تصويت+ تعليق
لميس : بصح اني طلبت السماح
قرب ليها ادم بالشوي ونزل لمستواها وهمس في وذنها خلى جسمها بكلو يرتعش
ادم : لوكان جات كل المشاكل تتحل بالاعتذار وثم يتغلق الموضوع مكانتش كاينة الحروب وكان العالم سيء لهاذ الدرجة ياصغرونة
شافت فيه بحقد ندمت كي طلبت منو السماح عضت شفتها التحتانية كي شافت البوليسي متوجه ليها بلعت ريقها بخوف لعنت لسانها المتبري منها اللي ديما يكون سباب مشاكلها تفكرت المثل تاع ماتسلمش الجرة كل مرة والواضح ان هاذ المرة جات اليوم (فهمتو ؟؟ )
شاف فيها ادم تمعن فيها كيلها من الفوق للتحت جذباتو بطريقة غريبة نظراتها كانت كلها تمرد وتحدي وجرأة اول واحد يتجرأ يهدر معاه بهاذ لافاصون هي ... هي اول واحد يتحداه ويحكي معاه بهاذ الطريقة ومايموتش كلهم يخافو منو ... اقوى رجال المافيا في العالم يهابوه بصح هي لا ...... مافهمش كيفاش خلاها حية لضك عجباتو ثقتها بنفسها وكونها قوية وفي لحظة ميش متوقعة بدل راييو بعد ماشاف أيان يتبسم بخبث ونصر
ادم : صاي خليها تقدر تخرج
شاف فيه البوليسي مستغرب منو اول مرة يتراجع على قرار كان رايح يديرو وحتى هاذاك السياسي بقى مصدوم شاف فيه ادم بنظرة ترعب فهمو خرج البوليسي ديراكت ماعليه غار ينفذ شافت فيه لميس بعينين يلمعو بفرحة وتبسمتلو ببراءة كانت تبان طفلة صغيرة
شاف في ابتسامتها البريئة بعمق وتفكيرو مزال ..يخمم لوكان نفذ هاذاك البوليسي وش قالو ومشات للمحكمة باين هاذا السياسي رايح يرشي القاضي ويربح القضية وهاذ الصغيرة رايحة ترشى في الحباس وهو متأكد انو هو الغالط وهي غار دافعت على روحها ماهو يعرف حياتهم بكل تفصيلة ويعرف جرائمهم معلابالوش لاه دار هكذا ولاه ماحبش يخليها تروح للحبس ماكانش مهتم هو لا بالظالم ولا المظلوم بصح تبع احساسو لاول مرة
في لحظة صمت كانو كلهم ساكتين وطبعا لسان لميس مايحبسش ديما يحوس ع المشاكل يلا مانطقتش من فمها تنطق من جنابها
لميس : اااااي لاه تشوف فيا لعبة ؟ تتمسخر كيما تحب كي تحب تدخلني للحبس ولا تحب تخرجني هايلة هاذي التزم بقرار واحد ماتبقاش تدز بيا وانا ..................
سكتتها نظرتو الحادة اللي كون جات رصاص كون ماتت بلعت كلماتها بعد مافاقت بروحها تحوس تدخل للحبس صح !!! راحت بهدوء وقعدت في الكرسي وطلعت راسها تشوف فيه بنظرة هادئة
لميس : صح ضرببتو بصح والله يا سيدي غير يستاهل ذاك الضرب وكثر خاطر كان يتحرش بيا وتمادى وانا ضربتو كردة فعل ودفاع عن النفس
سكتت شوية وكملت تحكي بغيض وحقد
لميس : بصح حتى هو ماقصرش وضربني وحاول يقبلني ثاني وكي مالقيتش كيفاش نهرب ضربتو لراسو بقرعة تاع زجاج كانت بجنبي
YOU ARE READING
زوجة الدون __ ريجينا __
Mystery / Thrillerمكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة ام...
