Lock Chat

Push badness

Nando's POV

Mi park mi Mitsubishi outside a di wasteman yaad. Issa good ting mi insist seh Nia give me the address last night, 'cause me go weh before she even wake up. Me nuh wah she have nuhung a tie har to dah bwoy yah.

Me pull di gate and walk in. It nuh look too bad, is a nice likkle scheme house wid a veranda, weh have a table and some chair pan it, and a mango tree a di side a di yaad. Nia gimme har key, but mi nah guh just pull di grill and walk in suh. Caah personally, me wouldn't wah nuh body just step inna mi house suh.

Mi shake the veranda grill.
"Yow, who deh yah?"

"Mi a fawod"
Mi hear smaddy, I'm assuming the wasteman, shout from inside. Him pull di door and step out pan di veranda.

"Who you?"

"Nuh worry boh dat. Nia send mi fi har tings dem"

"Yuh really expect mi nuh fi worry boh di battybwoy weh come inna mi yaad, like seh a him own di place, a talk 'bout him come fi my oman tings-"

"Mek me cut you off right deh suh. Which your oman?"
Mi kiss me teeth, me swear mi nuh inna di mood fi di fuckry today.
"Come pull diss"
I say shaking the grill.

"Come pull wah? Try liff up outta mi bloodclaat yaad"
Him seh and a walk back inside.
Mi just tek the key outta mi pocket and pull di grill, him turn 'round and a look pan me.

"Yow, weh yuh get dat?"

"Yuh dumb? Yuh nuh just hear mi seh a Nia send mi fi har tings? Which pah else mi fi get it from, fassi?"
Him step up inna mi face.

"Yow, bredda, liff up outta dis. Mi not even a laugh wid yuh again"

"Yuh did see me a laugh wid yuh, wasteman? Try come outta mi face"
Mi seh and push him affa mi.
Him push mi back. A wah di fuck dis, basic school?

Him tek up one scissors offa di table, same time mi tek mi glock outta di waist a mi pants and point it pan him.

"Babe, a wah mek yuh a tek suh long?"

Mi hear one girl seh from inside, she step out pan di veranda a look between di two a we like dem haunted dolly inna di duppy movie dem.

Den a really dah ugly gyal yah him cheat pan Nia wid? Not that him himself look better.

She black to the point har eye dem a di only ting pan har yuh a see a night time; them and the ugly blonde wig she a wear weh caah even cover half a har big head.

Meanwhile him bleach out and maga. Him height a honestly the only ting pan him me can see a oman attracted to him fah, and mi still taller than him.

And di fact seh di wasteman did have the audacity fi call Nia him oman when him have one gyal inside, di bwoy just a tempt mi fi shoot him. But mi know seh if mi kill him, Nia ago inna mi ears 'bout it.

Suh mi ago sekkle fi dis instead.

Mi push mi glock back inna mi waist, grab on pan di bwoy shirt, slap di scissors outta him hand a grung, and start thump him up inna him face.

And di gyal wouldn't even try help him. Mi tell yuh boh dem ghetto gyal yah, enuh. Wouldn't trust dem fi wash mi draws.

After mi done wid him, mi step past har to the living room.

"I can show you where the clothes are"
Mi hear di gyal seh from behind a mi. Mi swear dah gyal yah caah serious. Mi just beat har man and she ago help me? Caah mek this up to bloodclaat.

Mi follow behind har, pack up Nia tings in a one suitcase and some bag, and step out said time.

Di two a dem deserve each other AND a room at Bellevue Hospital. Caah supung nuh right wid dem.

Mi reach back a di yaad, and as mi step in suh mi a smell food from inna di kitchen.

"Welcome home"
Nia says, tilting her head back to smile at me, then turns her attention back to the pot.

I can get used to this.
Mi swear, nuhung nuh beat coming home to a oman inna di kitchen.

"You left without saying anything"
She says with her back still turnt to me.

"Well, in my defense, when me guh weh it was noon and yuh still did a sleep"

"And whose fault is that? You were the one that insisted on us staying up to watch John Wick last night"

"Aren't you glad I did?"
I say, resting the bags by the door and walking over to her.

"Yeah, it was nice"
"Yuh ready fi yuh food?"

"Yuh deven affi ask"
"A wah yuh spice up?"

"Some stew chicken and brown rice"
"Yuh can tek dung di plate dem fi mi, please"
"And two cup to"

I stifle a laugh at her request.

"Yeah, b"
I purposely position miself behind a har, I feel her tense up. Mi reach inna di cupboard, tek dung di plate and cup dem, and rest dem pan di counter.
"See dem yah"

"Thanks"

Mi go wol a seat a di dining table. Mi feel like one likkle pickney a wait pan mi mada fi share mi food to pussyclaat.

She carry over di food and set one plate in front a mi, and fe har own beside a mi. Den me see she guh back inna di kitchen. She rinse out di cup dem, tek a jug a juice outta di fridge, and full up di cup dem.
Den she come back, set one beside a mi plate, den siddung.

We start eat.

"A wah kind a juice dis, b?"

"Beetroot"

"Eee"
I say taking a sip. Mi not even did know seh mi have beetroot inna mi fridge. Then again, how mi fi know when ano me a stack up di fridge?
"Mi hear 'bout it, but a di first me a drink it. It taste nice, man"

"So a wah yuh did deh yah a drink?"

"Pepsi, water, orange juice and dem supung deh"
I say scooping up the rice.

"Yuh need fi ease up offa di Pepsi, dem supung deh nuh good fi yuh"

"Alright, as long as yuh keep and a mek mi dem nice drink yah"

"Deal"
She says smiling.

We go back to eating.

"Nando"

"Nia"
She stares at me, then her eyes drop back to the food.

"Devon did deh a di yaad when yuh go fi di tings dem?"

"Who?"

"Devon"

"Ohhh, Wasteman?"
Mi figot seh a dat him name to pussyclaat, not that mi ago ever call him dat.

She rolls her eyes.
"Yeah, Wasteman. Him did deh deh?

"Yeah"

"Weh him did seh when yuh go fi di tings dem?"
She says raising the cup to her lips.

"Him did a push badness suh mi put him inna him place"

"Wha dat supposed to mean?"

"Nuh worry 'bout dat"
She start stare pan mi again.
She kiss har teeth and start get up from di table.

A coulda never me she just kiss har teeth affa.
Mi grab on pan har hand and pull har in front a mi.

"A weh yuh do a while ago?"