ام هزاع : يلا يا عنود قومي اليوم اليوم بيون اعمامج و عماتج يلا فديتج قومي و وعي هزاع و خالد وانا بنزل بشوف شو مسوين الخدم
عنود : ان شاءالله امايه
و قامت عنود و تسبحت و طلعت المخوره الي بتلبسها لونها ازرق فاتح و مخطط بالابيض و شكله يجنن مع شيله بيت لونها ابيض راحت عند هزاع دقت الباب
هزاع : تعالي
عنود : هزاع يلا قوم و تسبح و طلع الكندوره الي بتلبسها
هزاع : تمام فديتج
طلعت العنود و سبحت خالد و لبسته كندورته و يلسته يطالع تلفزيون لين ما ايون و راحت العنود سوت ميكب خفيففف و لبست المخور و الشيله و تعطرت و خذت فونها و نزلت تساعد أمها و تشوف ابوها
عنود : السلام عليكم امايه
ام هزاع : وعليكم السلام
عنود : تبين اساعدج ف شي ولا خلصتو ؟
ام هزاع : لا فديتج خلصنا بس ابغيج تدخنين ميلس الحريم و الريايل و تشوفين لو كل شي زين
عنود : ان شاءالله امايه
و نزل هزاع و راح ل امه
هزاع : السلام عليكم شحالج فديتج
ام هزاع : وعليكم السلام الحمدالله بخير انت شحالك ؟
هزاع : الحمدالله غلايه بخير
راحت عنود عند ابوها
عنود : السلام عليكم ابويه شحالك
أبو هزاع : وعليكم السلام الحمدالله بخير وانتي شحالج ؟
عنود: الحمدالله ابويه
شوي و يو الاعمام و العمات وسلمو عليهم
مها : هلا هلاا ب عنودي بالقاطعه
عنود : مب قاطعه بس ماعندي وقت كله ضغوطات مسلسلات و رقادي اخترب بس تصدقين يبالنا نطلع انا وانتي و نشل ويانا فطيم فاطمه : سمعتتت اسمي شو تحشون عني انتو ؟
مها و عنود : لا مانحش عنج
عنود : كنا نفكر نطلع و نشلج ويانا
فاطمه : زين بس منو بيودينا ؟
مها : اخوي محمد بيودينا
فاطمه طالعت مها و غمزت لانهم يعرفون انه محمد يحب عنود بس هي ماتعرف
عنود : نزين مها روحي اساليه
مها : لا انتي اكبر انتي روحي اساليه
عنود : بس هو اخوج ليش انا
مها : انا مابا اسير لو تبون تطلعون روحو قولو له
فاطمه : يلاا عنود روحي
عنود : اف منكم اوكي بروح
راحت عنود و بالصدفه شافته يرمس فون فالحوي بس تريته بعيد شوي لين يخلص و خلص محمد و جافها
محمد : هلا عنود شحالج ؟
عنود : اهلين محمد بخير انت شحالك ؟
محمد : الحمدالله بخير بغيتي شي عنود ؟
عنود : هيه محمد انا و مها و فاطمه بغينا نطلع تقدر تودينا لو ماعليك امر ؟
محمد : هيه بوديكم تجهزو و خلو مها تتصل علي يوم بتخلصون
عنود : ان شاءالله
و راحت العنود عند البنات و محمد راح الميلس وهو يفكر فيها
عنود : رحت قلت له و قال بيودينا
مها : نزين يلا نروح نخبر امهاتنا و اني نلبس عبي
عنود : غلايه بنطلع انا و مها و فاطمه بنروح قاليريا
ام هزاع : تمام فديتج انتبهو على عماركم و خلي فونج شغال
مها : امي بنطلع انا وعنود وفاطمه و بيودينا محمد تمام ؟
ام محمد : تمام حبيبتي انتبهي على نفسج
فاطمه : امايه بنطلع انا و عنود و مها بنروح قاليريا بناخذ لنا كوفي وبنرجع
ام عليا : اوكي فطامي ناقصنج بيزات ؟
ففاطمه : لا امايه عندي بيزات
ام عليا : فحفظ الرحمن فديتج انتبهي على نفسج
و بعد ما استاذنو البنات من امهاتهم لبسو عبيهم و اتصلت مها على محمد عسبت يطلعون وبعد ما ركبو محمد و مها جدام و عنود ورا محمد و فاطمه ورا مها و محمد استغل الفرصه و حط المرايه صوب عنود عسبت يتاملها طول الدرب
محمد : وين تبون تروحون بنات ؟
مها : نبا نروح قاليريا
محمد : تمام
عنود وهي مستحيه : محمد عادي اشبك أغاني ؟
محمد : هيه ولف على مها
محمد : اقولج مهايا فديتج شبكي فونها
و شبكت مها فونها و حطت اغنيه عبدالمجيد عبدالله حب جديد و قعدو البنات يغنون وعقب وصلو قاليريا و راحو ستاربكس و خلوعنود تروح تطلب راحت عنود وقفت فالطابور و يا اتصال ل محمد راح بعيد و نرجع ل عنود
مجهول : اهخ يا محلاج عطيني سنابج
عنود : لو سمحت اخوي لو ماتبا مشاكل ابتعد
وبدا يتقرب من عنود شوي و جافه محمد ويا من بعيد وهو معصب و عطاه بكس ومحمد كان صدق معصب و رجعهم البيت علطول بدون ما ياخذون كوفي و ولاشي و عنود دموعها ف عيونها و كل ما تتذكر تصيح
و بكمل لكم فالبارت الياي
