~ صُدفـة ~

﮼الحلقة،الرَابعة

الموقع : الأردن - عمّان .
اليوم : الأحَد - 2 / أغسطُس / 2020م .

— ويبدأ القسم الثاني من الحكاية حيث سافرتا رُقية و رَنا إلىٰ الأردن ، إستأجرتا شقة تحتوي علىٰ 4 غرف و 3 حمامات و مطبخ وغُرفة معيشة ، تشاركتا العيش فيها بحيث إلا تُصبح كلاً منهما وحيدةً في مكانٍ جديد ، سجَلتا في جامعة الأردن الدولية وكانت كلاً منهما في الطب ، وبحثت رُقية عن عملٍ تتقنه كي تدفع إيجار المنزل ، وستعثر رُقية عن عمل بعد قليل :

رَنا و رُقية بعد وصولهنَّ للأردن ؛
رنا : الله عليك طبيعة وعليك جو يجنن !!
رقية : ماشاءالله قالك نحنا غادي (بضحكة) .
رنا : وين الحوش يلي اجرناه ع  ؟
رقية : تعالي نوقفو تاكسي وعندي مكان الحوش فالvpn.
– وقفن تاكسي و وصلن ل الحوش ؛
رقية : أهوَ الحوش هي خشي .
رنا : بسم الله .
(فتحن البـاب)
رنا : قصدك الحوش مش نظيف ؟
رقية : لا نظيف ماخذيناه من وحدة إسمها يُسر ماقصرتش معاي .
رنا : بهِ امتا بنبدوا فالجامعة ؟ تحمست !
رقية : لالا مزال مش توا و إن شاء الله مش توا عشان
نوتو أرواحنا لها قبل .
رنا : أهاا (فهمت الحمارة) .
– بعد أسبوع من تفريش الحوش (المنزل) ، والتجهيز للجامعة ، أعلنت الجامعة إنها ح تبدأ يوم 23/أغسطس/2020م ح تبدأ الجامعة ، تحمست رقية ، وقالت ل رنا عليها ، بدن يوتن لل جامعة لعند ماجا يوم (23/أغسطس/2020م) ، ناضت رُقية الساعة 5:30 الفجر عشان تجهز روحها بدري و واعت رنا معاها ، صلّن الثنين الفجر وبدن يلبسن ، وإشتركت رُقية ف حافلة هي ورنا عشان يلقن من يوصلهن ، لبست رُقية بويفريند فاتح و هودي أزرق وجوردن رمادي وشنطة وحجاب ، ورنا لبست بانتس فاتح وهودي أبيض و إير فورس أبيض وحجاب أسود ، فطرن و بعدها جت الحافلة ، وصلن ل الجامعة الساعة 7:08 ، حطوهن ف نفس القاعة جمب بعضهم عشان ميقمعزنش مع برانيات ، وكانت القاعة فاضية كان فيها 3 شباب ورنا ورقية وبنت ، بعدها القاعة بدت تمتلا ويزيدوا الطلبة ، لعند ماخش طالب غير متوقع ، خش عُمر للقاعة ، ورُقية خلاص معش عرفت شن تدير من الفرحة ، رنا قعدت تقوللها ؛
رنا : اهدي اهدي متفضيحنش (بصوت واطي) .
رقية : ياربيييييييي هذا حلم ولا حقيقة(بصوت واطي) ، كذا اضربيني كف .
رنا : ضحكت عليها وقالت : يا مطرشقة .
- عُمر شافها لكن ماركزش لأن كان مع صاحبه عبدالله .
— رن الجرس وخشت الدكتورة .
الدكتورة : السلام عليكم .
رقية بس ردت : وعليكم السلام ورحمة الله  .
الدكتورة : ليش وين باقي الطلبة مش صاحيين ؟
رقية : شكله هك (والفصل هادي) .
