ضحية لمن لا يرحم

مشهد بارت الاول والثاني

# ضحية_لمن_لايرحم
قصه حقيقيه.مشاهد+البارت ١___٢
زهراء الحسناوي
# اعلان
جابوها دفع للدار
لاديرم ولاحنه ولاصفكه
ولادف النعر بالسلف
لاهلهلوله لاملكه
سألت الناس عن قصه هالبنيه
شعجب جارو عليها بغير حنيه
ورديت بكلب حزنان من كالولي فصليه
لعنت ضلم التقاليد بالف حركه
عمرها الاخضر الهرفي بسعر اليابس تحركه
احديثه اتكول حوريه بربيع العمر مياله
حرام ادموعها الطيبات ع الخدين هماله
وين العطف والرحمه يفصاله
لاسوت ذنب لاهيه جتاله
جا هيجي حكم ديوانك المهيوب ودلاله
علي تحرم فناجينه وكهوته وكعدت ارجاله
غصبتوها ضلمتوها حرمتوها هضمتوها
وهبتوها الشخص ضالم حتى من العقل مايملك وشاله
يحاجيها بدفرته وكال فصليه
عساها ابخت من فصلو وانطو مهرة الفارس
الوادم ماهي خياله
وحوبتها وراهم دوم تحركهم بكل شهكه
تتحسر تدير العين محد يرحم الشكوى
اسيرة اتكول جابوها بلا رحمه ولاسلوى
ياديوان السلف بسك فحطنه من الفصل والثار والنهوة
..........
زينب..اصوات صريخ اتعالت بجي ولطم وصايح
هاي تنحب وذيج تندعي ع الكان السبب
واني وغصون بنت عمي مانعرف شنسوي
كاعدات بزاويه الغرفه نتراجف مافاهمين شي
ياهو اليجي يضربنه كبار صغار
تكفخ بينه
غصون عدها صرع من الخوف والرهبه وكعت
ترعش بمكانها
رغم حالتها وخوفي عليها بس محد اتقرب
صرت اهمش مثل الغركان اريد واحد بكلبه رحم يشوف حالتها
بس احنه واكعين بنص بشر ماترحم
بشر نسو قول الله تعالى
(ولاتزر وازرة وزر اخرئ)
........
مساء الورد بنات
هذا مشهد من الروايه الجديدة
اذا شفت بيها تفاعل مثل روايه راهب حبدي انزلها
وهم راح يتم نشر الحسابات المتفاعله
اعتذر من الي رادو انشر رواياتهم لان بالله هاي عندي صار شهور مااكدر اتاخر اكثر
وشغله ثانيه بنات ارجوكم اندعولي واندعو لهلي لان الي شكو بيهم ملامسين ضهرت نتائجهم مصابين بلكورونا الله يجيركم و يبعدكم
صرنه بحيرة نروح نحلل يحجروك واذا كان بيك امل قبل الحجر تتشافه بس من تدخل للمستشفى تحلم تطلع تمشي على رجليك
لان كورونا صارت تجارة البعض اصحاب النفوس الضعيفه
اتمنى لتنسونا باادعاء واذا اتاخرت وسمعتو خبر وفاتي امانة الله ورسوله تندعولي بالرحمه والمغفرة
......................
#  ضحية_لمن_لايرحم
بارت١
ﺷﺎﻳﻒ ﻣﻦ ﻳﻜﻠﻚ ﺭﺍﻳﺢ ﺍﺗﺰﻭﺝ؟
ﻭﺗﻄﻔﻪ ﺍﻟﺪﻧﻴﺎ ﺑﻴﻚ ﻭﺩﻣﻌﺘﻚ ﺗﻨﻮﺝ
ﺍﻟﻜﺎﻉ ﺍﺗﺤﺴﻬﺎ ﻣﺮﺟﻮﺣﻪ ﺍﻋﻠﻪ ﻣﺘﻦ ﺍﻋﺮﺝ
ﻭﺍﺗﻜﻞ ﺍﻟﻀﻴﻤﻚ ﻳﺴﺘﺮﺳﻞ
ﺷﺎﻳﻒ ﻣﻦ ﺗﻌﻮﻓﻪ ﻭﺗﻜﻌﺪ ﻣﻦ ﺍﻟﻨﻮﻡ
ﻭﺭﻣﻀﺎﻥ ﺍﻟﺤﺠﻲ ﻛﺎﺿﻴﻬﺎ ﺑﻴﻚ ﻳﺼﻮﻡ
ﻣﻦ ﻣﺎﺑﻴﻚ ﺗﺤﺠﻲ ﺍﺷﻠﻮﻥ ﺑﻴﻚ ﺍﺗﻜﻮﻡ
ﻭﻳﺮﺍﺩ ﺍﻟﺼﻮﺗﻚ ﻋﻜﺎﺯﺓ
....
