(Unicode Version)
Taylor Swift၏ 'Back to December' ကို အခြေခံ၍ စိတ်ကူးယဉ်ရေးသားထားခြင်း ဖြစ်ပါသည်။
"ကျွန်တော့်နာမည်က Noahပါ။"
"တွေ့ရတာ ဝမ်းသာပါတယ်။ ကိုယ့်နာမည်က Lucasပါ။"
ကျွန်တော်တို့နှစ်ယောက်ရဲ့စတင်ဆုံတွေ့ပုံက ရိုးရှင်းလွန်းပါတယ်။ နွေရာသီတစ်ခုမှာ Gay Barကို သွားရင်း Noahတို့နဲ့ ဆုံတွေ့ပြီးတော့ အချင်းချင်းမိတ်ဆက်ရာက စတင်ခဲ့တယ်လို့ ဆိုရမှာပေါ့။
Noahက အသားညိုစိမ့်စိမ့်နဲ့ ကြည့်ကောင်းတဲ့သူတစ်ယောက်ပါ။ ဒါပေမဲ့ ကျွန်တော်က သူ့ရဲ့ရုပ်ရည်ထက်စာရင် ပွင့်လင်းရိုးသားတဲ့အကျင့်ကို ပိုသဘောကျမိတယ်။
"မင်း Noahကို သဘောကျတယ်မလား။"
ဘေးက ကျွန်တော့်သူငယ်ချင်းတွေကလည်း Noahနဲ့ ကျွန်တော့်ကို ဝိုင်းချိတ်ပေးကြတယ်လေ။
"သဘောကျရင် မြန်မြန်ခေါ်ထားလိုက်တော့လေကွာ။ တော်ကြာ သူက တခြားသူနောက် ပါသွားလိမ့်မယ်။"
သူတို့က မရမကတိုက်တွန်းနေတော့ စိတ်က ပါစပြုလာတယ်။
"ခေါ်ထားတာက ဟုတ်ပါပြီ။ ဒါပေမဲ့ သူက အပျော်တွဲတာမျိုးကို သဘောကျပါ့မလား။"
ဇာတ်လမ်းဟောင်းကြီး ပြီးသွားကတည်းက အတည်တွဲရတာမျိုးကို ကျွန်တော် စိတ်ကုန်သွားခဲ့တာ။ အဲဒီအစား စိတ်ပါလာတဲ့အခါမှ အပျော်ကောက်တွဲပြီး လွတ်လပ်တဲ့ဆက်ဆံရေးမျိုးနဲ့ပဲ ကျင်လည်ဖြစ်ခဲ့တာပါ။
"သူ့ကို အရင်မေးကြည့်လိုက်ပေါ့။ သူ့ဘက်ကသာ လက်ခံမယ်ဆိုရင် အဆင်ပြေပြီ။"
အဲဒါကြောင့် သူတို့ရဲ့အကြံပေးချက်အတိုင်း Noahကို ကျွန်တော် မေးကြည့်ခဲ့မိတယ်။
"Noah... ကိုယ်နဲ့ အတူပျော်ချင်လား။"
"ဘယ်လိုပျော်တာမျိုးကို ပြောတာလဲ။"
"ရုံးပိတ်ရက်တွေဆို အတူလျှောက်လည်တာတို့၊ ရင်ခုန်စရာအချိန်တွေကို အတူခံစားတာတို့ပေါ့။"
"ကျွန်တော်နဲ့ ချစ်သူဖြစ်ချင်တာလား။"
"အဲဒီလောက်တော့ ဘယ်လေးနက်ပါ့မလဲ။ ကိုယ်က လွတ်လပ်တဲ့ဆက်ဆံရေးမျိုးကိုပဲ လိုချင်တာ။"
ВЫ ЧИТАЕТЕ
𝑶𝒏𝒆 𝑺𝒉𝒐𝒕 𝑪𝒐𝒍𝒍𝒆𝒄𝒕𝒊𝒐𝒏
Любовные романыရေးခဲ့ဖူးသမျှ ဇာတ်လမ်းတိုလေးတွေကို စုစည်းပေးထားခြင်းပါ🌹🌹🌹 ေရးခဲ့ဖူးသမွ် ဇာတ္လမ္းတိုေလးေတြကို စုစည္းေပးထားျခင္းပါ🌹🌹🌹
