~ صُدفـة ~

﮼الحلقة،الأولىٰ

الموقع : ليبيا - المرج - مدرسة اسماء بنت ابي بكر .
اليوم : الثلاثاء - 10 / مَارس / 2020م .
ضيوف الحلقة: دينة (صديقة رقية) ، شهد (صديقة رنا) ، أسيل (صديقة فاطمة) .

_ رُقية ورنا وفاطمة ، فالصفة الثالثة يخططن انهن يطلعن يقرن برّا مع بعضهن ، اقترحت رُقية يمشن للأردن يقرن فيها لأنها خاطرها تزورها وف نفس الوقت بلدها المفضلة وتبي تمشي غادي ع خاطر مكرّشة ع عُمر ، ورنا قالت لا نبي السعودية باش نقرا مع ناصر السبيعي .

_ فاطِمة : ي بنات اسمعن ، ره القراية هنا فاشلة ، كله كلام فاضي ، ساد إن جماعة الواسطات يسقطو فينا ع خاطر بناتهم وكله واسطات وظلم ، لنقنه خلونا نقنعوا هلنا نقروا برا ايواا .
_ رُقية : صاح ره ، لكن انا كان في مكان بنقرا فيه ولا نمشيله هي الأردن ، لنقانها سمحة وفيها جو وعُمر قاعد غادي منها نقرا ومنها... ضحكة سخرية .
_ دينة : قصدكن هضا تخطيط للمستقبلكن (بضحكة)؟؟!
_ رنا : تششششش(ضحكة رنا هكك) .
_ رُقية : بهِ شن بتقعدن؟ .
_ أسيل : أنا مُحامية .
_ فاطمة : لا أنا مضيفة طيران .
_ دينة : أنا مشعارف (بضحكة) .
_ رقية : أنا دكتورة أسنان .
_ رنا : ياااي نفسي ناا .
- خشت أبلة للفصل .
_ الأبلة: السلامُ عليكُم .
_ الطالبـات : وعليكُم السلام .
_ الأبلة: هيا عطنّي الكراسات بنحط الأعمال .
- عطنّ الطالبـات كراساتهن عدا رُقية مش مسطرة أخر درس ، قمعزن ( جلسن ) الطالبات ورقية صبّت ( قامت ) فالدرج من جوا تسطر ف صفحتين ، وفاطمة حطت كراسها ف الشنطة ، الأبلة جت لل رقية وفاطمة سألتهن ع أسمائهن عشان تنقص درجات ، رقية تحسب إنها حطت أعمالها ، بعدها تذكرت إن الكراس قدامها مزال ، عرفت إن الأبلة نقصتلها ، فاطمة قالت لل رقية ؛
_ فاطمة: الأبلة نقصت درجاتنا ره !!
_ رقية : (انصدمت) علييش؟!!!!
_ فاطمة: مشعارف .
_ رقية : تو نطلعو ل أبلة هناء (الأخصائية) ونقوللها عشان يقعد عندها علم .
_ فاطمة: به .
- رنت الحصة وبدت حصة الفطور وطلعن الطالبـات ل الساحة ، خطمت ( وقفت ) رقية جمب ثلاث بنات ، شافت رقية بنت متهاوشة معها من قبل وما ركزت ولاحطت عينها عليها ، قالت لها البنت ؛
فلانة : تؤتؤتؤتؤتؤتؤتؤ حرق دمم .
رقية : (فهمت ان الكلام لها) تعالي معليش .
(جت البنت لها )
رقية : عليش التئتئة تاعتك لمن تعزقي (ترمي) فيها؟
فلانة : وللهِ عارفة روحها من .
رقية : اسمعي الكلام الفاضي تاع العرايك والمشاكل فكيني منا مش فاضيتلك ولا فاضية لل صداع تاعك ومانيش قاعدة ع قلبك فالأخير نا جاية نقرا ف مدرسة وخاطيني خير لك .
فلانة : عدّي ي كرانج .
رقية : (ضحكت) شنو؟ ، كرانج (بضحكة) ، أول حاجة قولي الكلمة صح واعرفي معناها وللمن تنقال .
فلانة : لمن تنقال امالاا؟؟
رقية : للأشكال يلي كيفك مكرّشين ع نورمار (بضحكة) وعدّت مع شلتها يلي متكونة من اربع بنات .
- غارت الفلانة وعدت مع شلتها يشكن للأخصائية بروح بريئة ، كلمت الأخصائية رقية وسألتها ،
الأخصائية : كنك ي رقية مع البنات؟ .
رقية : وللهِ ي أبلة نا مش مدايرتلهن حاجة لكن كل مانخطم من جنبهن يعزقن(يرمن) فكلمة ويضايقن فيا عاد مش غلط مني .
الأخصائية : نسمع شكوة أخرى ندير فيك إجراء .
رقية : حاضر ي أبلة .
- طلعت مع شلتها للفصل بعد مارنت الحصة الخامسة ، بعد ما رنت الحصة وبدت الحصة السادسة ولي كانت فاضية ، طلعت رقية والبنات والفصول الثانية للساحة عشان ما يشوشوش عالفصول الثانية من هرجتهم ، تلاقن رقية والشلة يلي تهاوشت معاهن ف استراحة الفطور ، رقية كانت لابسة هودي ، جت البنت تتهزا (تعلّق أو بمعنى أوضح تنمرت) وقالت ؛
فلانة : يععع من يلي يلبس ف توتّة (بجامة) فوق الزي ووه.
