5
الجفا و الإهمال كانوا بيزيدوا و الدموع و السواد تحت العين كان بيزيد تعبت جدا مش بتخرج و لا بتشوف الشارع حبيسة غرفتها تبكي بس ...
و ما أصعب الإهمال و الوحدة ...
من كتر الخنقة لبست و راحت مطعم تتنفس شويا ...
كان عالبحر قعدت و سرحت كتير و دموعها كانت بتنزل و هي في دنيا تانية لمحها صاحب المطعم مشي ناحيتها بحزن لحالها ...
خالد صباح الخير ازيك يا فاندم
جميلة و هي بتمسح دموعها الحمد الله
خالد عايزة تتطلبي حاجة
جميلة : ممكن عصير برتقال و بس
خالد بابتسامه : عندنا فطائر تحفة تجربي
جميلة بابتسامه مش يمكن معيش تمنها
خالد تحت امرك اي حاجة تطلبيها
جميلة متشكرة اوي خلاص اجرب وحدة
خالد تمام حضرتك
و أمر واحد من العمال يجهزوا افخم وحدة
خالد عندو ٣٠ سنة شاب جميل بشخصية جميلة و كل الناس بتحبه لطيبة قلبه بيتعامل مع كل اللي عندو على أنهم صحابوا مش عمال عندو و نقطة ضعفه اي حد بيبكي ...
نورا و النبي يا شيخة نفطر في المطعم ده بيسان حاضر بس ما تتعوديش نورا انتي حبيبتي اساسا
فاتوا المطعم و قعدوا على طاولة قريبة من جميلة ما كانوش يعرفوها ...
بعد شويا واحد من العمال جاب العصير و الفطيرة لجميله
جميلة ببراءة : أمال فين اللي جيه من شويا
_ قصدك استاذ خالد ده مدير المطعم اندهه لحضرتك
خالد : بدون ما ينده انا تحت امرك
جميلة بخجل و احراج : لا متشكرة بس استغربت عشان انت اللي جيت في الأول شكرا
خالد : اي حاجة تعوزيها اندهي عليا تمام
جميلة : شكرا تمام ...
بدت تاكل شافت اتنين واحد و وحدة الظاهر انها حبيبته أو مراته كان بيطعميها و ما وقفوش ضحك ... دموعها نزلت غصب عنها بقهر و لسة بتبصلهم
نورا بصي البنت دي بتبكي ازاي
بيسان اه مسكينة اكيد وراها راجل معروف
نورا ما تيجي نشوف مالها و نساعدها
بيسان يا قلبك الحنين احنا مال أهلنا
نورا و النبي يا شيخة نقعد معاها
بيسان انا ناقصة هم ...
سحبتها نورا و راحوا عند جميلة ...
نورا مرحبا ممكن نقعد
جميلة بابتسامه : اكيد تفضلوا
نورا : صراحة شوفتك بتعيطي قلبي وجعني و عندي فضول اعرف مالك اذا مش حيضايقك
جميلة بكل براءه لانها كانت محتاجة حد جدا تتكلم معاه قالتلهم كل حاجة
بيسان انتي عبيطة
بصتلها جميلة بصدمة
نورا مش قصدها احنا اسفين
بيسان بغيظ لا قصدي .... واحد زي ده يلزم بايه تبكي عليه ليه اللي ما يتقلكيش بالدهب و يحطك جوه عينيه ما يلزمش خد الشكل اهم حاجة سيبي يلبس اللي شكلها جميل و تطلع عينيه ما دخلش قلبك و شاف جوهروا ما تبكيش عليه اللي زي ده ما يستاهلش دمعة من عينك تفي عليه ... خليكي واثقة في نفسك انك اجمل وحدة حتبقى كدة انك قوية و قد حالك حتبقى كدة حتندبي حظك حتموتي بقهرتك اسفة اني جرحتك بس بجد ما يستاهلش
جميلة بابتسامه : تعرفي كنت عايزة اوي حد يسمعني الكلام ده انا عارفة اني غلط دلقت حالي عليه اوي
بيسان : اسمعي احنا تأخرنا على الشغل ده تلفوني و رنت لنفسها خلينا على تواصل انا حقولك ازاي تخلي يجي راكع يبكي الندم
جميلة بسعادة : انتي جتيني من السما
خدوا ارقام بعض و اسماء بعض ... و بيسان من غيظها من كل الرجالة قررت تساعدها ما كانتش تعرف انه عمر اللي بترسم عليه هو نفسه جوزها