/// ﺿﺤﻴﺔ ﻟﻤﻦ ﻻﻳﺮﺣﻢ ///
// ﺑﻘﻠﻢ ﺯﻫﺮﺍﺀ ﺍﻟﺤﺴﻨﺎﻭﻱ //
ﺍﻟﺴﻼﻡ ﻋﻠﻴﻜﻢ ﺑﻨﺎﺕ ﺍﻋﺘﺬﺭ ﻋﻠﻰ ﺍﺿﻄﺮﺍﺭﻱ ﻧﺸﺮ ﺍﻟﺒﺎﺭﺗﺎﺕ ﻭﻧﺰﻟﺖ ﻗﺒﻞ ﺷﻮﻳﻪ ﺍﻟﺴﺒﺐ ﺑﻘﺼﻪ ﺭﺍﻫﺐ ﺍﺑﻮ ﻏﻀﺐ ﻑ ﺍﺗﻤﻨﻰ ﺗﻌﺬﺭﻭﻧﻲ ﻭﺗﺘﻔﻬﻤﻮﻥ ﻭﺿﻌﻲ ﻭﺍﻧﺸﺎﺀﺍﻟﻠﻪ ﻣﺎﺍﻗﺼﺮ ﻻﻥ ﻓﻌﻼ ﻣﺸﺘﺎﻗﻪ ﺍﻟﺘﻌﻠﻴﻘﺎﺗﻜﻢ ﺍﻟﺤﻠﻮﺓ 😍
ﻭﻫﺴﻪ ﻓﺠﺮﻭ ﺍﻟﺮﻭﺍﻳﻪ ﺑﺎﻟﺘﺼﻮﻳﺖ ﻭﺍﻟﺘﻌﻠﻴﻘﺎﺕ ﺍﺫﺍ ﻋﺠﺒﺘﻜﻢ 😁
.............
ﺍﻡ ﺍﺣﻤﺪ .. ﺯﻳﻨﺐ ﻳﻤﻪ ﺍﺫﺍ ﺧﻠﺼﺘﻲ ﺗﻤﺸﻴﻂ ﻛﻮﻣﻲ ﺣﺸﻲ ﻋﻠﻒ ﻟﻠﻬﺎﻳﺸﻪ ﻗﺒﻞ ﻻﺗﻀﻠﻢ ﺍﻟﺪﻧﻴﻪ
ﺯﻳﻨﺐ .. ﺧﻠﻴﺖ ﺍﻟﻤﺸﻂ ﺑﺎﻟﻜﺎﻉ ﺑﻘﻮﺓ ﻣﺘﻌﺼﺒﻪ ﻣﻦ ﻛﻼﻡ ﺍﻣﻲ
ﺍﺩﺭﻱ ﺑﺲ ﺍﻧﻲ ﺑﺎﻟﺤﻮﺵ ﺧﻮ ﻣﺎﺑﺲ ﺍﻧﻲ؟
ﻭﺍﻟﻠﻪ ﻣﺴﺎﻉ ﻛﻤﻠﺖ ﺣﻠﺐ ﺍﻟﻬﻮﺍﻳﺶ ﻭﻃﺒﻴﺖ ﺳﺒﺤﺖ
ﺗﺮﺩﻳﻨﻲ ﺍﺭﺟﻊ ﺍﺣﺶ ﻭﺍﻧﻲ ﺗﻮﻧﻲ ﺳﺒﺤﺎﻧﻪ؟
ﺍﻡ ﺍﺣﻤﺪ .. ﺟﺎ ﻣﻨﻮ ﻳﺮﻭﺡ ﻳﺎﻳﻤﻪ؟
ﺯﻳﻨﻪ ﺍﺧﺘﺞ ﺗﺪﺭﻳﻦ ﺍﺑﻮﺝ ﻣﺎﻳﺨﻠﻴﻬﺎ ﺗﻨﺰﻝ ﻟﻠﻜﺄﻉ ﺍﻟﻌﺼﺮ
ﻭﻣﺮﻳﻢ ﻫﻠﺤﺎﻃﻪ ﺍﻟﻬﺪﻭﻡ ﺗﻐﺴﻞ ﺑﻴﻬﻦ
ﺯﻳﻨﺐ .. ﻧﻔﺨﺖ ﺧﺪﻱ ﺑﻤﻠﻞ ﻛﺎﺭﻫﺎ ﺭﻭﺣﻲ ﺑﺴﺒﺐ ﺗﻌﺐ ﺍﻟﻌﻴﺸﻪ ﻭﺻﻌﻮﺑﺘﻬﺎ
