اجيت الليله اودعكم
ماظن للصبح باقي
هذا المنحني عودي
وهاي الذابله اوراقي
............
نزلني اودخلت اوتفاجئت ابماما امدد عالقنفه اويمه خوالي اوخواني ملتمين عليهاا
نورر... مامااا اوركضت عليها اولكاهاا كاعده بس امبينه حيل مريضه
خالي ماجد..نور باباتي لتخافين مبيها شي بس من راجعه من المحكمه صاعد عدها الضغط اومتخربطه اوكو ناس من اهل الله اخذوه للمستشفئ
انتبه على الضابط
خالي.. ااا اعزرنا خويه تعال اتفضل زارتنه البركه
مصعب.. زاد فضلك لا اعذرني مستعجل بس اجيت جبت هاي الطفله خطيه تبجي عله امها
نور.. كلش ضجت من كال طفله اوهوه ايباوع عله خالي بس عاكد حواجبه طلع اوخذه خالي ايوصله واني بقيت يم ماما اشوي اوراحو خوالي اشكد ضجت حته ماكالو اشتحتاجون يدرون بابا انسجن اوحنه بقينه بدون سند اخذنه ماما الغرفته اوهيه كوه تحجي اونومته ع السرير اوخوي علاوي يبجي ايريد ايروحلهاا
ماما... يمه انطينياا لاتخلينه يبجي هيج
نور.. بس ماما انتي مريضه اني اهتم بي
ماما... لاا يمه انطينياا خلي ارضعه هوه شنو ذنبه
نور.. اطيته لماما اورحت اخواني رادو اكل واني حايره ياربي ماعرف اطبخ اشلون دخل اخوي حمودي
حمودي.. هاا شو وجهج يتلاطم اشبيج
نور... ماعرف اطبخ ولجهال يردون اكل اوماما مريضه
حمودي.. اوهيه هاي هم يرادله صفنه شوو اوخرني من الثلاجه طلع بتيته اوبيتنجان
نور. . انت تعرف ادكلي
حمودي.. اي اوشيرادله روحه للقاضي هسه ابساع
نور... بقيت وياا اوهوه كلساع ايكلي انطيني ماعون انطيني الطاوه انطيني الدهن دوخني الحد مكملنه صار المطبخ عبالك معركه
نور.. اوففف يعني هم تعالي نضفيي
حمودي.. هم بجت ابوجه الله عمي ولعباس اني اساعدج بس لاتبجين
نور.. ابتسمت يمه فدوه لخوي الحلوو
حمودي.. اي اي اصبغيي
ـاخذت الصينيه اورحت لخواني الي دوم هادئين اوبس يلعبون بس كلساع اويسئلون بابا وين بابا ليش مأجه واني اجاوب عنده شغلل اوله متى ابقه اجذب ياربي كبرتنه اكبر من عمرنه وحنه ازغار بعدتنه عن ابونه استغفر الله اني شجاي احجي
ـ كملو اوكمنه اني وخوي انضف بلمطبخ بلرغم اشكد نتعارك اني وياا بس هوه من ايشوفني خايفه من المسئوليه الي صارت علينه وحنه ازغار ياخذه ابضحك ويكول
ـ واني شنو احمار اهنا مو رجالل ههه
كملنه واني رحن شفت ماما اوعلاوي بعدهم نايمين باوعت ع الساعه الساعه بل5:30العصر اوحمودي كال طالع اشوي ورجع اوخذ ويا حيدر اوأحمد اوبقيت بس اني اورجوان هيه اخذت لعابته اوراحت تلعب بيت ابيوت الوحده هيه اولعابه اشكد بابا جان ايحبه ويدلل اوشدكول ايكللها صار اشتطلب ايكللها صار حته مرات اني جنت اضوج اوزعل ويكلي بابا انتن ماخذات كل وحده قطعه من كلبي اوبد ولا يوم ايفرق بيناتنا ولا ايكول هاذا ولد اوهاي ابنيه لاا نفس المعامله كلنه ماعرف شنو الشي الخلاا يرتبك هيج هيج خطاء اويحرمنه منه لا سنه اولا سنتين 10سنوات اشلون انعيش اشلون اندبر حياتنه ابين صفنتي سمعت الباب ايدك كلت اكيد اخواني اجو اخذت الشال اوطلعت
ـ ايي اي اجيت عله كيفك حمودي فتحن الباب اوتفاجئ بلضابط ارتبكت اوخفت رجعت اليوره
مصعب.. هاا اشفتي بعبع اوخري خلي ادخلل اوهاج هذن العلاليك جبتلكم مسواك
ـ حجيت بنفعال.. بس احنه ممحتاجين
رفع حاجبه اونزل المستواي
ـ تدرين لو ماطفله وستخطيج جان جبتج ابراچدي اهف وجهج هفف
ـ ابتعدت منه خايفه
ـ اوهسه هاج المسواك اودخلي اوبدون لغوه اني مجاي اشوف خلقتج اجيت علمود اشوف امج
نور.. راح دخلل واني دخلت المسواك للمطبخ اوركضت الماما
ـ ماما مامااا
ماما... هايمه اشصاير اخوانج بيهمم شي
تحجي اوميته خوف
نور.. اوكفي بس خلي اجرر نفس
ماما.. ولجج احجي مو وكعتي كلبي احجي
