زين رجع البيت رمى شماغه وعقاله وهو ينادي :روزاااا وينتس يا روزا
روزا :هلا
زين :نكفين جيبي لي موية ميت عطش
روزا:بسم الله عليك الحين اجيب لك ابشر من عيوني
زين لا إرادياً ابتسم
روزا استغربت:اشبك
زين:تدرين احن جملة لقلبي هي بسم الله عليك احسها تجي للقلب
روزا ابتسمت له :وانت صادق والله تجي للقلب
وراحت المطبخ عشان تجيب له موية ورجعت
روزا قعدت فوق الكنبة جنبه
وزين شرب موية وحط الكاسة فوق الطاولة ومسك الريموت
روزا :تكفى مب رعب يا ويلك ترا اخاف انا
زين :افاا تخافين وانا معتس؟
روزا :اخاف في ليل لما تكون لوحدي وانت بالدوام
زين :طيب انتي قولي وش نتفرج
روزا :سويه في فلم رومانسي طفشنا من الرعب يخي حفظنا قصصهم الي تتكرر
زين :ابشري من عيوني ندور لتس فلم رومانسي
قعد يدور لين لقى فلم واضح انه رومانسي :هاه تبين هاذي؟
روزا :ايه خله واضح حلو
زين حط الريموت وقعدو يتفرجو اثنينهم
وزين لف نظره لروزا شافها مندمجةة مع الفلم و واضح عاجبها ابتسم لها وتذكر شكلها امس ويحس الشعور الي حسه امس يرجع يتجدد بالانجذاب نحو روزا
رجع نظره للفلم وهو مبتسم
الا فجأة ينصدمو اثنينهم بهاللحظة بلقطة وسخة
وفزو من مكانهم و روزا تدور الريموت ومغطية عيونها :ويين الريمووت يا رجال
زين شال الريموت بسرعة وطفى التلفزيون
روزا مسكت قلبها وهي للحين مغطية عيونها :استغفرالله يا ربي استغفرالله خلاص والله اخر مرة اتفرج فلم رومانسي مالت عليهم وعلييك
زين يناظرها :هااه شفتي ليه ما اتفرج رومانسي
روزا تقوم :استغفراللله يا ربيي استغفرالله التوبة
وزين يغمض عيونه ويرمي الريموت وهي يقول استغفرالله يا ربيي
في صباح اليوم الثاني
الهنوف صحيت من النوم وهي مبتسمة وتناظر لمحمد الي نايم ومو مصدقةةة محمد رجلها والحين بتصبح عليه كل صباح قرصت نفسها وهي تقول لنفسها والله مو حلمم وتضحك على نفسها
قامت من مكانها وهي تروح عند المراية وتمسك المشط عشان تمشط شعرها بهدوء وهي تغني
بس وقفت بمكانها وهي تشوف صورة معلقة بطرف المراية شالتها من مكانها وهي مستغربة صورة من ذي ترجع لوحدة مبتسمة وجالسة بكرسي و واضح انه عرسها لابسة فستان ابيض
حطت يدها بفمها بأستغراب :منهي ذي؟؟ و وش تسوي الصورة هنا؟
ما حست الا بإيدين تحاوطها من خصرها وهو يقول بهمس :صباح الورد والفل والياسمين والورود والزهور
ابتسمت الهنوف :صباح النور والسرور
محمد يناظرها من عكاس المراية :ليه صحيتي وخليتيني ترا ازععل لو سويتيها مرة ثانية
الهنوف:والله صحيت وحتريتك تصحى بس ماصحيت فقمت امشط شعري لا تقوم وتشوف شوشتي
محمد:والله حتى وانتي مع شوشتس تهبليين
ضحكت الهنوف وتذكرت الصورة ورفعته وهي تقول:ايه صح محمد
محمد:عيوون محمد
الهنوف توريه الصورة:منهي ذي؟
محمد شاف الصورة و تأكد مرة ومرتين وشال الصورة منها :انتيي من وين جبتي الصورة هاذي، وين لقيتيها؟؟