ﻟﻤﻴﺖ ﺷﻌﺮﻱ ﻭﻫﻮ ﻣﺒﻠﻞ ﻟﻔﻴﺖ ﺣﺠﺎﺑﻲ ﻭﻓﺮﻳﺘﻪ ﻋﻠﻰ ﺧﺸﻤﻲ ﻻﻥ ﺍﻟﺠﻮ ﺷﺘﻪ ﻭﺑﺎﺭﺩﺓ ﻛﻠﺶ ﻭﻣﻐﻴﻤﻪ
ﻧﺜﺖ ﺍﻟﻌﺼﺮ ﺧﻔﻴﻒ ﻭﺑﻄﻠﺖ ﻣﺒﻴﻨﻪ ﺍﻟﻴﻮﻡ ﺗﻐﺮﻛﻨﻪ ﻭﺍﺣﻨﻪ ﺑﻴﺘﻨﻪ ﻣﻔﻄﺮ ﻣﻦ ﻛﻞ ﻛﺘﺮ
ﺑﻴﻮﻡ ﺍﻟﺘﻤﻄﺮ ﻧﺸﺒﻊ ﻣﺎﻱ
ﺑﺲ ﺍﻟﺤﻠﻮ ﺑﺎﻟﻤﻮﺿﻮﻉ ﺍﺫﺍ ﻋﻄﺸﺖ ﻧﺺ ﺍﻟﻠﻴﻞ ﻣﺎﺗﺘﻌﺐ ﻭﺗﺮﻭﺡ ﺗﺸﺮﺏ ﻻﻥ ﺍﻟﻤﺎﻱ ﻳﻨﺰﻝ ﻋﻠﻰ ﻭﺟﻬﻚ ﻣﻦ ﻓﻄﻮﺭ ﺍﻟﺤﻴﻄﺎﻥ
ﺭﺣﺖ ﺟﺒﺖ ﻋﺒﺎﺗﻲ ﺍﺗﺤﺰﻣﺖ ﺑﻴﻬﺎ ﻣﺎﻃﺎﻟﻌﻪ ﺑﺲ ﻋﻴﻮﻧﻲ ﺍﺧﺬﺕ ﺳﺘﺮﺗﻲ ﻟﺒﺴﺘﻬﺎ ﻻﻥ ﺑﺮﺩﺍﻧﻪ
ﺭﺣﺖ ﻝ ﺍﻣﻲ ﺳﺎﻟﺘﻬﺎ
ﻳﻤﻪ ﻭﻳﻦ ﺍﻟﺒﺎﺫﻭﺭﺓ ﺍﺣﺶ ﺑﻴﻬﺎ ‏( ﺍﻟﻤﻨﺠﻞ ﺍﻟﻪ ﻳﺪﻭﻳﻪ ﺗﺴﺘﺨﺪﻡ ﻟﺤﺼﺪ ﺍﻟﺰﺭﻉ ‏)
ﺍﻡ ﺍﺣﻤﺪ .. ﺧﻠﻴﺘﻬﺎ ﻓﻮﻙ ﺍﻟﺤﺎﻳﻂ ﻻﺗﺎﺧﺬﻫﺎ ﺯﻳﻨﻪ
ﺯﻳﻨﺐ . ﻃﻠﻌﺖ ﻟﻠﺤﺎﻳﻂ ﺍﺩﺭﺩﻡ ﺑﻜﻠﺒﻲ ﻛﻠﺖ ﻛﻮﻥ ﺗﺬﺑﺤﻨﻲ ﺑﻴﻬﺎ ﻭﺍﺧﻠﺺ ﻣﻦ ﻫﻠﻌﻴﺸﻪ
ﺭﺍﺡ ﺍﻋﺮﻓﻜﻢ ﻋﻦ ﻧﻔﺴﻲ
ﺍﺳﻤﻲ ﺯﻳﻨﺐ ﻋﻤﺮﻱ ١٧ﺳﻨﻪ ﺍﻧﻲ ﺍﻟﻮﺳﻄﺎﻧﻴﻪ ﻋﻨﺪﻱ ﺍﺥ ﻭﺍﺣﺪ ﺍﻛﺒﺮ ﻣﻨﻲ ﺍﺳﻤﻪ ﺍﺣﻤﺪ ﻋﻤﺮﺓ ٢٠ﺳﻨﻪ
ﻭﺍﺧﻮﺍﺕ ﺍﺛﻨﻴﻦ ﺯﻳﻨﻪ ﻋﻤﺮﻫﺎ ١٦ﻋﺪﻫﺎ ﻧﻘﺺ ﺑﻌﻘﻠﻬﺎ ﺑﻴﻦ ﻗﻮﺳﻴﻦ ﻣﺠﻨﻮﻧﻪ ﻟﺬﺍﻟﻚ ﺍﻣﻲ ﺍﺗﺨﺎﻑ ﺍﺩﺯﻫﺎ ﻟﻠﻜﺎﻉ ﺍﻟﻌﺼﺮ ﺍﺗﻜﻮﻝ ﺍﻭﻻﺩ ﺍﻟﺤﺮﺍﻡ ﺍﻫﻮﺍﻱ ﻭﻫﻲ ﻓﻬﻤﻬﺎ ﻋﻠﻰ ﻛﺪﻫﺎ ﻻﻳﺴﻮﻭﻥ ﺑﻴﻬﺎ ﺷﻲ ﻭﺗﺎﻟﻲ ﺗﺘﺼﺨﻢ ﻭﺟﻮﻫﻨﺎ ﻭﺍﻟﻮﺍﺩﻡ ﻣﺎﺗﺮﺣﻢ
