علاقات كاذبة(منقولة_ليبية)

الحلقة الأخيࢪة

#علاقات_كاذبه 9 الاخيره (حقيقيه)

بعد ما مشو الرجالا للجامع وكملو قراية الفاتحه خبرو اهل حنين ان الفاتحه كملت وبدو يزغرتو ودموع حنين موقفوش بس الخبر الصادم موصلش لحد قاعد....

وصلو الرجالا بعد روحو وطلبعا البنات دارو شوط باهي بي الدربوكه💃💃🔥

هاذا وين تسمت ليهم يامبروك علي غاليهم👏🏻👏🏻
حبها مكذبش على حبهاااا جاب كساويهااا👏🏻👏🏻
دلالها يادلالها اخيرااا توا حلالهاااا❤❤

خش الهادي اب حنين للمربوعه ونادا حنين وعائشه ام كرم وكريمه ...
كريمه:خلعتني ياراجل شن فيه
الهادي:اسمعي يابنت هيا كلمه بتسمعيها والله غالب سلمي احكامك لربي
حنين:حست ان في شي كبير صاير بس قعدت ساكته
الهادي:صارت عركه بيني وبين اب العريس بعد ماتفاهمنا ع المؤخر يكون 50ليره قال لا مصارش ها الكلام ومش رح يزيدو علي 15الليره بس
كريمه:يعني شنوو
الهادي:حلف بو العريس مياخذ البنت وطلعو الجماعه وتفركست الدنيا
عائشه:يعني مفيش عرررس😳😳😳
حنين:😨
الهادي:من بين الحاضرين ناض ولدك كرم طلب حنين وان يقعد العرس ماشي ويقرا الفاتحه وجده وافق وانا وافقت
حنين:نزل عليها الخبر زي الصاعقه ومن كثر الفرحه يلي حستها معش تسمع في حد غير دقات قلبهاااا
عائشه:كرم ولدي😨😨😨😨😨😨
كريمه:كرررم ولد سلفي😨😨😨😨😨😨😨
الهادي:اي كرم ولد خوي الفاتحه قراها هوا وتوا يتسمى راجل حنين
عائشه:شافت لي حنين ....يعني العرس هاذا توا عرس ولدي؟!
حنين:من الصدمه اغمى عليها وعيطت كريمه والعيله كلهاااااا تلمت عليهم وسمعو الخبر وكانت الصدمه كبببببيره وكلهم متعاطفين مع حنين يسحابوها متبيشي😂😂

كنان:يا اااااايه اااااايه
مريم:طلعتله من دون حجاب....اها كنان تبي شي
كنان:نزل راسه بسرعه....علي داخل؟!
مريم:لالا
كنان:جي بيمشي بس وقف ع صوتها
مريم:كنااان
كنان:تلفت ....نعم؟!
مريم:مسكين كرم وحنين يناري كيف بيكلم العرس؟
كنان:تنهد...يبها من البدايه وهيا نفس الشي
مريم:مستحيل من قالك😨
كنان:واضح من نضراتهم لبعض
مريم:بي ابتسامه مستحيه....به ونضراتي ليك شنو تقول مدامك تفهم ؟!
كنان:قام راسه وهوا مستغرب ....اءءءء خخ خشي حطي حاجه ع راسك
مريم:مش عارف كم مره بنذكرك انك قاري عليا فاتحه 😂
كنان:ضحك وسيبها وطلع

تررررن ترررن
يسرى:واقفه جنبهم لما يفيقو في حنين  بعدت عليهم وردت....الوو
حمزه:تي وينك من بكري نتصل الزززح
يسرى:مكالمه بس
حمزه:البسي وطلعي قدام العرس انا
يسرى:شنو بنطلع خيرك حبيبي😳
حمزه:استاحشتك لنمممم شنو حرام نشوف مرتي
يسرى:هههههه حمزه بلا هبال بكرا مروحه انا
حمزه:بتطلعي ولا نخش نقلب الدنيا
يسرى:😂😂😂جاياتك يامهبول
حمزه:ايواااه خليك هكي

🔥روايـــــــــات بـــــــنــــــووتـــة الشــــيــــــخ🔥

حنين:فتحت عيونها وبدت عاد تلعلع وتعيط ع طوول حسها من الفرحه 😂وامها واقاربها يبكو ويحضنو فيها يسحابوها مقهوره علي ايهم 😂