الدكتورة : طبعاً أنا اسمي سامية ح درس عليكم مادة الرياضيات .
رقية ل رنا : لنقاني عرفتها رياضيات سبحان الله .
الدكتورة : افتحوا صفحة جديدة وتاريخ اليوم وعنوان الدرس وأنا عشان أسهل عليكم ح اشرح بالأول بعديها حكتبلكم الدرس ، تمام ؟
رقية : تمام ي أبلة ههه قصدي دكتورة .
الدكتورة : إيش ؟
رقية : لا قلت أبلة .
الدكتورة : إيش معناتها ؟
رقية : أستاذة .
الدكتورة : من وين إنتِ ؟
رقية : اهاا ، اهااا لا من ليبيا ءحممم (الءءحم ل رنا ) .
- ( طبعاً رقية كالعادة ماسكة الضحكة ).
الدكتورة قاعدة تشرح فالدرس ورقية قالت بنشارك مع الأبلة وندير هرجة فالفصل عشان نثبت وجودي ، ورنا كانت تفكر ف نصوري ، المهم خلونا فالحصة ، قصدي المحاضرة .
الدكتورة : مين متذكر درس المعادلات يطلع يحل هاي المسألة ؟
- رقية أولاً كانت عارفة حل المسألة ، ثانياً عشان تثبت وجودها وتوري شطارتها لل عمروه .
( المسألة : 3س = 7 - 4س )
رقية : أنا ي أبلة .. اءءء قصدي ي دكتورة .
الدكتورة : ليش كلمة (أبلة) عالقة بتمك ؟ (بضحكة)
رقية : هذي يلي متعودين عليها .
— طلعت تحل عالسبورة :
3س + 4س = 7 - 4س + 4س ( وتشرح توري ف شطارتها وتحكي أردني باش الدكتورة تفهم ) .
رقية : هنا ننزل ال 3س و فالجانب الثاني عندنا -4س ولما نلقو سالب (-) نضيفو معكوسها يلي هي موجب (+) 4س ولأن نحنا عندنا سالب نحطو موجب تطلع معانا
3س = 7- 4س –––> 3س + 4س = 7 - 4س + 4س
سالب اربعة س و موجبها يطلع ب صفر ، وال 3س + 4س
لأنهن حدود متشابهة ينجمعن يطلعن ب 7 و يجيني
7س = 7 ، نحنا بنطلعوا قيمة ال (س) ف نقسمو ال 7/7س = 7/7 تطلع س = 1 .
الدكتورة : مُمتاازة شرحك حلو .
رقية : شكراً ي أبلة (بخجل) قصدي دكتورة .
الدكتورة : خلص حمشيلك ياها كلمة أبلة .
— رقية خشت وكسرت عينها ل عُمر ولاحظت إنه يبحت فيها ومبتسم و يوشوش ل عبدالله ، فرحتتت وقعدت مقمعزة ف مكانها وساكتة وبحتت ل رنا لقتها تخربش .
الدكتورة : طبعاً هاد هو نفس الدرس يلي اخذتوه بالسنوات الماضية للي مركز ويذاكر ح يعرف زي رقية  (ورقية إبتسمت طبعاً متعرفش تمسك الضحك تاعها ) ، بس ب هاي السنة ح يزيد عندكم شوية طرق ل حل المسائل أو المعادلات يلي زي هيك .
— عند عُمر :
عُمر : إيش ي زلمة كل سنة بيحكوا نفس الإشي بعديها يطلعوا الدروس اصعب من يلي قبلهم .
عبدالله : ولله مالي خلق للجامعة متى حتخرج ي زلمة تعبت .
عُمر : ولله شكلو الصعوبة حتبلش من هسا ، هيني بحكيلك .
عبدالله : إن شاء الله خير .
الدكتورة : مين فيكم بيطلع يحل هاي المسألة ( 5س = 10 ) ؟
— رقية رفعت يدها.