الهنوف استغربت من ردة فعله المتوترة :لقيتها معلقة هنا بالمراية وقلت يمكن انت معلقها، بس مين هي ما جاوبتني
محمد يحك راسه :منهي ذي؟ شسمه ذا
الهنوف مستغربة :محمد اشبك اقولك منهي ذي ليه كل هالتوتر والخوف قول منهي ولا توترني معك
محمد يناظرها وهو يدري مافي مهرب لازم يقول :هاذي هبة
الهنوف تناظره تحسبه يمزح بس وجهه ما يقول انه يمزح ضحك بخفة :هبة؟ حرمتك يعني؟
محمد :ايه
الهنوف :و وش تسوي عند المراية؟
محمد :والله مدري اصلا معرف الصورة هاذي من وين
الهنوف لفت وجهها عشان تمشي وهي مو مصدقته
محمد رجعها :الهنوف اسمعيني والله مب انا حطيته عند المراية بعدين المخلوقة بقبرهاا تبين تزعلين من صورتها
الهنوف :م زعلت من صورتهاا زعلت لانك علقت صورتها بوسط غرفتناا دامك ما نسيتها وتحبهاا ليه رجعت تزوجتت
محمد :اسمعيني الهنوف والله مب انا الي علقت صورتها
الهنوف ضحكت:اييه قامت هي من قبرها وجت علقته عشان تسوي مشاكل بيننا مو؟ محمد تكفى لا تضحكنيي وخلاص خلني بحاليي
ومشت عنه وطلعت برا وهو يلحقها :الهنوف والله العظييم مب اناا الهنووف اسمعيني قبل وين رايحةة طييب
طلعت اسيل وهي بيدها صينية :خير اشفي؟
الهنوف ما جاوبت ومشيت ومحمد وقف بمكانه وهو مستسلم وتنهد
اسيل :خير وشصاير اشفيها زعلت منك
محمد يبرر :ما زعلت بس تهاوشنا
اسيل ضحكت: يووه زعوولة حرمتك والله بس لا تقول زعلت من الصورة
محمد :ايه زعو "الا استوعب وش قالت وقال بصدمةة" انتيييي اشلوون درييتيي لا تقولين انتي الي حطيتيييه
اسيل بفخر:ايه انا حطييته
محمد مصدوم منها اصلا مصدوم من وين جابت الصورة
اسيل تاكل حبة عنب :تستاهلل اجل تبي رجلي يتزوج علييي هااه انا بنت ياسرر ما قالولك عنيي
محمد مصدووم
قاطعهم وليد :خير وشصاير وشذا الاصوات العالية
محمد :امس قلت لك لمح لها بس اليوم انصحك صدق تتزوج عليهااا هاذي صدقق صدقق مب صاحيةة
ومشي ورا الهنوف وهي يناديها عشان يراضيها
وليد ناظر لاسيل :وش يقول؟
اسيل تمشي :تعال حبيبي معليك منه غيران مننا
وليد انصدم :لحظة وش قلتي ارجعي قولي ما سمعت زيين؟
اسيل ترمش مرتين :قلت حبيبي
وليد وقف :قوليها مرة ثانية احس في طيارة مشت من فوقنا وما سمعت زي النااس
اسيل بصوت عالي :قلتت حبيبييييي انت من وين تسمع
وليد يمسك اذنه :اححح صدق انا حبيبك؟
اسيل :ليه مو رجلي انت؟
وليد فاهي :ايه حبيبتس بس
اسيل تاخذ حبة عنب وتوكله :تعال نفطر جبت لنا فطوور خل نفطر قبل نمشي
وسحبته معها و وليد مو مصدقق انه ذي اسيل نفسها
أنت تقرأ
من حضرتك عشان قلبي تذله
Aléatoireخمس خوات يموت ابوهم ويزوجهم عمهم كل وحدة يزوجها شخص اسوء من الثاني ويطيح حظ بطلتنا عند واحد متزوج ما بغى يتزوجها الا لانه شافها دخلت المجلس وهي تصارخ على عمها وتهدده انها بتذبح نفسها لو يزوج خواتها لا تحكم على الرواية من غلافها ادخل وغوص في اعماقها...