ﻳﺮﺩﻭﻥ ﺑﺲ ﻋﻠﺞ ﻳﻌﻠﺠﻮﻥ ﺑﻲ ﻣﻦ ﻳﺎﺧﺬﻭﻥ ﺣﻼﺗﻪ ﻳﺬﺑﻮ ﻭﺳﺎﻋﺘﻬﺎ ﻋﺪﻫﻢ ﺳﺎﻟﻔﻪ ﺟﺪﻳﺪﺓ ﺗﺼﻴﺮ ﻭﻳﻀﻠﻮﻥ ﻳﻌﻠﺠﻮﻥ ﺑﻴﻬﺎ
ﻣﺮﻳﻢ ﻋﻤﺮﻫﺎ ١٢ﺳﻨﻪ ﻃﺎﻟﺒﻪ ﺻﻒ ﺳﺎﺩﺱ ﺍﺑﺘﺪﺍﺋﻲ
ﻭﺿﺎﻟﻪ ﺑﻨﻔﺲ ﺍﻟﺮﺣﻠﻪ
ﻣﺮﺍﺕ ﺍﻣﻲ ﺗﺒﺴﻄﻬﺎ ﺗﺮﻳﺪﻫﺎ ﺗﻘﺮﺓ ﺣﺘﻰ ﺗﻨﺠﺢ
ﺍﺣﻤﺪ ﻣﺒﻄﻞ ﻧﺠﺢ ﻟﻠﺜﺎﻧﻲ ﻣﺘﻮﺳﻂ ﻭﺑﻄﻞ
ﻭﺍﻧﻲ ﺑﻄﻠﺖ ﺑﺼﻒ ﺍﻟﺜﺎﻟﺚ ﻣﺘﻮﺳﻂ
ﻭﻋﻨﺪﻱ ﺍﺥ ﺍﺻﻐﺮ ﻭﺍﺣﺪ ﺑﻴﻨﻪ ﺍﺳﻤﻪ ﺍﻣﻴﺮ ﻋﻤﺮﺓ ٨ﺳﻨﻮﺍﺕ ﻣﻌﻮﻕ ﻣﺸﻠﻮﻝ
ﺳﺒﺐ ﻫﻠﺸﻲ ﺍﺧﺘﻼﻑ ﺍﻟﺪﻡ ﺑﻴﻦ ﺍﻣﻲ ﻭﺍﺑﻮﻱ ﻣﺎﺍﻋﺮﻑ ﺷﻨﻮ ﺍﻻﺳﺒﺎﺏ ﺍﻣﻲ ﺍﺗﻜﻮﻝ ﺿﺮﺑﻮﻫﺎ ﺍﺑﺮﺓ ﻋﻠﻤﻮﺩ ﻻﺗﺼﻴﺮ ﺗﺸﻮﻫﺎﺕ ﺑﺲ ﺍﻣﺮ ﺍﻟﻠﻪ ﻓﻮﻕ ﻛﻠﺸﻲ
ﺷﻜﻠﻲ ﺳﻤﺮﺓ ﺑﻌﻴﻮﻥ ﻛﺒﺎﺭ ﻣﻦ ﺍﺿﺤﻚ ﻋﻨﺪﻱ ﺧﺴﻔﻪ ﺑﺨﺪﻱ ﺗﺼﻴﺤﻮﻟﻬﺎ ﻏﻤﺎﺯﺓ ﻣﺪﺭﻱ ﺭﺻﻌﻪ
ﻗﺒﻞ ﻓﺘﺮﺓ ﺑﺖ ﻋﻤﻲ ﺷﺎﻓﺖ ﻣﻤﺜﻠﻪ ﺗﺮﻛﻴﻪ ﺍﺳﻤﻬﺎ ﻫﺎﻧﺪﺍ ﻣﺪﺭﻱ ﺑﺎﻧﺪﺍ ﺍﺗﻜﻮﻝ ﺍﺗﺸﺒﻬﺞ
ﺍﻟﻤﻬﻢ ﻋﻨﺪﻱ ﻋﻤﺎﻡ ﺍﺛﻨﻴﻦ
ﺍﻟﺠﺒﻴﺮ ﺍﺳﻤﻪ ﺟﺎﺑﺮ ﻋﻨﺪﺓ ﺍﺛﻨﻴﻦ ﻭﻟﺪ
