حگرني ندمتو 💪🏻مكتملة💪🏻

الجزء 1 💪🏻

حكرني ندمتو 💪
ج: 1
فرح حدادي

فأحد البيوت المغربية  دار مكبيرة مصغيرة مصلوحة و مقادة مزيان فراشها قليل و لكن زوين ....كاانت بنت فالمطبخ لابسة سروال كيطمة بالاسود و تريكو بالأحمر كالسة فالمطبخ كتسنى الدجاج يتحمر و فعيونها باينة فرحة كبيرة كتبان بغات طير بالفرحة  و كل مرة طل من الشرجم تشووف واش جا ولا مزال

مشات كطل على الصالون بان ليها مقاد مصاوب حتى سمعات صوت صونيت  مشاات كتجري و غا شاافتو ترماات عليه معنقااه

نعيمة : خوووووياااااا توحشتك

سيف الدين : هههههه بعدي عليا المصيبة قتلتيني

نعيمة : طولتي هااد المرة او عااام مجيتي ا صااحبي عاام كاامل فين كنتي كتمشي فالعطل  ؟؟

سيف الدين  : هههه شفتك تزوجتيني بلا زواج ا شريفة اوا ها فين كنمشي

نعيمة : ههههه ليمسخك عارفة راسي ماشي ديال زواج

ضحك و شااف فيها : علاش ماشي دايزة ليا فالكاغط ؟

نعيمة ضحكاات و شافت فيه بحالا كتهضر بجدية واخا هي عارفاه غا ضاحك معاها  : هههههه راه واخا ماشي خوت حقيقيين و لكن من الميتم  و حنا مربيين مع بعضياتنا و كتقوليا غا ختي و تنا غا خويا حيث نتا هو ملاكي الحارس لي عاوني فكولشي  يعني مداايزش ليا فالوراق و اصلا منزوجش بخيبوع بحالك

مشات كتجري و طلعات فوق السداري و قلزات ليه بجوج يدين و مخرجة لسانها

بقاااا كيضحك و هو يمشي عندها

سيف الدين : هههه ايااااه كبرتي البرهوشة  اجي لمك  لهنا نوريك التقلاز 

بقا تابعها و هي هاربة غا بين دوك ربعة السدادر لبيت رجعوها حالتها و كيضحكو تاا شدها و بقا كيهر فيها

نعيمة :ههههه صافي صافي و الله منعاود نقلز ليك  ههههههه وا صاافب غنموت بالضحك ههههه

طلق منها و مشا نيشان لكوزينة

سيف الدين : واا فيييناا الجوووع

مشا كيطل على داكشي لي مطيبة يالاه بغا ينقب من دجاج ضربات ليه يديه

نعيمة : هههه حشومة تا نحط فالطبلة

سيف الدين  : هي لا سربيتي راسك انموت بجووع

نعيمة :مالك شحاال من كرش عندك ؟؟ 

سيف الدين هز يديه كيحسب بصبعانو : 1.....2...3...4 ..5 عندي بزاااف

نعيمة : هههههه حمق كداير الجو ف فرنسا ولفتي الخدمة

سيف الدين :هههه اوا الخدمة هي الخدمة  ضروري من تمارة غا نترقى فالشركة نديك معايا نضبر ليك فشي خدمة تما

نعيمة : ههههه تا نتا كعما تشغل راسك بيا المصروف لي كتصيفط ليا معيشني اميرة و هدا العام لخر عندي فالقراية انقراا مزيان و نخدم فبلادي و هانتا تهنيتي مني

قرصها من حنكها و هي كتقااد الغدا فالطبسيل

سيف الدين : علاه شكون قاليك متقلة عليا الهبيلة

نعيمة : هههه و حيد يديك ا زمر

سيف الدين : كيف قلت ليك جيت مع المديرة لهنا و انحضرو لحفل افتتاح وحدة من  شركات  عائلة الريفي  انديك معايا

نعيمة :انا ؟!!

.....# يتبع