"يوم جديد علي الجميع سعيد علي البعض و حزين علي البعض الآخر"
"يستيقظ بطلنا المغرور متعكر المزاج بسبب ضوء الشمس"
عمر بتكشيره: اععععععع هو الواحد ميعرفش ينام 12 ساعه علي بعض براحته
داده كريمه: مالك ياعمر بتزعق ليه بس
عمر: مين اللي فتح الستاير؟!
داده كريمه: انا عشان تصحي كده و تروح الجامعه بتاعتك
عمر: ياداده في حاجه اسمها منبه والله مش لازم كل يوم حوار الستاير ده
داده كريمه: هو في حد يكره نور ربنا يابني؟!
عمر بنفاذ صبر: لا استغفر الله انا قولت كده برضو....اطلعي ياداده انا صحيت خلاص
داده كريمه ب ابتسامه: صباح الخير يا حبيبي تنزل بس و هتلاقي الفطار جاهز
عمر ب ابتسامه: هو انا قولتلك قبل كده اني بحبك؟
داده كريمه: بس يا بكاش
عمر ب ابتسامه حزينه: بحبك يا كوكي والله انت الوحيده اللي مهتمه بيا في البيت ده و ادي ادهم اتجوز و خلف و بقيت انا اخر اهتماماته
داده كريمه: متقولش كده ياحبيبي احنا كلنا بنحبك و بنهتم بيك بس هما وراهم شغل و مشاكل كتير
عمر: يلا بلا مشاكل بلا بطيخ اعمليلي قهوه في السريع عشان متأخر
داده كريمه بقلق: طب مش هتفطر غلط يابني القهوه علي الريق كده
عمر: عادي يا داده هي اول مره يعني
داده ب استسلام: براحتك
"تخرج الداده كريمه ثم يتجه بطلنا ليغسل وجهه و أسنانه و يرتدي ملابسه"
عمر: انا بقي عمر الأنصاري زي ما شوفتوا حياتي جميله ازاي و اهلي بيحبوني ازاي و حظي جميل ازاي و ...... اكمل بتنهيده: انا بكدب انا حياتي أتعس حياه ممكن تشوفوها في حياتكوا اهلي ميعرفوش تقريبا انا عندي كام سنه حظي اسوء حظ في العالم و بس كده اسيبكوا تكملوا عشان تتعرفوا علي بطلكوا التاني و اه بطلكوا انتوا انا معنديش ابطال انا البطل هنا سلاموز ياحبايبي🫡🫶🏻
"علي الناحيه الثانيه في الغرفة بطلنا اللطيف يتمدد علي فراشه الكبير بشكل مشقلب و نظارته علي جبهته و شعره مبعثر
ثم تدخل هذه الفتاه الصغيره المحببه لقلب بطلنا اللطيف لتعكر مزاجه كالعاده"
فريده: حسنننننننن اصحييييييي البيييييييت بيولععععععععع
حسن بفزع: ايه؟! مين مات؟! نضارتي فين؟!
فريده بضحك: انت مبتحرمش كل مره تقع في نفس المقلب
حسن بشر: لو ممشتيش من قدامي في خلال خمس ثواني وشك ده هيتعمله إعادة تدوير
أنت تقرأ
قط_و_فار
Historia Cortaشاب في اوائل العقد الثاني من عمره لا يحب أحد و يعامل الجميع بغرور و تكبر و شاب آخر في اوائل العقد الثاني من عمره يحب الجميع و يعامل الجميع ب إحترام هل القدر سيجمعهم يوماً ما؟ و ما التغيير الذي سوف يحدث في حياة الشابان؟ تابعوا معنا كل جديد❤️
