وَحَـسـناء مِـن عِفَّـةٍ خُلِقَت كَأَنَّ الكَـمَـال عَليها اقتَصرْ فَوَجهٌ يَـرى الـعُميُ أنوارَهُ وجِسمٌ سَما أنْ يُرَى فاستَتَر فَما قِـيمَةُ البَدرِ لَولا المَسَا ومـا قِيـمَةُ اللَّيلِ لولا القَمَر.
___________♡
"تسواهن"
ملاذ: اي كملي بختي
تسواهن: هذا هو خلي بعدين نكملها
ملاذ: افف علويه كلبي لوعتي دكمليها
تسواهن: نو ملاذي اطيج مهله لباجر تنطيني توقعج شنو صار كافي هليوم حجينه اهواي
ملاذ: يلا شنو توقعاتي امري لله علويه
ملاذ: صباح يوم الاربعاء رحت على ماما كملت شغل البيت وتنضيف وكلت فرصه تحجيلي تكملي قصة
_ ماما كملي قصه بارحه حبابه
العلويه: اطيني توقعاتج واكملج
ملاذ: افف يلا حكول
العلويه: كولي يلا
ملاذ: من كالت اسمج المدرسه ونزلتي شفتي عمر جاي عليج
العلويه: خطأ حكمل اني واسمعيني
ملاذ: يلا عفيه كملي
العلويه: بهذاك اليوم جنت خايفه كلش وتوتر وقلق معرف شنو اوصف بس خايفه من خوف احس اتخربط بلكوى نزلت من درج اتجهت للااداره وشفت محمد أخويه اجه جنت خايفه لا عمر ومحمد اثنينهم يلتقون بنفس وقت بس بوقتها حمدت الله الف مره لو ملتقين جان صارت مجزره بحقي
وطبعا اني جنت مو ذيج جريئه دائما خايفه وافكر بكلشي يصير وعلاقتي بعمر صارت رسميه ودايير مدايرنه مرايدنه سوه خواته وخالاته واني امي مرايدته لان ردوني اكثر من مره ناس اكراد وخارج العراق واني مقبلت ومن قبلت على عمر كالتلي اذايوم من الايام تتعاركين اني معليه عكس سيد كالي اني اتنفس الهوى محد يطخوج
ملاذ: اي ماما وشصار بعد
العلويه : نرجع بيوم راحو من عدنع اهل عمر شصار
ملاذ: شصار ماما
........
سيد حسين : تسواهن علويه بويه اني سمعت ردج بس اريد اتاكد بنتي انتي موافقه عليه
محمد: شنو يابه من جاي على تسواهن
سيد حسين: جاي وليد من انبار اسمه عمر وماكو احسن منه سالت عليهم كالو احسن ناس
محمد: شنو تحجون صدك يابه تسواهن متطلع لحد ومايخذها هذا سني
سيد حسين: ومن اشوكت اني افرق بين سني وشيعي محمد ليش داليا اطيتها لكردي
محمد: ابن عمتها وعمتها مزوجه واحد من شكال كردي قريب بس مو سني غريب واذا اعرفه
سيد حسين: انت معليك محمد اني اتحمل كلشي ممنوع تعارض
