عفت
ڪُل ناسي
وراية ..
أنتَ عِندي
مو شخص واحِد
هواية ..
حَدي يمَك للنهاية
مَنين ماتِندار أحِبَك
____________________________♡
تسواهن : بعد مدة ساعتين خابرني، الو عمر شصاير شنو عركه ويامن متعارك (احجي واني كلش خايفه معرف ليش راح وتعارك وياهم وهذوله ابد محد يجرعهم بيت الكصاصيب)
عمر: هلا يابه اشبي صوتج متغير تسواهن صاير شي احجي
_لا مابيه شي بالي يمك كالو متعارك ويا بيت كصاصيب
_اي تعاركنه وياهم وطيناهم مقسوم وانتي اشبيج خايفه
_ لا مابيه بس عبالي نفس عركه الاولى علمودي من تعاركت ويا اسنكدر وكلت هسه يمكن ردوها الكم وخفت عليك
_لايابه همه يرادلهم جرة اذن محد جارها الهم كو**د وبعدين شنو شايفتني طفل تخافين عليه تسواهن علمودج اصير اسد بظهرج مخلي بشر يلزم منج شعره شعدي غيرج تسواهن كلبي
_اي هذا هو لعد ماطول فضيتها انت مااخاف منشي بعد
_ عفيه بتسواهن لتخافين ، راح اروح عدي شغل محتاجه شي بعد
_ لا حبيبي مامحتاجه شي كمل شغلك
تسواهن: سديت تلفون منه وكلش رتاحيت من سمعت كلامه وطمني ماكو شي طلعت غسلت البيت وشريت ملابس ويمي ميرا دخلنه جوه وبديت اقره اني وميرا لحد بالمغرب راحت خالتي وكعدت اني وميرا وسمر منتظرين داليا اجيب ساره تجيبها يمنه
داليا: اني أجيت
تسواهن: هلا بيج اشلونج وين ساره
ساره: اني هن (اني هنا)
تسواهن: جانت ساره كلش صغيره تقريبا سنه او سنتين وتنطق كلامه متعلمه وجانت دائما تجي يمنه تجيبها داليا جنه نحبها ونلعبها ونومها اني وميرا وسمر بيناتنه وهاي بابا يجي من عسكريه يجي يشيل سارونه ويلعبها ويشتريلها حلويات
ميرا: اريد ساره يمي خلوها بحضني
_ خطيه لج دكوم تبجي
سمر: طونيها الي
تسواهن : لا خلو سارونه يم داليا وهسه نسوي عشه ونكعد ساره ويانه ونشوف كارتون يطلع هيج وقت ، دائما يطلع بالتلفزيون كارتون سندباد او عدنان ولينا كلش نحبه ونكعد اني واخواتي نباع كارتون وكل هذا جنت بصف خامس أدبي وباع وياهم اكعد ومع هذا شي طفولي يبقى عند كل انسان مهما يكون عمره يبقى اله جانب طفولي يحبه وهاي عادتنه اهل قبل جنه هيج عيشتنه بسيطه وحلوه انتبهت على صوت سارونه وهيه صغيره تناغي وخطواتها وشعرها ملول مثل محابس وخدود وهيه بيضه تخبل فدوه جريتها كعدتها بحضني وتباع ويانه وتاكل وكلساع اتريد دكوم تمشي ومخليها مكعدتها بحضني
