#الضابط_الغيور_والعنيدة
#البارت_الواحد_والعشرون
الـما يجيك ..
بلهـفة لا تلهـف عليـه .
زحمـه تنطـي المـاي للشابع مطـر💔
**
ياسر : دخلناها للمستشفى ودخلوها صالة الولادة رأسآ دخلت أم علي وياها واني انتضرتهن برة
وكلبي عد حسوني بلكي فز وملكه امه يمه ؟!
ياربي تسهللها ولادتها ونرجع بسرعة
شوية واجتي ام علي تركض ..ألتفتت عليها وكلت : خير أم علي شصار
وكفت تتنهد ووجها صاير أصفر : يمة فدوة روحلي لمصرف الدم وجيبلنه بطل دم الطفل جاي على مقعده ولازم عملية ..الله يخليك بسرعة ابني..زهراء حتموت
ياسر : اهدي أم علي كولي يا الله ..اني أن شاء الله ما اتأخر ..
أخذت الورقة منها ورحت ركض على مصرف الدم
جبته بسرعة خليته بيدها وهي خطية وجها ميتفسر من الخوف
دعيت ربي يسلمهم و بقيت منتضر يجيلي خبر منهن وادور بالممر
ربع ساعة نص ساعة وكولشي ماكو
شوية ودك الموبايل طلعت عسل ..جاوبتها : ألو
عسل : هلا حبيبي وين أنته ؟
ياسر : حبيبتي طك كلبي على حسوني وأجيت أشوفه بس لكيت أمه خطية عدها ولادة وجبتها للمستشفى وهسة أني وياهن
تنهدت وواضح من نبرتها الغيرة : بس انته كلت محتروحلهم مرة الخ ..
ياسر : اي كلت بس مكدرت أشتاقيت لحسوني
عسل : وشوكت ترجع ؟!
ياسر : ماعرف ..بس خل تطلع من العملية ولادتها صعبة خطية
عسل بصوت هادي : وانته شكو...
ياسر : كلتي شيء عسل ؟!
عسل : لا مكلت ..بس اذا جابت بالسلامة ..ارجع لأن عدنه ضيوف
ياسر : ماشي ..ان شاء الله ما اتآخر ..سلميلي عليهم
عسل : يوصل ..وسدت الموبايل
**
عسل : تنفرزت حيل لمن كال هو ويه أم حسوني هسة ورايحلهم ..هو نفسه كلي محيروح ألهم لأن ميريد الناس تحجي عنه او عنهم ..لعد شلون راح اليوم ..اف تصرفاته حتجلطني ..هو ليش ميفكر بيه ويكول اني اغار عليه ؟!
وسالفة حبه لحسوني أبد ممرتاحتلها وخايفة يسوي اي شيء حتى يخليه وياه ..ويمكن حتى يزوجها
لا مستحيل اذا سواها ياسر أتخبل ..ماضل دقيقة وحدة ..مستحيل اتحمل اشوفه ويه وحدة ثانية
سمعت صوت نبأ فتحت الباب وكالت : عسولة اذا خلصتي كلام ويه نفسج يلا تعالي وياي خن نخلص العشا
عسل : كمت رأسآ وأجيت عليها
كلت : أني آسفة نبأ من شوكت انتي تصيحيلي ؟!
نبأ : صارلي عشر دقايق تقريبآ ولمن شفت ماكو أمل كلت خن اني أصعدلج وأشوف وينج وليش متردين وحتى من دكيت الباب مسمعتيني ..بشنو مشغول بالج ؟!
