اللهم صلِّ وسلم وبارك على سيدنا محمد وعلى آله وصحبه اجمعين
___________________________
مرت الايام وكل واحد من الشباب خد حبيبته للبلد اللي اختاروها مع بعض علشان يقضو شهر العسل
وعاشو ايام جميلة كلها فرح وسعادة وحب وجنون
❀❀❀❀❀❀❀❀❀❀
تسريع في الاحداث
عدي 3 سنين
قمر ولارا ورحمة اتخرجو بتقدير امتياز
واسيل واسراء ومازن ومصطفي كمان اتخرجو وبيستعدو لفرحهم
ومصطفي ومازن كل واحد بيجهز بيته
ولارا خلفت ولد وسمته (زين)
ولين كمان خلفت ولد وسمته (عدي)
لكن رحمة لسة مخلفتش وده مزعلها جدا لكن جو واقف جمبها ودايما يقولها انا مكتفي بيكي
وادم بقي عمره 3 سنين
واسر ومالك وجو شركتهم كبرت وبقت من اكبر الشركات
والحياة بين ابطالنا كلها سعادة وحب
****************************
[في بيت جو ورحمة]
كانت رحمة قاعدة وبتعيط نفسها يكون عندها اطفال نفسها بحاجة تربطها بحبيبها
دخل جو البيت وكان بينادي عليها
جو: رحمة... رحمة.... انتي فين يا رحمتي
رحمة وهي بتمسح دموعها: انا هنا يا يوسف
دخل جو عليها وزعل جدا لانه عارف انها كانت بتعيط
قعد جمبها واخدها في حضنه
جو: هتخبي دموعك عني
اترمت رحمة في حضنه وانفجرت من العياط
جو: بس..... بس.. بس علشان خاطري
وبعد شوية هديت رحمة نوعا ما
جو: ايه يا قلبي.... مش قولتلك مش عايز اشوف دموعك وبعدين مش احنا كشفنا وطلع ولا حد فينا عنده حاجة المسألة مسألة وقت مش اكتر.... ربنا لسة مأذنش
رحمة: نفسي يكون عندي اطفال.... نفسي في حاجة تربطنا
جو: انتي كل حياتي يا رحمة.... انا بعتبرك بنتي ومراتي وحبيبتي واختي وكل حاجه ليا حتي لو ربنا مرزقناش باطفال انا مكتفي بيكي ومش عايز غيرك
رحمة: انا بحبك اوي يا يوسف
جو: وانا بعشقك يا روح يوسف...... ايه يا ست رحمة مش هناكل ولا ايه
رحمة: لا طبعا..... هقوم احضر الاكل
جو: لا ادخلي البسي وهنخرج نتعشي برة
رحمة: منا طبخة
جو: مش مشكلة مش هيحصله حاجة حطيه في التلاجة ويالا ننزل نتعشي ونلف شوية
رحمة بفرحة: اشطا
ودخلت رحمة جري علشان تلبس
ودخل جو وراها وغيرو هدومهم ونزلو
وانبسطو جدا مع بعض
جو بيحاول انه ينسيها ويعوضها
أنت تقرأ
عايروني اني سمرة لكن عوض ربنا كبير (مكتملة)
Ficção Geralيعتبر جمال الروح هو أجمل شئ فى الحياة، فكل من يظن أن جمال الشكل هو كل شئ، فهو مخطئ فجمال الروح أهم وأعظم بكثير من جمال الشكل وإن جمال الشكل يمكن أن يذهب ويزول نتيجة أي شئ، لكن جمال الروح باقي ما دام الإنسان باقي فى هذه الحياة، والذى يتسم بجمال الروح...