الدكتورة : بس..؟! [ إستنت حد يرفع يده وطلعت بنت إسمها ميرال مكرشة و مُعجبة ف عُمر وبدت ميرال تغار من رقية بعد ماحلت ] .
الدكتورة : يلا هيو في حدا صحي ، تفضلي .
ميرال : (ضحكت) .
— وطلعت ميرال تحل ، كسرت رقية عينها ل عُمر ولاحظت إنه يبحت ف ميرال ، وحلت ميرال وطلع حلها غلط ، ولما سرحت رقية الأبلة نادتها.
الدكتورة ل ميرال : لالالا حلك فيه إشي خطأ ، تعالي ي رقية صلحي خطأها .
رقية قامت : 5س = 10 ، فالمعكوس لما تجيني 5س معناها ضرب نحولها قسمة ولما تطلع س/5 معناها قسمة نحولها ل ضرب ، يعني 5س/5  نحط بالقسمة فالمعامل يلي هو 5 و 5/10 ونقسم ، 5 تمشي مع 5 بصفر و
10 ÷ 5 = 2 ، س=2 ، لما نترجم المسألة يطلع 5×2=10 .
الدكتورة : ولله ماشاءالله وين درستي قبل هون ؟
رقية : ااههه ف ليبيا .
الدكتورة : مين مُدرس/تك فالمادة ؟
رقية : أبلة نجوىٰ .
الدكتورة : ليش عالقة ع أبلة ؟
رقية : (ضحكت) آسف منقدرش نغيرها ره .
الدكتورة : (ضحكتلها شكله بتاخذها لولدها) .
— عند عُمر :
عُمر : ههههه شكلو جاينا دافورة جديدة.
عبدالله : ماشالله عنها كثير شاطرة .
عُمر : وحلوة ع فكرة .
عبدالله : الله يحميها .
— عُمر بدا يكرش عليها شكله ، ومركز عليها بكل فالحصص ، شوي ناداها لما مافهمش الدرس (الله وأخيراً رقية وعُمر بتبدا قصتهم شوي اخرى ونجو للرنا يلي ف عالم وهمي بروحها) .
— رنت الحصة وطلعت الدكتورة وكانت الحصة يلي بعدها فاضية لأن الدكتور/ة غايب/ة .
عُمر : (جاب الكرسي تاعه وحطه جمب درج رقية) ، مرحبا .
رقية : مرحبتين .
عُمر : الدرس مافهمته وماشالله عنك حسيتك فاهمة وذكية.. عادي تشرحيلي ياه ؟ (كذاب عالحالتين ماحيفهم)
رقية : طبعاً عادي ، هات وين يلي مافهمتش .
عُمر : معليش بس عادي تحكي زيي .
رقية : كيف ؟ .. أردني ؟
عُمر : اهاا.
رقية : (بضحكة) حاضرر .
- أشَّر علىٰ مسألة عشوائية كذب عشان رقية تشرحله وبعدها يتعرف عليها .
— رقية تشرح من دم قلبها وعُمر مش معاها بكل .
- بعد الشرح .
رقية : هاا فهمت ؟
عـُمر : يعني :/
رقية : حيواااان ، والنهار كله نشرحلك تطلع م... .
عُمر : بمزح بمزح (يضحك) .
رقية : كنت حذبحك .
عُمر : لييه ؟
رقية : كثير تعبت وانا بشرح ي معفن تطلع مش فاهم بالاخير .
عُمر : حكيت بمزح .
_ ضحكوا مع بعض شوي عالفجعة يلي حصلتها رقية .
عُمر : إنتِ من متىٰ عايشة بالأردن ؟
رقية : ما صرلي كثير .
عُمر : يعني من متىٰ ؟
رقية : يمكن شهر .
عُمر : جددد؟؟؟؟!!!!! (انصدم)
رقية : يبب .
