#الوجه_الأخر_للحلال
#حكايات_mevo
البارت الثاني عشر..
ما ان عرف والدها ان ايوب تاجر اثار دخل عليها هاتفا.... وانت ياختي مش عارفه بيتاجر في ايه حلو اكده يعني وتاجي لابوكي تجفيله.طب ايه جولك طالما اكده اني رايد اخش في تجارته .
ليهوى قلبها وترتعب.. تخش في ايه انت عايز ايه يا شيخ هو عافيه انت حرابه شر بدل ماتفرح لبتك تحزنها علي عمرها.
اقترب.. يعني تكبشي في الخير واني اجف اتفرج.
صرخت بقهر.. مالك بخيره مالك عايز منه ايه تكونش عايز تدخله سكه الحرام منك لله بقه انت ايه.
ضحك...قال في نفسه.. ايه ده البت ماتعرفش ليهتف بخبث... . لا والله كنك هبله اني اللي ادخله سكه الحرام. طب اني هجطم ماهنطجش وافضحه بس يا تجوليلو يدخلني معاه في تجارته يا تجيبيلي منه فلوس لاجول علي كل حاجه .
صرخت......تجول ايه مالك بيه. ارحمني بقه هو حرام اني اتجوز راجل زين حرام عليك اني ما صدجت الاجي حد يسترني بالحلال.
ضحك عادل.. ربنا يشفيكي ياختي يا حلال بس عموما خليكي تحلمي بالحلال ده يومين عشان اني هغفلحها علي خلجتك تجيبيلي منه فلوس و تجوليله عادل عايز يتاجر معاك يا الجوازه تتخفلج. هو جايلك امتي يا محروجه.
ارتبكت.. هاه.. اه.. دا سافر ايوه وجاي بعد شهر يا ابوي عشان نكتب.
قال عادل... طب هاجيلك بعد شهر تكوني جولتيله ياما هخفلجها علي عين اهلك وهخربها فاهمه ولازمن يعرف اني عرفت تجارته تجوليله وتجوليله عادل هيجول كل حاجه ياما تجيبي فلوس.
صرخت...... انت مش ممكن تكون اب عايز تبيعني.
شدها من شعرها.. ابيع ابوكي دا ايوب السوالمي يا حزينه كنك عبيطه اياك تجارته بملاين ماستفادش اوعي يا حزينه هجيلك بعد شهر ليخرج ويتركها مقهوره.
لتسقط علي الارض تنتحب يا مري هيغفلج الجوازه اروح فين اني ماهطلبش من ايوب اكده يدخله تجارته يعلمه السو كله لاه اني اتجوزه وبعدين اجوله يحميني منه ياجي بعد شهر يلاجيني متستته في بيت راجلي ايوه اهدي يا عطر ايوب ماهيهملنيش له محراب الشر ده.
*******
دخلت زينه علي زوجه عمها.. هو فيه ايه يا مرت عمي الكراتين اللي بتطلع المجعد دي.
قالت ام ايوب.. هاه.. مالك بيهم انت.
قالت متسائله... يعني قوضه ايوب مليانه كراتين وجبتو قوضه جديده خير يا رب.
قالت امه ... واحد عايز يغير ايه مشكلتك.
قالت زينه بريبه.. لاه مفيش بس كنها حاجات كتير زي اللي هيتجوزو
لتهتف السيده.. ولما يتجوز مالك انت يا زينه يا ريت تخليكي في حالك لتتركها وتذهب لتقف زينه تغلي.. ازاي ده دانا اموتها واخلص عليها مين دي اللي تاخد ايوب مني لاه ماهيوحصلش ماشي يا مرت عمي اما نشوف.
*******
دخلت ساره علي زوجه عمها لتهتف.. مرت عمي عايزاكي.
قالت السيده..... خير يا بتي.
لتقول... يحي مش راضي يعمل العمليه باينه زعلان ايه جولك اروح من وراه واتصرف.
