وبعد ما رجعو بيت ام هزاع عنود راحت غرفتها و قعدت تصيح لانها ما كانت تبا يستوي جي و هاي اول مره تستوي لها
مها : عنودي افتحي الباب دخيلج
عنود : مها مابا اجوف حد خليني بروحي
مها : اوكي بس افتحي الباب ع الأقل بس انا بدخل محد وياي و بعدين نقفله
فتحت عنود الباب ل مها و دخلت مها و سكرت الباب و حضنت مها و قعدت تصيييح من الخاطر لانها ماتحب حد يتقرب منها
مها : خلاص حبيبتي خلاص عنودي لا تصيحين عشاني
عنود : مهاا انا ما كنتتت ابااا يستوي جي والله هوو تقرببب مني اناا كنت أبا ابعده بس محمد فهممم غللططط انا ما كان قصدي
مها : اعرف عنودي اعرف انه مب قصدج و الي صار مب بايدج ترا لا تصيحين خلاص بس
و شوي ورقدت عنود ف حضن مها و خلتها مها و فتحت المكيف و لحفتها و نزلت تحت و راحت مها ل ام هزاع
مها : عموه عنود كانت تعبانه و نامت
ام هزاع : من شو تعبانه بنتي ؟
مها : صارت سالفه شوي ويا ربيعاتها و زعلت شوي و قالت بترقد و رقدت
ام هزاع : تمام مها
بس محمد سمع كل ها و حس بتانيب ضمير شوي و قرر انه يروح لحجرتها حس انه هالشي غلط ولو حد شافهم بيفهم غلط بس ماعنده حل ثاني و راح محمد ل حجرتها و قعد يدق الباب و محد رد فا قال بيدخل دخل محمد
محمد ( ف نفسه ) : شكثر تجنن وهي راقده كانها ملاك ماشاءالله عليها
وشوي و بدا محمد يحاول يوعيها بس ماقدرت تقوم فا قرر انه يأخذ ورقه و قلم و يكتب لها كتب لها و حط الورقه فوق فونها و طلع و راحو كلحد و ف الصبح نشت عنود و راحت بدلت لانها رقدت بالمخور حتى
جافت عنود الورقه و قرتها كان مكتوب
هلا عنود انا محمد ولد الهنوف عمتج عنود انا وايد تلومت من الي صار ما كنت اعرف انج بتتضايقين ه الكثر بس الشي الي صار وايد زعلني اعرف ان مب قصدج و مب انتي الي اخترتي انه هالشي يصير بس ما تحملت اشوف هالمنظر ما قدرت اشوف الريال يتقرب منج ب ه الطريقه عصبت وايد ماقدرت امسك نفسي صدق و السموحه منج الشيخه عنود لو زعلتج او ضايقتج أتمنى تسامحيني و السموحه على الازعاج
ابتسمت عنود على رسالته و حطت الرساله ف بكس تحب تحط الأشياء الي تبا تحتفظ فيها و راحت عنود كتبت ل مها
عنود : هلا مهوي شحالج؟
مها : اهلين عنودي بخير الحمدالله انتي شحالج ؟
عنود : الحمدالله مهوي انا يتت ارمسج أبا اطلب منج طلب
مهاا : امري فديتج
عنود : ما يامر عليج عدو بس ابغي رقم محمد اخوج
مها : رقمه ؟ شو بتسوين فيه ؟
عنود : بعلقه ف حجرتي يعني شو بسوي مثلا مهوي لا تستهبلين و عطيني إياه
ثواني و طرشت مها رقم محمد و قعدت عنود تطالع رقمه ماتعرف الشي الي بتسويه صح او غلط الف تفكير و تفكير فبالها تنهدت بحيره وو
توقعاتكم للبارت الي بعده ؟