عُمر : طيب شو بتشتغلي ؟
رقية : لسه مش لاقية شي بقدر عليه عشان اشتغله لسا عمبدور .
عُمر : ب إيش إنتِ شاطرة طيب ؟
رقية : يعني بحب المونتاج والرسم .
عُمر : طيب دامك شاطرة بالمونتاج شو رأيك تشتغلي معي ؟
رقية : (خلاااصص رقية هنااا معش عرفت شن بتجاوب من الصدمة وقالت : ليش بدك تشغلني معك؟
عُمر : كيف مافهمت ؟
رقية : طيب إنتَ شفت ستايلي بالإدتات تبعتي ولا ؟
عُمر : لا ماشفت .
رقية : وليش بدك تشغلني معك دام مشعارف ستايلي ؟
عُمر : طيب إذا مابدك عادي مش جابرك .
رقية : لااااااء مش هيك بس عم بسأل يمكن تشوفهم وما يعجبك .
عُمر : وليش ماحيعجبني ؟
رقية : سيبك من طولة السيرة حعطيك يوزر حسابي وتشوفهم وتُحكم .
عُمر : تمام إديني اليوزر وحشوفهم هسا .
رقية : هساا؟؟ هالقد مستعجل؟؟ (بضحكة)
عُمر : ااههاا .
رقية : طيب ، @***** تفضل .
عُمر : تمام حشوفهم بالبيت وبردلك خبر ، هاذ حسابي @aburobb .
رقية : عأساس مابعرفه .
عُمر : قصدك بتعرفيني ؟؟!!!!!
رقية : (فعقلها يييييي حي على غبائي ) لا...ءء..مش هيك بس اسمك عُمر ابوالرُّب أكيد حيكون يوزر ب اسمك يعني (توترت) .
عُمر : وشو عرفك إنو اسم عيلتي أبوالرُّب ؟؟؟!!!
رقية : خلص بعرفككك ايش حتعمل يعني ؟
عُمر : ياي هالقد انا مشهور .
رقية : بتابع احمد وشفتك بتطلع أحياناً بفيديوهاتو .
عُمر : خلص خلص فهمت ماتبرري .
رقية : تييييي نيك فوت الموضوع .
عُمر : شو ؟
رقية : نوثينغ يلا باي .
عُمر : اممم باي .
— دور رنا :
- رنا طبعاً فالحصص حتى فالواقع ديما راقدة ديماااا ومتحبش حاجة اسمها قراية ، كملتها كل شوي تسأل رقية ناصر هنا بس وين مشعارف ؛
رنا : رقية...
رقية : انعم
رنا : هياا فوتي المحاضرة تعالي معاي نبيك ضروري .
رقية : هييييءءء (شهقة) تخيلي نمشي للدكتورة و ب برود نقوللها نبي نطلع من محاضرتك ؟ شن منظري بالله !
رنا : باهي بعد المحاضرة ؟
رقية : باهي بعد المحاضرة ساهل .
رنا : فرحت شوي .
                        • بعد المحاضرة •
_ مشيت رنا ل القاعة يلي جنب قاعتهم وخشت عليهم ، شافت ناصر يهدرز مع واحد صاحبه إسمه نيف ، رنا طارت و قعدت تعيط من جوا ، عدت تجري لل رقية وقالت ؛
رنا : رقية...رقية !!!
رقية : نعم (ضحكت) كنك ؟؟
رنا : لقيت نااااعععصصصصصرررر .
رقية : وين وينن؟؟
رنا : فالقاعة هذي (اشرت عالقاعة) .
رقية : هييييييييي تعالي نشوفه .
رنا : تعالي تعالي .
رقية : هيييييييء اهوا اهوا (ضحكت) .
رنا : اااااااااعععععععععععععهههههههههههههه
رقية : هييه عندي فكرة .
رنا : شنو شنو ؟
رقية : شن رايك تحولي للقاعة هذ ؟
رنا : هيييييء (شهقة) الله ياريت بس حنقعد بروحي .
