صوتوا فضلا وليس امرا وماتبخلوش عليا بكومنتار في النهاية تاع البارت بارائكم وتوقعاتكم للحلقات الجايين
قعدت في الارض وهي تشوف فيه بنظرات مليانة قوة رغم كل هاذ الاحاسيس اللي احتلتها حكم يديها وهزها باش توقف قدامو قرب وجهو لرقبتها بعد شعرها القصير بيدو اليمنى واليسرى جبدها ليه جبد هوا من ريحتها حطت يدها على صدرو تبعدو بصح قبضتو كانت اقوى منها بقات تخبط فيه بخوف تحوس تبعدو وتفرفط بين يديه حكمها من ذقنها وشاف لعينيها الرمادية بحب وعشق خباهم تحت قناع البرود والعنف
ادم : اسمعي انا منيش حاب اضرار في جسمك ومانيش حاب نكسرك هنا ماكان لاه تتحدايني وتزيدي في الهدرة معايا مالا شدي ذاك الفم والزمي حدودك معايا خاطر مانيش من الصابرين
تنهدت براحة بعد مابعد عليها
ادم : اتحركي للدار وحبسي مشاكل المرة الجاية ميش رايحة تفوت بلا عقاب
لميس : اذا لاه ؟ قول والله والوقفة في الحيط ساعة كاملة ماشي عقوبة ولا هاذيك غار تبناج
ادم: لساااانك
لميس : صاي صاي والله مانزيد حرف اني خارجة وان شاء الله مانزيدش نشوف وجهك
خرجت من ثم الابتسامة على وجهها تبسم هو بسخرية ويديه في جيابو مزال عينيه على الباب
ادم : راح تبقاي تشوفي هاذ الوجه للممات
_____________________
في بلاصة اخرى
"درت اللي قتلك عليه ؟؟"
"نعم سيدي اللي طلبتو نفذناه بالحرف هي ضك في الشارع "
" مليح كلشي رايح يكون تحت سيطرتي وانا الي نمشي اللعبة كيما نحب ونبغي"
..........
حلت عينيها بعد صراع كبير تشوف في الرؤية مضببة وعباد واقفين متوالها ملامحهم ميش مبينة ميش حاسة بروحها كأنها مقيدة جسمها مخدر بالكامل بقات تحوس بعينيها على لميس ... شافتها يارا وسراج وزاكي قعد ع الارض متوالها وجهت نظرها للطفلة اللي مقابلتها في كرسي متحرك عجبتها باهية تهبل تبسمت معاها يارا بدفء زادت شافت في الراجل الطويل مع طاحت عينها في عينو خرج ديراكت موش قادر يواجهها على حقيقة مرضها وشللها الي مزال لضك ميش مأمن انو هاذ الملاك كامل يتقاس بهاذ الشي مقرر يدير المستحيل تاعو باش ينقذها حتى لو كلفو الامر يخرج قلوب الناس كاامل باش ترتاح
لاحظت يارا توتر مايا وخوفها وهدرت معاها طمنها كيما وصاتها لميس بالضبط حتان تجي اما زاكي حتى هو ماتحملش يشوفها هكذاك وخرج
.. . .. .. .. .. .. . .. .
قاعدة فوق العتبة تاع الباب تاع الدار تلعب بالحجرة اللي متوالها وطبعا ميش ساكتة
YOU ARE READING
زوجة الدون __ ريجينا __
Mystery / Thrillerمكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة ام...
