قط_و_فار

الحلقه الثانيه:

"في المستشفي"

ادهم بقلق: طمني يادكتور عمر ماله؟!

الدكتور بتهدئه: اهدي اهدي هو بس شكله مكالش حاجه و كمان من الواضح أنه مبياخدش حقنة الأنسولين فا ده كله ادي لفقدان الوعي

ادهم بتأنيب: انا اللي غلطان مكانش لازم اسمع كلامه و اسيبه لوحده

حسن باحترام: حضرتك ملكش ذنب هو اللي أهمل في صحته

ادهم بتنهيده: هو مبيعملش كده بمزاجه هو بس ملقاش حد يهتم بيه و بصحته

حسن: مهما كان هو مش صغير

ادهم: لا صغير هو بيحاول يعمل نفسه أنه كبر ب أنه يتغر عليكوا و يضايقوا بس كل دي حركات طفوليه هو معاش طفوله كويسه كلها كانت إهمال في إهمال

حسن بحزن: باباكوا و مامتكوا؟

ادهم بتنهيده: اه هما السبب في كل حاجه .... تعالي ندخله

"داخل الغرفه كان يتمدد ذلك الوسيم الصغير علي فراش المستشفى ليسمع طرق بسيطه علي باب الغرفه"

ادهم بحب: حبيبي عامل ايه؟

عمر بتعب: الحمدلله كويس

ادهم: ينفع اللي بتعمله ده؟ مبتاكلش ولا تاخد علاجك؟!

عمر: معلش نسيت

ادهم بتنهيده: انا عارف انك زعلان مني بس والله مش ب ايدي بابا رامي عليا الشركه كلها مش مديني وقت اجيلك فيه خالص ده انا حتي النهارده اول مالقيت اني روحت بدري قولت هعدي عليك اخدك تقعد عندي بس اول ما جاتلي المكالمه دي و عرفت انك تعبان جريتلك علطول

عمر بابتسامه حزينه: انا عارف انك ملكش ذنب بس انا برضو ماليش ذنب انا محتاج حبه صغيرين من وقت كل حد فيكوا

ادهم بابتسامه و هو يقبل جبينه: انت نسيت وعدي ليك و احنا صغيرين ولا ايه؟ "انا و انت مينفعش حاجه تفرقنا غير الموت"

أبتسم له عمر بدموع:

حسن: احم احم نحن هنا

عمر بتكشير: ايه اللي جاب الفار ده هنا

ادهم بحزم: عمر عيب كده حسن هو اللي لاحظ انك مغمي عليك اصلا

حسن بغرور مصتنع: متتكلمش عن انجازاتي كتير دي اقل حاجه عندي

عمر ببرود: محدش قالك تاخد بالك علي فكره

حسن: يابني هو انت لو قولت شكرا هتتحرق؟

عمر بغرور: انا اقولك انت شكرا!!! هه غلبان والله

حسن بتنهيده: علي العموم العفوا عن اذنكوا"ثم غادر"

ادهم بعتاب: ينفع اللي عملتوا ده؟