🔥 الجزء السادس 🔥
عماد:سمعيني مزيان اياسمين فسبيطار كاين واحد اطبيب اسميتو سمير طبيب محترم وحقاني مكيرضاش بالظلم وعمرو ظلم شي حد هادا هوا الي غادي اعاونا اما بالنسبة للي غادي اوصلنا العصابة فهوا اطبيب كريم هذا مكيهمو غير راسو وكفاش يجمع لفلوس عندو الي يتحرق مايتم وماقانعش وانا متأكد مية بالمية هوا الي كيعاون هاد العصابة وهوا السبب وراء دوك الوفيات وعلى حسب معرفت معاه جوج فرمليين كيعاونوه باش ياخد الجثت من المشرحة والشي لي فهمتو من كلامهوم اخر مرة سمعتهوم كيهدرو العملية كتكون كل نهار سبت اخر الليل كاتجي ديك العصابة وتاخد الجثت بالمعاونة ديال اطبيب ودوك الي معاه
ياسمين :اوا راه ساهلة غدا السبت نبلغو عليهوم والبوليس يتكلف
عماد:واش غير اجي وبلغي يعني لوكان كانت بهاد السهولة كنتي غديا تلقايني دبا ميت راه عندهوم يد مع البوليس وماشي كاع البوليس فيهوم التقة خاصنا الدليل القاطع ونمشيو نيشان لوكيل الملك
ياسمين :كفاش فهمني مزيان راني بقيت نخاف
عماد:لا قسحي معايا قلبك راه عاد غيبدا اشغل الي كيخلع ديال بصح وهنا فين كينا المهمة نتاعك انتي
ياسمين :اشنو المطلوب مني
عماد :غادي نعطيك واحد ادوا كيسكت القلب
ياسمين:اويلي بغيت تقتلني يكما عينك فيا وبغيتني نموت بحالك باش نتزوجو واش حماقيت
عماد :سكتينا وانتي خيالك شحال واسع خليني غير انكمل هدرتي
ياسمين :هاني قول نشوف
عماد :كيسكت القلب ساعتين فقط والعملية كتم فالجوج دالليل يعني نتي غادي تشربيه مع 11ديال لليل تمشي لسبيطار غادي يفحصوك غادي يقول ميتا وتبقاي فالمشرحة سعتاين وتفيقي قبل العملية بساعة غديا تشوفي شي بلاصة تخباي فيها مزيان ملي اجيوو ياخدو الجثت غديا تصوريهوم
ياسمين :كفاش غديا نصورهوم ياك الا دخلوني المشرحة غادي ياخدو مني حوايجي وصاكي وكلشي
عماد :اه فكرت فيها دكشي علاش غديا تاخدي كاميرا وحوايج معاك اصباح وتمشي المستشفى تبكي وتنوحي راجلي مات
ياسمين :ماااات واه ياراجلي مزال مشفتك مفرحت بيك ومت حرام عليك اخويا غير انشوفو بعدا
عماد :اصبر ياربي واااغير متلي هوما غادي اسولوك كفاش مات قليهوم دار حاذثة سير راه. كيكونو بزاف ديال الاموات مجهولين الهوية غديين ادخلوك اتعرفي على راجلك دخلي ساكك معاك وخليه تماك وقوليلهوم مكاينش بين الاموات يمكن داوه شي سبيطار اخر ولكن الصاك خبيه مزيان تماك واش فهمتي ....
يتبع
أنت تقرأ
🔥 احببت ميت 🔥 ( الدارجة المغربية)
Actionسلاااااااام وريداااااااتييي 🌹 قصة مشي جديدة ورداتي بالعكس قصة لي حيطت قريتها هذا شحال ولكن واخا مكتوبة بالانا الا و انها روعة كاتبة ديالها ابدعات فيها بكل صرحة و جاني الحنين نعاود نقراها و معطاتنيش خاطري نقراها بلا بيكم معنطولش عليكم عنوان القصة :...
