#الضابط_الغيور_والعنيدة
#البارت_الثامن
يا سخافة هالمشاعر ساعه احن ساعه اكابر مره طايش مره صابر حبني هسه .. انساني باجر.
**
متابعة
اتمنى ما يزعجكم هالشيء 😘😘
**
ياسر : من شفتها واكفة كدام حيدر ونازعة شالها اشتعلت اعصابي تقدمت عليها وعيوني صارت نار حذرتها ورجعت عاندت اليوم ما خلي يطلع عليها صبح حراويها العناد على اصوله
لزمتها من ايدها حيل وكلت : عسل ..اني شنو كلت ؟!
ليش انتي تردين اطلعيني من طوري وتخبليني لج اني مو حذرتج ؟!
كالت والخوف واضح بنبرتها : اني مجنت اقصد بس نسيت ..والنبي مجان قصدي اعاند
اجت نبأ والبنات ..تركت أيدها واتوعدها بعيوني
هي ضلت صافنه عليه وتباوع بخوف
كالن : هاي ليش هيج خايفة حبيبتي عادي مصار شيء
كالت امي : ولا يهمج عسولة فداج الصحون بس كون انتي متأذيتي
كال حيدر : اني اعتذر اخوية مو قصدي اصير بطريقج ياسر هاي ليش هيج معصب وخوفتها للبنية مصار شيء هي كالت مجانت متقصده
تقدمت غيداء وكالت : ياسر حبيبي معقولة كل هالتعصيب لأن وكعت الصحون ..لو شيء ثاني
ياسر : لأنها نزعت شالها واني محذرها بس هي متسمع الكلام
ضحكت وكالت : اذا هاي بسيطة هي مجانت متقصدة وبعدين محد انتبه غير حيدر وطبعآ احنة نعرفة كولش زين ونعرف شنو هو كل البنات خواته
حيدر : اي صحيح ماعده وحدة مستحيل تصير اختي
نبأ : منو هي لك احجي فدوة مو اكلني الفضول
ضحك وكال : هي تعرف نفسها واليوم اني مقرر تصير الشغلة رسمية
انتبهت على غيداء خجلت وصارت خدودها حمر كالت وهي متوترة : اني حكمل الجاي ..ومشت بسرعة
نبأ : غيداء ؟!..لا ياالله ..معقولة ..شكد حلو..واني اكل ليش خجلت ..
ياسر : كافي نبأ سدي الموضوع
نبأ : هاي شبيك يسوري لك احنه لازم نحتفل احسن ولد عمك والي كلها تحجي بأخلاقه يريد غيودة لك غير هذا احلى خبر
ام ياسر : خلونا نكعد هسة وبعدها نحجي بالموضوع
نبأ : اي هاي احسن لحضة لأن الكل مجتمع هسة
صاح زاهر : هاي شنو شباب شديصير يمكم مو عمو مل من الأنتضار ..لج نبأ ويز الجاي
نبأ : اي ابو هيموي جايين
بعد ما الكل راحوا للصالة هي راحت للمغاسل اجيت وراها
غسلت وجها ونشفت اديها وبعدها لفت شالها لمحتني بالمراية
ألتفتتلي وكالت : انته مصدكني صح ..اني مجنت اقصد
ياسر : يعني تحاولين تقنعيني كل الي صار مجرد صدفة وبدون ما قصدج تعاندين
