أشتداد

أعلان + مشهد

لتنسون التصويت قلبيي

_____________________________

المشهد الأول

صبيت البن وكعدت تا اتغده واستمع لابوي تا يحجي

ابو محمد : اليوم يجلدون هاي الحرمه التشتغل بالمستشفى سستر يكولون الدوله الاسلامية مدحكه معاها زلمه وهاي تسمه زنا فا راح يطبقو عليها الشرع

ام محمد : يا هاي خوش بنيه واهلها خوش ناس يمعود كول غيرها

ابو محمد : عجل شبيدنا عساس اليوم الساعة ٣ وره اذان العصر وكالو اليحُب يدحك يجي

اني هينا كلبي عصرني وانقهرت داخلي على البنت كملنه غده وكمنا كفينا المطبخ اني ومره اخوي ابوي صعد ينام واخواني طلعو كل واحد لشغلو وامي كعدت تشرب جاي مره اخوي خلصت وصعدت لغرفتها واني كتلني الفضول اريد ادحك شلون يجلدوهة وشراح يعملو بيها
كاعده واحسب الوقت كل شويه اباوع على الساعة صار الساعة 3 طفرت

ترف : يوم راح اصعد للسطح تا اجيب الملابس

ام محمد : بسرعة لتتاخرين الوضع يخوف بسرعة نزلي

ترف : صار يوم صعدت ركض مرة اخوي تنام الضهر فتحت الباب على كيف

ودحكت بعدهم ماكو شي بس محضرين مكانها حفره وجنود الدوله الاسلامية واكفين
عدد كلش جبير منهم

كفيت ؏َ سريع الملابس خليتهن بالسله وفتحت الصونده وذبيتها بل كاع تا امي من تكلي ليش تأخرتي اكوللها غسلت السطح

بهل اثناء دارش بال سطح سمعت صوت عالي مال ناس وسيارات دحكت من الحايط احنا حايط مالنا مزخرف يعني ميبين كلشي وعالي بس اني اكدر ادحك

شوي ودحكت نزلو الحرمه من السياره شادين اديها بسلاسل وبدون حجاب نزلوها ثنين من الدواعش نزلوها للحفره وراها واحد واكف كضبوها وهو دحكت بيدو سوط ( مثل خيزرانا عوده رفيعه كلش وبل اطراف مالتها بيها لاستيك بس هذا ياذي )

وبلش يجلد بيها معرف شكد مر وقت وهو يجلد بيها وطلع انوب ذولاك المنتشرين دواعش واهالي المنطقه كالولهم ارجموها وبده الرجم اني بس ادحك وارجف وعيوني تتحرك هنا وهنا  ماتت الحرمه من الرجم صاح واحد منهم بصوت عالي تكبير وصارو يكبرو بصوت عالي
الله وأكبر  ضليت ادحك لحد ما الناس راحت عادي وتركو الحرمه بالحفره وبلشو يذبون فوكها تراب وهيه مغمى عليها يعني عايشه !!!!

خلصو دفن وتركوها وراحو رحت سديت الماي واني كلني ارجف وجهي اضفر وشفايفي بيض وخايفة شلون بينا ياربي ارحم بحالنا اللهي مندري شضامتلنا الايام

_____________________________
المشهد الثاني

واكفه وره البيت ولازمه بيدي سله الملابس ومدنكه راسي وسانده ايدي على الحايط واتلفت خايفه صوت براسي غريب ضوضاء
وكلام غريب ممفهوم رفعت راسي وكعت عيني على سواد على شكل رجال ضخم  حيل
دحكتو يتقرب ما احس اله ومرة اخوي الجبير تصحي بيا كمت بتعب والم اثار الاغماء
وكعت على الارض ونضربت بخاصرتي بحجر
التفتت على مرة اخوي

ترف : شصار وياي اني جنت وره البيت شجابني هينا

زينه : دحكي ماعت روحج واني شفتج مختفيه كمت ادور عليج وشفتج واكعه

بهل اثناء سمعت امي تكول لابوي مابيها شي جذابه بلكي تموت ونخلص منها

_____________________________

المشهد الثالث

دك تلفوني واني سرحانه ادحك روحي بال فستان الابيض ومبتسمه جريت التلفون دحكت ديدكلي رديت واني على وجهي ابتسامه

ترف : ها حبيبي

: حبيبتي اني وصلت اطلعي

ترف : تمام سديتو والتفتت على مره اخوي كتلها وصل ابتسمت واجت تساعدني طلعتني بره وشبكتني بجيت واني اودعها رجع دك عليه فصلتو  والتفتت تا اطلع وصلت العد الباب ودرت وجهي دحكت امي باب المطبخ تبجي من شافتني دخلت وسدت الباب اول مطلعت رفعت عيني صارت عيني بعينو  دحكتو واكف لابس زي رسمي وحالق لحيتو ولابس مناضرو وشايل بيدو تلفونو وينتضرني تا اطلع شافني طلعت ابتسم وعيونو تلمع اجي عليه لزم ايدي وصعدني بال سياره وهو صعد يسوق اني ارجف ممصدكه اني وياه انجمعنا بعد الصار

حس بيه دارجف شغل السياره ودحكني وكال

:  هااا شبيج شنو طنطل كدامج هيج ترجفين ترا اني حبيبج واخيرا ترفتي  صرتي الي من بعد معاناه  ضحكت وهو شغل اغنيه اخذها الجان رايدها اخذها وعلها كل صوته

خلصت الاغنيه وهو لزم ايدي مافكها كلساع يباوع عليه واني اضحك كتله

ترف : دحك للطريق خاف يصير حادث ونروح بيها هو ضحك ضحكه قويه وكال

: فوك هذا التعب والمشاكل والانتظار بل لحضه يروح كلشي واني مشامج ولاحضنج لا وحق الحسين بس خلي احضنج وراها راضي اموت

ترف : اسم الله عليك حبيبي لا تحجي هجي

: وج خليتي حسره بقلبي اريد بس اضمج بحضني اريد بس اشم عطرج موتيني سويتي بيه

ترف : حبيبي خل نوصل للبيت واني الك والله بس فدوه باوع لطريق دحكني وغمز وضحك

قريباً بقلمي آيات الشامي

حسابي الانستا 👇