⭐ تصويت + كومونتار في رايكم ✍️💬
كوبا عليه وهو يزفر بقوة بقا يخمم ع المافيا المسؤولة على هاذا الشي بما انو ماشي رجالو شكون اللي تجرأ يدّخلو في أعمالو مسح على لحيتو ورجع لبلاصتو
يارا : نكرههك علابالك!! قتلي راح نخليك تسافري مبعد كركرتني معاك!
كالما روحو باش مايبينلهاش وتبسم بحنانة
ادم : وجهتنا وحدة يارا لاه نخليك تسافري وحدك ممم!؟؟
يارا : ميش راح نهدر معاك ولا نناقشك خاطر اك متقلق من حاجة ونخاف نشوف الشبح متوالي اونبارسون ويعكرلي مزاجي..... اااا حڨا تفكرت لاه يعني قبلت تتزوج بهاذيك المهبولة الطايشة؟؟!! خلاصو البنات حتان تخير هاذيك؟؟
ماجاوبهاش بقا ساكت وحط الڨارو في فمو يدخن
يارا : اااوه حبس الدخان ادم عييشك
ماريبونداش عليها
يارا : اني نهدر معاك شحال دخنت من باطة؟؟ تحوس تقتل روحك!! ؟
ماجاوبهاش للمرة الثالثة تنهدت ودارت للتاقة تخزر في البحر
ادم : قبلت خاطر ماقدرتش نرفض وش كنت متمني يصرا ميش راح نسيف عليها بصح هوما ضك يسيفو عليها ونشوف ترا تنفذ وش يطلبو منها ولا لا
Flash back
سيلفا : قلي شكون اللي يرفض وردة ونوارة كيما هاذي ها!!؟؟
استغربو من صمتو الغريب وكيفاه يشوف في ذيك التصويرة بعناية
الياس : ادم!! ؟
ادم : هاذي هي؟؟
يارا بملل : اييه
ادم : مالا نتزوجها حتى ولوكان هي ترفض فهمتو!!
شاف فيهم بنظرات حادة كانو يحسبوه يتمسخر بصح كي شافو ملامحو الجدية بقاو مصدومين من ردة فعلو. هز التصويرة من ثم لاحها في جيبو وخرج مخليهم في صدمة وبزااف تساؤلات يدورو في راسهم
Back
خرج الڨارو السابع وهو مزالو يخمم قاطع تفكيرو اختو اللي نحاتولو من يدو
يارا :ادم خلاااص عييشك بزااف كيما نتا تخاف عليا انا ثاني 7 في ربع ساعة والله غار بزاااف
ماجاوبهاش بقا يخزر ببرود
يارا : فاش راك تخمم قولي عيشك!! وش بيك! يخي انا اختك؟؟!
ادم : ارقدي ريحي راسك الطريق بعيدة
تأففت بضجر وحطت راسها على التاقة تتفرج برا
YOU ARE READING
زوجة الدون __ ريجينا __
Mystery / Thrillerمكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة ام...
