاعك  و ترجع بشري لاصلك و دم افرا حبيبة قلبي راه أغلى من روحي يعني رد بالك تغلط