رقية : أولاً هضا مش توتّة ي متحضرة إنتِ شن عرفك الذوق وإنتِ لابسة جاكة حنّي (جدتي) يلي حتى حنّي بروحها حرقتها .
فلانة : معندك عليش توري فيا إنك وااو ره دبشك شعبي عام .
رقية : دامه شعبي عام عدّي خوذي منه زي ماصاحبتك خذت من أريج (ملحوظة : الهوشة كانت أطول من هك بس أختصرتها لي نا ) .
- قعدت رقية وشلتها عند الشجرة يلي مقابلة باب أولياء الأمور وهن يقرمن(نميمة) مايملن بكلل ، شافت الشلة يلي تهاوشت معاها مع بنات أكبر منها يبحتن (يطلعن) عليها ويضاحكن ، رقية حست إنهن يحكن عليها والحركة هذي تنرفز فيها ، وطبيعي أصلاً أي حمار تبحتي(تطاعليه) وتضحكي يعرف إنك تحكي عليه متبيش خبرة ، المهم عمتك رقية ماسكتت وعدّت (راحت) للأخصائية ولقتها مش موجودة ، عدّت للأبلة ثانية ، وقالت
رقية : ي أبلة ره في بنات ينابشن(يضايقن) فيا مع بنات أكبر مني ره .
الأبلة : سنة كم إنتِ؟
رقية : ثالث ثانوي .
الأبلة : تمام أخاصئيتك من؟
رقية : هناء عبدالله .
الأبلة : تمام بكرا لما تجي قوليها لها عشان هذا شغلها .
رقية : تمام .
- عدت رقية برا وقعدت مع شلتها ، كان معاها بنت من الفصل الثاني إسمها نور ، شافت رقية البنات يحكن عليها ويبحتن فيها ، دزت (بعثت) رقية نور تقصقص (تتنصت) ، قالت البنت ل فلانة يعععيه شكلهن بنات شوارع ، سمعتها نور وومسكتها من كتفها وقالت لها :
نور : عونك (قصدك) لمن ب بنات الشوارع؟
البنت : ع الشلة الي وراك .
نور : ونتي شن عرفك إن هن بنات شوارع!!
البنت : ماقلتش عليهن هك.
نور : كيف مقلتش عليهن هم تكذبي فوجي ولاشنو؟!!
البنت : قلت أسلوب شوارع
نور : كيف تكذبي عليا ولا شنو توا هض قلتيها
البنت : لا مقلتش بنات شوراع قلت أسلوب
نور : به ي ستي بنات ولا أسلوب شوارع إنتِ شن تعرفيهن باش تحكي عليهن هك!!!!
البنت : إنتِ يلي شن تعرفيهن
نور : تيي صحباتي عليش تحكي ع ناس وإنتِ متعرفيهمش.
- رقية والبنات حسنّ إن في مشكلة ، جت رقية خذت البنت وفلانة وصاحبتها للإدارة وقالت للأبلة اهن يلي يتنمرن عليا ، سجلت الأبلة أسمائهن وقالت هذا كله ح ينقص من درجاتكن واعمالكن ، طلعن من الإدارة ورقية فرحت وماكانتش عارفة شن بيصير فاليوم الثاني ...
المُهم ، روحت رقية للحوش وقالت ل امها وباتها الموضوع ؛
مامتها : ماتعدليش عليهن هذين كلبات ره يسببن لك مشكلة .
رقية : لا عارفتها ( كذابة مغير هك) .
مامتها : اها بعدها ماعد تعرفي كيف تنجّي روحك .
رقية : (ضحكة توتر) .
-----------------------------------------------------------------|فاليوم الثانــي|
- عدّت رُقية للمدرسة وخشت الفصل ، بدّت الحصة الأولىٰ..ثانية..ثالثة..الرابعة..الخامسة ، جت إستراحة الفطور وطلعت رُقية ماشية بروحها للأخصائية فالمكتب تاع الأخصائي ، لقت أبلة الجغرافيا تصحح فالكراسات وتعطي فالأمتحانات المختومات عشان تصور الطالبـات الأوائل فالمادة (الإمتحان الجزئي) ولقت رُقية البنات المتهاوشة معاهن قاعدات ، جت رُقية صبّت (وقفت) جمب الأبلة وسألتها الأبلة لأنها كانت عارفة بالموضوع
هناء : هاا مزلتن (لسا) ع نفس الموضوع ولا زاد؟
وحدة خرا : زااااات (قصدها زاد لكن تدلع) .
الأبلة : باهي شن صار؟
فلانة : ي أبلة كل ماتخطم (تمت الترجمة مسبقاً) تعزق ف كلمة عدن يلي تلبسن ف محرمة عزايز عدن ي مشعارف شنو
الأبلة : يعني لعند امتى بتقعدن هك تدالفن!!!
رقية : أبلة هي يلي تنابش فيا أنا ماكنش في أي مشكلة بيناتنا لكن فلانة كل مانخطم من جنبها اتئتئ وتقول حرق دم ، وع المحرمة هي يلي علقت ع الهودي تاعي قالت تقول جاية ب توتة (بجامة) و قالت ع أريج لابسة جاكة عويل قلتلها وإنتِ لابسة محرمة حنّي بس (وحق الله مشكلة بنات صغار ).
الأبلة : ...
يتبـع...