🔥 الجزء الرابع 🔥
جا انهار الجمعه مشيت كيف كنت متافقة مع اطبيب لمقبر تلاقيته كيتسناني حدا الباب ديالها سلمت عليه ودخلنا نشوفو عماد او نترحمو على عماد بصح هذاك قبر عماد ياسر اطبيب مكذبش عليا قرينا اشويا القران حتى قاطعنا التليفون ديال اطبيب جاه اتصال من اسبيطار
_ سمحلي خاصني نمشي ولكن الا بغيتي نوصلك معايا مرحبا
_ شكرا بغيت نبقا هنا اشويا
مشا هوا وبقيت انا مع عماد محسيت براسي حتى بقيت نبكي ونهدر بقيت نعاودليه على حياتي وعلى الموقف الي وقعلي معاه وعلى معاناتي وبالاهص اني يتيمة وعايشي وحدي فهاد الحياة حسيت بحال كنعرفو مزيان حسيت براسي بغيا نشكيليه بصراحة مكرهتوش كون ناط من لقبر وعنقني كنت كنتسناه يخرج من قبرو ويصبرني او يجاوبني ولكن موقع والو مشيت فحالي كلست شويا فواحد اجريدة كليت مع كان فيا الجوع حتى حسيت بشي حد كلس حدايا مع الدورة شفته اه كان عماد
عماد :واش تاكلي غير بوحدك
_واش بصح انت ميت كفاش انت ميت وانا كنشوفك ونهدر معاك
عماد:سمعي الالا نعاودليك قصتي وانتي حكمي وخا
_ انا كنسمع
عماد: انا طبيب فداك اسبيطار الي شفتي شحال من عام وانا كنلاحظ ان ناس كيدخلو صحاح لسبيطار وكيخرجو ميتين بقيت كنبحث فالامر حتى كتاشفت انه شي اطباء كيقتلو ناس اصحاح باش ابيعو الاعظاء ديالهوم ملي عرفوني عرفت وكلهوم عارفين عليا الامانة والاستقامة فالعمل قررو اتهناو مني هدي اربع شهور ونا خارج من اسبيطار درت حادثة والسبب كان هديك العصابة الي بينهوم اطباء قطعولي لفرانات ديال الطومبيل ودرت حادثة ولكن ربي بغاني ناخد حق كاع دوك الناس الي ماتو ظلم وبغيتك انتي تعاونيني
_وعلاش انا بالظبط واش ملقيت حتى وحدة من غيري
عماد:عارفك قوية وانتي اصلا كنتي غديا تكوني ميتة دبا كون معونتكش عاونيني كيف عونتك
_معرفت باش نجاوبك خليني نفكر مع الدورة ملقيتوش حدايا لقيت كاع الي كالسين فالجردة كيشوفو فيا وكيقولو الله يستر الله يعفو عليا مال هادو ااه عاد فهمت يمكن حتى واحد مكيشوف عماد من غيري......
يتبع
أنت تقرأ
🔥 احببت ميت 🔥 ( الدارجة المغربية)
Actionسلاااااااام وريداااااااتييي 🌹 قصة مشي جديدة ورداتي بالعكس قصة لي حيطت قريتها هذا شحال ولكن واخا مكتوبة بالانا الا و انها روعة كاتبة ديالها ابدعات فيها بكل صرحة و جاني الحنين نعاود نقراها و معطاتنيش خاطري نقراها بلا بيكم معنطولش عليكم عنوان القصة :...
