🔥 احببت ميت 🔥 ( الدارجة المغربية)

الجزء 8

🔥 الجزء الثامن 🔥

كنت غديا نسخف محسيتش برجلي ولا بداتي كلهي منظر كيخلع محسيت حتى جرني من يدي قالي رواحي شوفي لاخر حتى كنت غديا نقوليه لا ونا نتراجع خاصني نلاهيه بلش ندس صاكي تماك خرجو الميت من التلاجة كان كيخلع كتر من الاول راسو مفصول على جسمو غير حاطينه حداه ورجليه مكاينينش سافي بردلي الما فركابي وخا هكاك مزالة شادة فراسي قلت مع راسي جات فرصة ندير راسي سخفت يمشي اجبلي شي حاجة وندس الصاك سخفت وخا راه مكان خاصني على نسخف بالصح والو

حسيت بيه خرج ونا نفيق قلبت على شي بلاصة فين ندس صاكي ملقيت غير واحد التلاجة مكتوب فيها معطل يعني مغدينش احلوها ولا يحطو فيها شي ميت حطيتو تماك ورجعت كنلت السخفة جا داك الي الفرملي وهزني فالكرسي وخرجني عوني حتى فيت وخا انا كنت فايقا اصلا سولني واش شي حد منهوم راجلك قتليه لا حتى واحد يمكن داوه لشي سبيطار اخر

خرجت بحالي ومشيت لداري لقيت عماد تماك وانا ميتة بالخلعة

_ اول مرة نشوف الاموات اول مرة نشوف الدم اشنو كدير هنا حرام عليك واش ملقيت حتى وحدة من غيري راه وليت كنخاف من ظلي مندكش الي شفت اليوم

قرب عماد لحدايا: متخافيش انا معاك ودكشي الي جاك غريب انتي اليوم انا راه كنت عايش فيه راه عادي خصكي غير تمالكي اعصابك

_ اشمن اعصاب واشمن مرض انت طبيب عادي عندك دوك المناظر ولكن انا راه غير محاسبة فبنك اول مرة نشوف الدم

عنقني وباسلي راسي: عفاك ايسمين قصحي قلبك راه مبقا والو ويسالي هدشي عفاك متخلينيش متسمحيش فيا

محسيت براسي حتى عنقتو بالجهد: فين كنت شحال هدي اعماد علاش متلاقيناش وانت حي دبا واش الا مت نقدر نعيش معاك متصورش شحال كنرتاح ملي كنسمع صوتك

عماد: ياسمين انتي زوينه والف واحد يتمناك متشائميش راه اجبلك ربي الي يستاهلك وكون حي بحالك انا راه غادي غير ياخدو دوك المجريمين جزائهوم وروحي ترتاح مباقيش نقدر نخرجليك غادي نتوحشك اياسمين

مع هاد الكلمة معا اختافا

ياسمين:عماااد حرام عليك فين مشيت وخليتني بوحدي راه مزال وجه دوك الميتين قدامي حرام عليك تخليني وانا خيفا هكا هي هي هي هي هي بقيت نبكي حتى داتني عيني........

يتبع