ﻋﻤﻲ ﺟﺎﺑﺮ ﻋﻴﻨﻪ ﺿﻴﻜﻪ ﻛﻠﺶ ﻭﺩﻭﻡ ﻋﻴﻨﻪ ﻋﻠﺊ ﺣﻼﻝ ﻏﻴﺮﺓ
ﻭﻋﻤﻲ ﺍﻟﻮﺳﻄﺎﻧﻲ ﻋﺎﺩﻝ ﻋﻨﺪﻩ ﺍﺛﻨﻴﻦ ﻭﻟﺪ ﻭﺍﺑﻨﻴﻪ ﻭﺣﺪﺓ ﺍﺳﻤﻬﺎ ﻏﺼﻮﻥ ﻣﺜﻨﻰ ﺍﺑﻦ ﻋﻤﻲ ﻋﺎﺩﻝ ﻫﻮ ﻭﺍﺣﻤﺪ ﺍﺧﻮﻱ ﺩﻭﻡ ﻳﻤﺸﻮﻥ ﺳﻮﺓ ﻭﻧﻔﺲ ﺍﻻﻃﺒﺎﻉ ﺗﻘﺮﻳﺒﺎ
ﻭﺍﻧﻲ ﻭﻏﺼﻮﻥ ﺗﺆﻡ ﺑﺎﻟﺮﻭﺡ ﻭﺣﺪﺓ ﻭﻓﻌﻼ ﺍﻧﻮﻟﺪﻧﻪ ﺑﻴﻮﻡ ﻭﺍﺣﺪ
ﻣﺮﺕ ﻋﻤﻲ ﻋﺎﺩﻝ ﺣﺎﻣﻞ ﺑﻐﺼﻮﻥ ﻭﻃﻠﻜﺖ ﺍﻟﺼﺒﺢ ﻭﺍﻣﻲ ﺣﺎﻣﻞ ﺑﻴﻪ ﺭﺍﺣﺖ ﻭﻳﺎﻫﺎ ﻟﻠﻤﺴﺘﺸﻔﺊ
ﺍﻣﻲ ﻣﻦ ﺷﺎﻓﺖ ﻣﺮﺕ ﻋﻤﻲ ﺗﻄﻠﻚ ﺑﻄﻨﻬﺎ ﻫﺎﺟﺖ
ﺍﻳﻜﻮﻟﻮﻥ ﺍﻟﺒﻄﻦ ﺍﻟﺤﺎﻣﻞ ﺍﺗﻐﺎﺭ ﻣﻦ ﺗﺸﻮﻑ ﻭﺣﺪﺓ ﺗﻄﻠﻚ ﻛﺪﺍﻣﻬﺎ
ﻭﻓﻌﻼ ﺑﻠﻴﻞ ﺍﻣﻲ ﻃﻠﻜﺖ ﺑﻴﻪ ﻭﺟﺎﺑﺘﻨﻲ
ﻛﺒﺮﻧﻪ ﺍﻧﻲ ﻭﻏﺼﻮﻥ ﺳﻮﺓ ﻣﺎﻧﺘﻔﺎﺭﻙ ﺍﺑﺪ
ﻏﺼﻮﻥ ﻃﺒﻌﻬﺎ ﺷﺨﺼﻴﺘﻬﺎ ﻛﻠﺶ ﺿﻌﻴﻔﻪ ﻭﺍﺗﺨﺎﻑ
ﻋﻜﺴﻲ ﺗﻤﺎﻣﺎ ﺍﻟﺴﺎﻥ ﻭﺍﺭﺍﺩﺩ ﺍﻣﻲ ﺗﺼﻴﺤﻠﻲ ﺍﻟﻮﻛﺤﻪ
ﻻﻥ ﻣﻦ ﻭﺍﺣﺪ ﻳﺴﻤﻌﻨﻲ ﺍﺣﺠﺎﻳﻪ ﺍﺭﺟﻌﻬﺎ ﺍﻟﻪ ﺑﻌﺸﺮﺓ
ﻣﺎﺍﺗﺤﻤﻞ ﺍﺣﺲ ﺭﻭﺣﻲ ﺯﻟﻤﻪ ﻣﻮ ﺑﻨﻴﻪ ﻻﻥ ﺍﺑﻮﻱ ﻋﻨﺪﺓ ﺑﺲ ﺍﺧﻮﻱ ﺍﺣﻤﺪ ﺍﻟﺼﺎﺣﻲ
ﺍﺧﻮﻱ ﺍﻟﺜﺎﻧﻲ ﻣﺸﻠﻮﻝ ﺗﻤﺎﻣﺎ ﺑﺲ ﻋﻴﻮﻧﻪ ﻳﺘﺤﺮﻛﻦ
ﺑﻄﻠﺖ ﻣﻦ ﺍﻟﻤﺪﺭﺳﻪ ﺑﺴﺒﺐ ﻋﻴﺎﺭﺍﺕ ﺍﻟﺒﻨﺎﺕ ﺍﻟﻲ
ﻳﺼﻴﺤﻠﻲ ﺑﻨﺖ ﺭﻗﻢ ﺍﺛﻨﻴﻦ