نور. الضابط الي اجا ذاك اليوم اجه هسه ويريد ايشوفج اوماحس اله غمتني بثنين اديهاا
ماما . امداج ولج وكعتي كلبي اوتالي متالي طلع الضابط ايريد ايشوفنيي عبالي اخوانج بيهم شيي وخرت علاوي عله كيف من حضنه اوغطته اوطلعت واني طلعت وراها اريد اعرف شيريد منها هاذا الضخم ابو شوارب رحت عله كيف اوكفت اباب الستقبال اوسمع ماما تحجي
ـ ماتقصر بس احنه مامحتاجي
ـ مصعب.. اسمعي خاله مدري اختي تاهت علي ههه المهم اني من اجيت اوشفت حالكم اوجهالج ليش اجذب وكول مانقهرت عليهم لا بلعكس انقهرت اوخاصتاً همه بعدهم ازغار اوكبر واحد يمكن عمره 15 اومابيدي شي اسوي غير انو اقدملكم اشوي مساعده اولا جاي اتكبر عليكم اوكول اني انطيكم افلوس اوبغرور لاا والله يشهد الله اني بس حبيت اساعد لا اكثر
ماما.. ماتقصر ربي يحفظك بس هم اني ماقصر ويه جهالي اوحاول ادور شغل بس ايكفي مصرف البيت
ـ لاا خاله انتي مو عندج ابنن خلي هوه يشتغل لتعوفين الجهال الوحدهم
ماما.. بس ابني بعده ازغير
مصعب.. لا ما شاء الله زلمه امشورب غير شفته اوهوه لازم ايكون بعد ابوو
اوثناء ماكمل كلامه دخلو اخواني وخوي حمودي
حمودي.. اتفاجئ بس غلس.. السلام عليكم
مصعب. وعليكم تعالل
راحله اخوي باوع علي اشويه اورجع باوع الماما
ـ هاذه شوفي رجال وبطولي اورجع باوع لخوي حمودي
ـ باع ابني اريدك اتكون سند لهلك لان ماعدهم غيرك اونشاء الله اني الكالك شغل امرتب اونت ولد طويل اوضخم امبين اكبر من عمرك
حمودي.. بدون متحجي اني جنت امقرر اشتغل بس ماعرف ادور عله شغل
مصعب.. اني هسه اخذك عندي صديق يكدر ايساعدك حته لو تشتغل ابمطعم بس حته اتعيش اهلك واني انشاء الله ماقصر وياكم كل يوم ازوركم
ماما اتشكرت منه اوخذ اخوي اوراح واني دخلت الماما ضايجه
نور.. منو امفكر نفسه هوه اوينقهر علينه احنه ممحتاجين الهه
ماما . يمه نور احنه لازم نقبل مساعته ماعدنه غيره طريقه حته انعيش مشوفين اشلون انكلب حالنه بين يوم اوليلهه
نور.. برطمت ماما اشتاقيت البابا خلي انروح انشوفه
ماما.. اخخ يايمه مو بس انتي واني هم طاك كلبي علي من رجعو لسجن اوهوه ايصيح عليه ديري بالج عله جهالي لاتقصرين وياهمم اخخخ لو بس اعرف ليش مشه ابهدرب ليشش اوكعدت تبجي واني هم بقيت ابجي بعدين كامت اوكالت تره ميفيد البجي اوباجر إن شاءلله اكول الهاذا الضابط مصعب ونروح انشوفه اني سكتت اوكامت نضفت البيت اشوي صايره احسن بس بعدها مقهوره اوكل ماروح الكه دمعته على خدها اوفف بعد شتوارينه اليام شنو بعد انشوف الله اعلم اشويه اورجع اخوي كال لكالي شغل اوجاي فرحان الشغل هوه ابمطعم وليوميه كلش زينه ماما فرحت اوهوه هم امبين كلش فرحان كمل اليوم على خير بليل اوجه يمي حمودي اتقرب اوكال ابهمس حته لا ايكعدون اخواني
حمودي.. باعي نور راح انطيج هاذا التلفون بقي بلبيت اني من باجر ابدي شغلل اولازم يبقه تلفون بلبيت
نور.. بس انت اشلون تبقه بدون مبايل
حمودي.. اكيد لاا اني عندي افلوس مو اهواي بس اشتري تلفون عله كد افلوسي
نور. صفنت ابوجها وبتسمت.. الله ايخليك النه
حمودي.. اوو راح اضل اتمسلت كافي انطمري حجاها ابضحك ضحكت اورجعت نمت غفيت واني مبتسمه لان عندي هيج اخوو
. ..... يتبعع.....
اسفه لان البارت قصير بس لان تعرفون دراسه اوتعب ماكدر اكتب بس ان شاءلله اعوضكم ابارت اطولل ❤❤🙂❤❤
الكاتبة: زهراء 😇
أنت تقرأ
انتقام السايكو.11:45
Ficção Geralتقدمت واني كلبي يرجف خوف .. انتي جنتي تعرفين ابوج اشيشتغل ايباوعلي اولازم الجكاره ومخليه بين شفايفه . ل ل لا ... امم وانتي وأشر ع امي .. لا والله يخاله والله مايشتغل بس يشتغل فلاح عنده كاع يزرع بيها كل سنه اوعنده محل .. امم اخذ من الجكاره صرف...
