البارت الخامس عشر
#عشقت_ابنت_اختي
بقلم الاء محمد
"إحصائيات الحرب مخطئة تمامًا فكل رصاصة تقتل اثنين."🖤
عند فرح كانت واقفه قدام عمر اللي عيونه عليها و هي بتتفرج علي جمال الطبيعة الخلابة اللي محوطه المزرعه بتاعته و كمان كان في الخيل اللي أغلبها خيل عربي اصيل بقت تتفرج عليهم بابنبهار و عيونها كان فيها سحر جميل لفت نظر اللي واقف جنبها وكان ساكت بيتاملها زي ما هي بتتامل المكان بس مكنش عارف ان مع كل نظره ليها بيخسر حته من قلبه قصاد عيونها اللي مره واحده بقت تبص عليه واتكسفت أول ما عيونهم اتقبلت راحت واطت راسها بكسوف
عمر بابتسامه .. شكلك جميل اووي يا فرح
فرح بقت مكسوفه ومش عارفه ترد خالص قدام عيون عمر اللي فضلت سرحانه فيها و في عيونها راحت بقت تحاول تتخلص من حالة الكسوف اللي هي فيها دي اول ما شافت اسيل جيه عليها راح عمر قبل ما تبعد عنه بقا يتكلم معاها
عمر .. المره دي مش محسوبه عوز اشوفك تاني يا فرح عاوز املي عيوني منك ❤️
فرح وشها قلب بقا لون الفراوله و مبقتش عارفه ترد عليه غير أن هي هربت من نظرت عيونه ليها بسرعه و الابتسامه مرسومه على وشها
الروايه بقلم الاء محمد
اسيل بستغراب .. مالك يا فرح بتجري كدا لي و وشك احمر كدا لي هو عمر قالك حاجه ضيقتك
فرح بكسوف و توتر .. ها لا لا مقلش حاجه يلا عشان نلحق نرجع البيت قبل ما بابا يتصل بينا
فرح سابت اسيل واقفه وراحت بسرعه علي العربيه وسط نظرات اسيل اللي بقت تبص علي عمر اللي كان واقف بيتابع اللي بيحصل من بعيد
بعد وقت كانت اسيل و فرح وصلو البيت و اول ما دخلو راحت البنت اللي بتساعد في البيت بلغت اسيل بوجود خالها امجد و ابنه مروان راحت اسيل راحت علي المكان اللي هما فيه و بقت تسلم علي امجد و مروان بهدوء
امجد بهدوء .. اللي سمعته ده بجد يا اسيل
اسيل اول ما امجد اتكلم راحت رافعه عيونها علي عمها و رجعت بصت علي خالها تاني
منصور بغضب .. قصدك ايه يا امجد بيه أن انا هكدب ولا ايه
امجد بتعقل .. لا مش القصد يا حاج منصور كل الحكايه أني عاوز اسمع من اسيل هي كمان
امجد خلص كلامه وراح بص علي اسيل اللي بقت تبص علي عمها و رجعت بصت علي امجد لما عاد سؤاله ليها من تاني
اسيل بصوت واطي و قلق .. ايوا حصل يا خالو
امجد بتعقل .. يعني فريد فعلا طلبك للجواز
اسيل بكسوف بصت في الأرض و سط نظرات امجد ليها
امجد بجديه .. و انتي ايه رئيك يا اسيل موافقة