ﺭﺍﺡ ﺍﺣﺠﻴﻠﻜﻢ ﻋﻦ ﺍﺑﻮﻱ
ﺍﺑﻮﻱ ﺍﺳﻤﻪ ﺟﻠﻴﻞ ﺍﺻﻐﺮ ﻭﺍﺣﺪ ﺑﻴﻦ ﺍﺧﻮﺍﻧﻪ
ﻭﺍﻧﻲ ﺍﺷﻮﻓﻪ ﺍﻓﻘﺮ ﻭﺍﺣﻦ ﻭﺍﺣﺪ ﺑﻴﻬﻢ
ﺍﻧﺴﺎﻥ ﺧﻴﺮ ﻣﺘﺪﻳﻦ ﻣﺎﻟﻪ ﺷﻐﻞ ﻻﺑﺎﻟﺮﺍﺡ ﻭﻻ ﺏ ﺍﻻﺟﻪ
ﻟﻮ ﻧﺎﻛﻞ ﺧﺒﺰ ﻭﻣﺎﻱ ﺍﻳﻜﻮﻝ ﺍﻟﺤﻤﺪﺍﻟﻠﻪ ﻧﻌﻤﻪ ﻓﻀﻴﻠﻪ
ﺟﺪﻱ ﻗﺒﻞ ﻣﺎﻳﻤﻮﺕ ﻗﺴﻢ ﻗﻄﻌﺔ ﺍﻻﺭﺽ ﻣﺎﻟﺘﻪ ﻋﻠﻰ ﺍﻭﻻﺩﺓ ﺍﻟﺜﻼﺛﻪ
ﻭﺑﻌﺪﻫﺎ ﻣﺎﺕ ﺟﺪﻱ
ﻋﻤﻲ ﺟﺎﺑﺮ ﻣﻦ ﺟﺎﺏ ﻣﺴﺎﺡ ‏( ﺷﺨﺺ ﻣﺨﺘﺺ ﺑﺬﺭﻉ ﻗﻴﺎﺱ ﺍﻻﺭﺍﺿﻲ ‏)
ﻃﻠﻌﺖ ﺣﺼﺖ ﺍﺑﻮﻱ ﺍﻛﺒﺮ ﻣﻦ ﺣﺼﻪ ﻋﻤﺎﻣﻲ ﺑﻤﺘﺮ ﻭﺍﺣﺪ
ﻋﻤﻲ ﺟﺎﺑﺮ ﺍﻋﺘﺮﺽ ﻭﺍﺗﻌﺎﺭﻙ ﻋﻠﻰ ﺍﺑﻮ ﺍﺷﻠﻮﻥ ﺣﺼﺖ ﺟﻠﻴﻞ ﺍﻛﺒﺮ ﺣﺼﻪ
ﻣﺎﻗﺒﻞ ﻭﺍﺗﻌﺎﺭﻙ ﻭﺍﺗﺠﺎﻭﺯ ﻋﻠﻰ ﺍﺑﻮﻱ
ﻛﻨﺖ ﻭﻗﺘﻬﺎ ﺻﻒ ﺛﺎﻟﺚ ﺍﺑﺘﺪﺍﺋﻲ
ﺍﺣﺠﺎﻳﻪ ﻣﻦ ﻋﻤﻲ ﻭﺍﺣﺠﺎﻳﻪ ﻣﻦ ﺍﺑﻮﻱ ﻛﺒﺮﺕ ﺍﻟﻌﺮﻛﻪ
ﻋﻤﻲ ﻣﻌﺮﻭﻑ ﺑﻌﺼﺒﻴﺘﻪ ﺭﻛﺾ ﻉ ﺍﻟﻜﺮﻙ
ﺿﺮﺏ ﺍﺑﻮﻱ ﻋﻠﻰ ﺿﻬﺮﺓ
ﻋﻤﺖ ﻋﻴﻨﻲ ﺍﺑﻮﻱ ﺟﺎﻥ ﻣﺪﻧﻚ ﻑ ﺍﻟﻀﺮﺑﻪ ﺍﺟﺖ ﻉ ﺍﻟﻌﻤﻮﺩ ﺍﻟﻔﻘﺮﻱ ﻫﺸﻤﺖ ﺍﻟﻔﻘﺮﺍﺕ
ﻋﻤﻲ ﺍﻧﻬﺰﻡ ﻭﺍﻟﻌﺎﻟﻢ ﺷﺎﻟﺖ ﺍﺑﻮﻱ ﻟﻠﻤﺴﺘﺸﻔﻰ
ﻫﺬﺍ ﺍﻟﻴﻜﻮﻝ ﻳﻤﻮﺕ ﻻﻥ ﺍﻟﻀﺮﺑﻪ ﺑﺎﻟﻌﻤﻮﺩ ﺍﻟﻔﻘﺮﻱ
