البارت العاشر
#عشقت_ابنت_اختي
بقلم الاء محمد
لم أكن من محبي الأدب، لكنني بعدما قابلتها كنت أتلهف لرؤيتها كما يشتاق القارىء للفصل الجديد في روايته المفضلة.
_ جيهان سيد ♥️🪙
منصور راح ضارب الأرض بالعصايه بتاعته واتكلم بغضب
منصور .. انا قولتها كلمه اسيل مش بتطلع من هنا
امجد بغضب .. انا قولت هترجع معايا و اللي عندك اعمله يا ابن الهواري
منصور .. بلاش نكرر اللي حصل زمان و نقف قصاد بعض تاني يا امجد
امجد .. المره دي غير كل مره وانا مش هسيب اسيل بنت اختي اللي اتحرمت منها بسبب اخوك زمان
اسيل بفضول .. انا من حقي اعرف ايه اللي حصل زمان وايه سبب العداوه دي
اسيل قالت كلامها وهي عندها إصرار راح فجاء ظهر صوت من وراهم كلهم اسيل بصت علي مصدر الصوت لقيت امال بتقرب منهم و ملامحها كلها حزن وبقت تتكلم
منال .. انا اقولك ايه اللي حصل
منصور .. مناااال اكتمي خالص
اسيل بصت علي منال وراحت بقت تقرب منها
اسيل .. قولي يا عمتي ايه اللي حصل
منال بدموع وهي بتحكي .. اللي حصل أن امك سحرت اخوي كان بيتعلم في مصر و كان شاطر كان شاب كيف الورد كل الصبايه تحلم بيه بس هو عينه مشافتش غيرها وقلبه عشقها وقف قصاد ابوي وطلع من توبه و فضل بنت مصر علي اللي منه ومن توبه لحد ما عشقه ليها كان سبب في موته انقتل عشان حبها من بعد ما هج من البلد و محدش عرف يوصل ليه و يوم ما وصلنا ليه كان بيطلع في الروح رجع بلده تاني بس كان جثه رجع للدفن
منال كانت بتتكلم وهي منهاره و عيونها كلها حزن علي اخوها اللي مات صغير واسيل كانت بتسمع وهي مش مصدقه أن في حد ممكن يحب حد لدرجه الموت بقت تغمض عيونها و دموعها نزلت راح امجد قرب منها و هو حزين وبقا يتكلم وهو بيفتكر أخته
امجد بحنين .. مش هو وحده اللي الحب قتله هي كمان حبته و هربت معا و سابت كل حاجه ومفكرتش غير فيه حتي انا مفكرتش فيا ولا ادتني فرصه أن اقنع بابا عشان يوافق علي حبهم بين يوم و ليله اختفت من حياتنا و قتها بابا اتبرا منها و عمل عزا و اخد عزاها بنفسه رغم حبه ليها ووجعه من اللي هي عملته بس انا مسكتش و فضلت ادور عليها لحد ما قدرت اوصل ليها عن طريق مستشفى وقتها عرفت أن هي كانت بتولد فيها بس لما وصلت عرفت ساعتها أن هي ماتت وهي بتولد بنتها اللي فصلت تدور عنها لحد ما القدر جمعني بيها عن طريق الصدفه اللي اول ما شفتها عرفتها عرفه ليه عشان هي كمان نسخه منها نفس الشكل و نفس الملامح حتي البراءة