رقية : لا مش بروحك انا معاك .
رنا : قصدك حتحولي حتى إنتِ ؟
رقية : لااااا قصدي معاك هنا فالجامعة .
رنا : ااههاا .
رقية : ها شن قلتي ؟
رنا : بهه.
رقية : ياااااااايييييي .
رنا : تمام تو نمشي ندور ابلة ونشوف شن يصير ونقولك .
رقية : تمام .
_ طلعت رقية لل ساحة ترجى ف رنا ، ولقيت عمر مقمعز مع صاحبه عبدالله مقابل الباب الرئيسي لل جامعة ، عدت خطمت عيني عينك من يالاه ، عمر بيناديلها بس نسي إسمها
عُمر : معليش .
رقية : (بحتت فيه بنظرة منيش معدلة عليك) .
عُمر : إنتِ تعالي بس نسيت إسمك .
رقية : (فنصت فيه بضحكة) خزيييييي ي معفن .
عُمر : (ضحك) ولله أسف بس بنسى بسرعة ايش إسمك؟
رقية : (بطريقة تطنيشة بصارة) ررروووقققيييةةة.
عُمر : رُقيةةةةةةةة .
رقية : اهاااااااااا .
عُمر : إيش كان بدي احكيلك ، اهه ، ممكن تعطيني رقمك؟
رقية : وااي معليش ؟
عُمر : شفت مونتاجك وعجبني شغلك في كثيير اشياء بتعمليها عم بدور عليها ، ف لهيك حاب تشتغلي معي ويساعدني إذا وافقتي .
رقية : (فراشات فرحانة بتطير) غريب عجبوك !
عُمر : (ضحك بخجل)
رقية : بس مابعطي رقمي ل الشباب :)
عُمر : إيش يمااا وكيف بدي اشغلك ومامعيش رقمك.
رقية : اوووف خلص خود 03******** انتَ أول واحد .
عُمر : تمام .
رقية : طيب متى حبلش معاك؟
عُمر : ح ارجع عالبيت وحتواصل معك ع ايميلي وبدي معلومات شوي عنك .
رقية : معلومات إيش بسم الله .
عُمر : يعني إسمك،عمرك،جنسيتك،رقمك،مكان سكنك.
رقية : بالله ، ناقص الرقم الوطني ويصير جواز سفر .
عُمر : يختشيييي محلاني وأنا مشغل معاي وحدة مابعرفها منيح .
رقية : شقصدكك ولاا؟
عُمر : قصدي ضرورية هالمعلومات .
رقية : طيب طيب (فعقلها : ريت هالحاجة الكبيرة)
_ جت رنا وقاطعتهم .
رنا : رُقققييييةةةة .
رقية : التفتت لرنا ؛ نعمم .
- لما التفتت عُمر راح .
رنا : حولت للقاعة لخرة (الأخرى)
رقية : ياااااي (بتسليك)
رنا : خلااص عااااد .
رقية : باي باي حبيبي باي باي .
_ وجت حافلتهن وروحن لل حوش .
’ رقية فتحت اللابتوب ترجا فالرسالة ع إيميل عُمر ‘
رقية : كتبت المعلومات ; رقية الحسن ، 21 ، ليبية ، شارع *** ورقم تلفونها  .
— بعد نص ساعة ورقية ترجىٰ فالرد ، قالت ل روحها
_ رقية : بلكي راقد ، خلنعدي نلهي روحي على مارد .
— المُهم عدت رقية برا باش تضربها الشمس شوي وبعدها خشت ل دار رنا ولقتها تطخ فالنوم ، المُهم عدت تحضر ف مسلسل ع التلفزيون واتكيت شوية ، تسمع صوت إشعار يجاها من اللابتوب ، تنط عمتك رويقة نطة جري لل دار والرد كان : ....
يتبع فالحلقة القادمة ...