ﻭﺫﺍﻙ ﺍﻟﻴﻜﻮﻝ ﺍﺫﺍ ﻣﺎﻳﻤﻮﺕ ﻳﻨﺸﻞ
ﺩﺧﻠﻮ ﻟﻠﻌﻤﻠﻴﺎﺕ ﻭﺍﻧﻲ ﻭﺍﻣﻲ ﻭﺍﺧﻮﺍﻧﻲ ﻭﻋﻤﻲ ﻋﺎﺩﻝ ﻭﺍﻛﻔﻴﻦ ﺑﺎﻟﺒﺎﺏ ﻧﻨﺘﻀﺮ ﺭﺣﻤﺔ ﺍﻟﻠﻪ ﺍﺑﻮﻧﻪ ﺧﻴﻤﻪ ﻋﻠﻰ ﺭﻭﺳﻨﻪ ﺍﺫﺍ ﻣﺎﺕ ﻧﺘﺒﻬﺬﻝ
ﺏ ﺍﺫﻧﻲ ﺍﺳﻤﻊ ﺍﻟﻨﺎﺱ ﺍﻟﻔﺰﻋﺖ ﻭﻳﺎﻧﻪ ﻳﻜﻮﻟﻮﻥ ﻣﺎﻳﻄﻮﻝ ﻟﻠﺼﺒﺢ ﻳﻤﻮﺕ
ﺑﺲ ﺍﻣﺮ ﺍﻟﻠﻪ ﻓﻮﻕ ﻛﻠﺸﻲ
ﺍﺑﻮﻱ ﻋﺎﺵ . ﺑﺲ ﻋﻴﺸﺘﻴﺶ؟
ﺑﺴﺒﺐ ﺗﻬﺸﻢ ﺍﻟﻔﻘﺮﺍﺕ ﺍﻧﺤﻨﻪ ﺿﻬﺮﺓ
ﺑﺤﻴﺚ ﺍﻟﻴﺸﻮﻓﻪ ﻋﺒﺎﺍﻟﻚ ﺭﺍﻛﻊ ﻟﻠﺼﻼﺓ
ﻳﻤﻜﻦ ﺷﺎﻳﻔﻴﻦ ﻧﺎﺱ ﻛﺒﺎﺭ ﺑﺎﺍﻟﻌﻤﺮ ﻣﺤﻨﻴﻪ ﺿﻬﻮﺭﻫﻢ ﺑﺴﺒﺐ ﻛﺒﺮ ﺍﻟﻌﻤﺮ
ﺑﺲ ﺍﺑﻮﻱ ﺑﻌﺪﺓ ﺷﺎﺏ ﻭﺍﻧﺤﻨﻪ ﺿﻬﺮﺓ
ﻣﺎﻳﻜﺪﺭ ﻳﻮﻛﻒ ﺑﺼﻮﺭﺓ ﻣﺴﺘﻘﻴﻤﻪ ﻳﻤﺸﻲ ﻣﺪﻧﻚ
ﺍﻟﺒﻨﺎﺕ ﻳﻌﻴﺮﻧﻲ ﺑﺎﻟﻤﺪﺳﻪ ﻳﺼﻴﺤﻠﻲ ﺑﻨﺖ ﺭﻗﻢ ﺍﺛﻨﻴﻦ
ﻻﻥ ﻓﻌﻼ ﻣﻦ ﻳﻤﺸﻲ ﻋﺒﺎﻟﻚ ﺭﻗﻢ ﺍﺛﻨﻴﻦ
ﺑﻌﺪ ﻛﻢ ﺳﻨﻪ ﻋﻤﻲ ﺟﺎﺏ ﻧﺎﺱ ﻭﺍﺟﻪ ﻋﻠﻰ ﺍﺑﻮﻱ ﺭﺿﺎﻩ
ﺍﺑﻮﻱ ﻛﻠﺒﻪ ﻃﻴﺐ ﺭﻏﻢ ﺍﻟﺤﺎﻟﻪ ﺍﻟﻮﺻﻞ ﺍﻟﻬﺎ ﺑﺴﺒﺐ ﻋﻤﻲ ﺟﺎﺑﺮ ﺑﺲ ﻣﺎﺷﺎﻝ ﻋﻠﻲ ﺣﻘﺪ ﻭﺍﻭﻝ ﻣﺎﺍﺟﻪ ﻋﻤﻲ ﻭﺭﺿﺎﻩ ﻗﺒﻞ ﻭﻧﺴﻪ ﻛﻞ ﺍﻟﺰﻋﻞ
ﺍﻣﺎ ﺑﺎﻟﻨﺴﺒﻪ ﻟﺤﻤﺪ ﺍﺧﻮﻱ ﻓﻬﺬﺍ ﺍﻥ ﺣﻀﺮ ﻻﻳﻌﺪ ﻭﺍﻥ ﻏﺎﺏ ﻻﻳﻔﺘﻘﺪ
ﻋﻤﺮﺓ ﻋﺸﺮﻳﻦ ﺍﻟﻤﻔﺮﻭﺽ ﻫﻮ ﺍﻟﺴﻨﺪ ﻟﺒﻮﻱ
