💚 𝙎𝙊 𝙄 𝙒𝙄𝙇𝙇 𝙎𝙏𝙊𝙋 ❤️ 𝚈𝙸𝚉𝙷𝙰𝙽 - Complete -

💚🌹 Chapter 12 🌹❤️

Merry Christmas ☃️☃️❄️❄️🌲🌲

යීබෝ දවස් තුනකට පස්සෙ ගෙදර ආවෙ එළිය වැටෙන පාන්දරක.සතියක් පුරා හැමතැනම හොය හොය ඇවිද්දත් බනී ගැන හෝඩුවාවක්වත් නැති වෙද්දී යීබෝ හිටියෙ තවත් දරාගන්න බැරි තරම් හිත් වේදනාවෙන්.බනී ගිය වේදනාවටත් වඩා යීබෝගේ හිතේ තිබුණෙ මතකෙත් නැතිව බනී කොහොම ජීවත් වෙයිද කියන බය.මහ ගොඩක් ආදරෙ ඉල්ල ඉල්ල තමන්ගෙ අස්සේම පොඩි එකෙක් වගේ හිටපු හැටි මතක් වෙද්දී යීබෝ ගේ බය තව තවත් වැඩි උණා.තනිකම දරාගන්න බැරිව බනී කරදරයක් කරගනී කියලා බය උණා.නපුරු මිනිස්සුන්ගෙන් කරදරයක් වෙයි කියලා බය උණා.

'මං ඉක්මන්ට ඔයාව හොයාගන්නම් මැණික...එතකන් අල්ලන් ඉන්න...අමාරුවෙන් හරි...'

ටික දවසකට කලින් බනීගෙ හිනාවෙන් පිරිලා තිබුණු දැන් පාළුවෙන් පිරුණු කාමරේ දොර ළඟ නතරවෙලා කල්පනා කරපු යීබෝ එහෙමම ගිහිං ඇඳට වැටුණා.දවස් ගාණකින් නොකපපු රැවුලත් දාඩියෙන් පිරුණු ඇදුමුත් තමන්ටම කරදරයක් කියලා දැනුණත් ඇඳුම් මාරු කරගන්නවත් හිතක් නැති වෙද්දී තාමත් ඇඳෙන් යාන්තමින් එන බනී ගේ සුවඳට ඉව අල්ලන ගමන් බනී ගේ කෝට්ටේ අරන් පපුවට තුරුල් කරගත්තා.

බනී ගිය දවසෙ ඉඳන් තාමත් එක රැයක්වත් මේ කාමරේ ගත කරේ නැති වෙද්දී බනී නැති පාළුව යීබොට ඒ මොහොතේ තදින්ම දැනුණා.බනී එක්ක ගත කරපු අන්තිම රාත්‍රිය සිහියට එද්දී එක තප්පරෙකට හදවතම සතුටින් පිරිලා ගියත් අනිත් අතට බනී නෑ කියලා මතක් වෙද්දී හදවත කෑලි වලට කැඩෙන තරම් වේදනාවක් දැනෙද්දී අත් දෙකෙන්ම පපුව මිරික ගත්තු යීබෝ කොට්ටේත් කටින් හපන් අඬන්න ගත්තේ එදා සිද්ධ උණු හැමදෙම ආයිමත් මතක් වෙද්දී.....
.
.
.
.
බනී රෑ මැද යීබෝගේ කාමරේට ආපු පලවෙනි රැයෙ ඉඳන් බනීත් යීබොත් තැන් දෙකක රැය ගත කරපු දවසක් නැති තරම්.බනි බොහෝ වෙලාවට යීබෝව හොයන් ආවත් තවත් සමහර වෙලාවට තමන්ගෙ කාමරේම නිදියන්න උත්සාහ කරේ යීබොට කරදරයක් වෙයි කියලා හිතෙද්දී.ඒත් ඒ හැම රැයකම බනී එනකං මඟ බලන් ඉන්න යීබෝ බනීව හොයන් ගියා.හැඟීම් පිරුණු අඳුරැ සීතල හැම රැයක්ම එකට ගෙවෙද්දී එකිනෙකාගෙ උණුසුමේ ඉතිරෙන හැඟීම් ඉවසන්න බැරි උණත් හැමදේම දරන් එකට ගෙවන ඒ හැඟීමටටත් දෙන්නම ආස උණා.