قالت ام يحي.. لاه يا بتي انت تتعبي مايتسخمط يزعل والا يولع ايه النحنحه دي يعني صحتك تروح عشان دلعه لاه.
تنهدت وقالت..... وماله يا مرت عمي ماني هنام وهرتاح .
قال السيده.... يا بتي الداكتور جال لاه.
قالت ساره وهيا تحايلها.... والنبي عشان خاطري هكلم الدكتور في الخباثه اكده عشان خاطري.
لتتنهد السيده.... طيب يا بتي ربنا يراضيكي والله كنك اللي بتي مش الحزين لتقبلها وتصعد تاخذ تليفونها وتظل تتكلم معه لتهتف خلاص اني هجيلك من وراه ماهعرفوش بس نخلص بسرعه ماهتحملش جوزي يجفشني..
لم تري ذلك الذي دخل وسمع كلامها اشتعل واقترب ليشد منها التليفون ليسمع الراجل طب خلاص مستنيك اضبطك ليرزع الفون في الارض ويستدير مشتعلا هو مين ياختي اللي هيضبطك وخايفه اني اجفشك نهارك اسود ....احس بنار بداخله وقلبه سيتمزق ..هجم عليها يمسكها من شعرها انطجي والله اجتلك.
لترتعب.... ايه يا يحي ايه يا جلبي ماحوصلش حاجه والله كت هجولك.
صرخ.... هتجوليلي هتجوليلي انك بتجابلي من ورايا...جلبي هيجف جلبي هيجف كان يحس بسلخه في قلبه لترتعب فهو وجهه احمر وجسده ينتفض لتسرع دامعه لتهتف بقهر.. ده الدكتور هيعملي العمليه من وراك .
نظر اليها يحاول ان يستوعب كلامها دق قلبه ليهتف.. بتجولي ايه جولي تاني.
هتفت بخجل وغضب طفولي.. جولتلك اني اني كت هروح اعمل العمليه واعملهالك مفاجاه.
صرخ.... من ورايا ليه مره مالكيش راجل طايحه كت هموتك دلوك انك مع راجل.
قالت.. بقهر.. مع راجل اني يا يحي.. لاه والله جولت لامي ووافجت. يعني اني اعمل ده كلو و انت تعمل اكده. دي اخرتها يا يحي اني ساره يتجلي اكده ليه حجك عليا يابن الناس ماهتوحصلش تاني.
لتستدير وتنفجر في البكاء.
تنهد واندفع يحتضنها.... طب بس بس انت يعني غلطانه وتزعلي.
لتبتعد.. اني كت عايزه افرحك وتجولي مع راجل اخص عليك هو اني يملي عيني حد غيرك بس اجول ايه مابيطرش.
اقترب يحتضنها لتهتف... بعد اوعي مش عايزه اكلمك
شدد عليها.. يعني تجلبيني عفريت واخش اسمع اكده وماعايزانيش اتعصب.
قالت بحزن.. ليه مش واثج فيا ماني عم انول سمعتك وانت بتتكلم عن واحده عايز تجابلها رجف قلبه ليهتف برعب.... اني هجابل اني.
قالت مسرعه.. لاه والله ما ظنيت فيك حاجه عفشه جولت اكيد شغل يحي ما يجربش من حد غيري وجاي تجولي اكده وتظن فيا واني ما بظنش فيك ولا عمري هظن.
تنهد.... اجول ايه عالغلب اللي اني فيه.
نظرت اليه.. اني بقيت غلب كتر خيرك. لتقوم ليشدها تقع علي رجله...... انت الحلو كلو انت الدنيا اللي بحبها وماعايزش غيرها
أنت تقرأ
الوجه الأخر للحلال
Romanceفتاه هذبها ربها تصبو الي الحلال احبت وعشقت لتكتشف ان حبيبها تجارته من الحرام ليجبرها ان تكون له لتعاني الامرين حتي يدخل السواد الي عيشته ليعلم ان حبيبته علي حق ولكن بعد فوات الاوان فكيف يعود الحلال اليه بعد ان انغمس هو في الحرام بيده