ﺑﺲ ﺍﺣﻤﺪ ﻋﺎﻳﺶ ﺣﻴﺎﺗﻪ ﺑﺎﻟﻤﺸﺎﻛﻞ
ﻳﻮﻣﻴﻪ ﺟﺎﻳﺘﻨﻪ ﺍﻃﻼﺑﻪ ﺑﺴﺒﺒﻪ ﻫﻮ ﻭﻣﺜﻨﻰ ﺍﺑﻦ ﻋﻤﻲ ﻻﻥ ﻣﺜﻨﻰ ﻫﻮ ﺍﻟﻔﺘﺢ ﻋﻴﻦ ﺍﺣﻤﺪ ﻋﻠﻰ ﻫﻴﺞ ﺳﻮﺍﻟﻒ
ﻭﺍﻟﺪﻱ ﻳﺸﺘﻐﻞ ﺣﺎﺭﺱ ﻉ ﺍﻟﻤﺤﻼﺕ ﺍﻟﻨﺎﺱ ﺍﻟﺨﻴﺮﺓ ﺧﻠﺘﻪ ﻳﺤﺮﺱ ﻣﺤﻼﺗﻬﺎ ﻓﻲ ﺳﺒﻴﻞ ﻳﻌﻴﺸﻨﻪ
ﺍﺣﻤﺪ ﻋﻄﺎﻝ ﺑﻄﺎﻝ ﺣﺎﻳﺮ ﺑﻤﺸﺎﻛﻠﻪ
ﻣﺮﺍﺕ ﺣﺘﻰ ﻳﺘﺠﺎﻭﺯ ﻋﻠﻰ ﺍﻣﻲ ﻭﺍﺑﻮﻱ ﻭﻳﻐﻠﻂ
ﺍﺑﻮﻱ ﻣﺎﻳﻜﺪﺭﻟﻪ ﻻﻥ . ﻭﺿﻌﻪ ﺗﻌﺒﺎﻥ ﻛﻮﺓ ﻳﺮﻓﻊ ﺭﺍﺳﻪ
ﻭﺍﻣﻲ ﺧﻄﻴﻪ ﻣﻦ ﻳﺰﻣﺦ ﺑﻴﻬﺎ ﺗﻀﻞ ﺑﺲ ﺩﻣﻮﻋﻬﺎ ﺗﺼﺐ
ﺍﺗﺨﺎﻑ ﺗﺤﺠﻲ ﻭﻳﺎﻩ ﻻﻳﺮﺟﻊ ﻳﻀﺮﺑﻬﺎ ﻟﻮ ﻳﻐﻠﻂ ﻋﻠﻴﻬﺎ
ﻫﺎﻱ ﻋﺎﺋﻠﺘﻲ
ﻧﺮﺟﻊ ﻟﻠﺤﺎﺿﺮ
ﻃﻠﻌﺖ ﻣﻦ ﺍﻟﺒﻴﺖ ﺍﺗﻠﻜﺘﻨﻲ ﻏﺼﻮﻥ ﺟﺎﻳﺘﻨﻪ
ﻏﺼﻮﻥ .. ﻫﺎ ﺯﻧﻴﺒﻪ ﻭﻳﻦ ﺭﺍﻳﺤﻪ؟
ﺯﻳﻨﺐ .. ﻣﺎﺷﻴﻪ ﺍﺣﺶ ﺯﻫﺮ ﻟﻠﻬﺎﺷﻪ ﺍﻟﺠﺮﺑﻪ
ﻏﺼﻮﻥ .. ﻫﻬﻬﻬﻬﻪ ﻃﺎﺣﻀﺞ ﺧﻄﻴﻪ
ﺯﻳﻨﺐ .. ﺍﻟﻲ ﻳﻮﻡ ﺍﺫﺑﺤﻬﺎ ﻭﺍﺷﺒﻊ ﻟﺤﻢ ﺑﺪﻝ ﻣﺎﺍﺑﺎﻭﻉ ﻋﻠﻴﻬﺎ ﻭﺑﺤﺴﺮﺓ ﺍﻟﻠﺤﻤﻪ
ﻏﺼﻮﻥ .. ﺍﻟﻠﻪ ﻳﺴﺎﻋﺪ ﺍﻟﻴﺎﺧﺬﺝ
ﺯﻳﻨﺐ .. ﻗﺼﺪﺝ ﺍﻧﻲ ﺍﺧﺬﺓ
ﻏﺼﻮﻥ .. ﻫﻬﻬﻬﻬﻪ ﻳﺠﻲ ﻳﻮﻡ ﺍﺫﻛﺮﺝ ﺑﺴﻮﺍﻟﻔﺞ ﺧﺎﻑ ﻳﻜﻮﻣﺞ ﺑﻜﺘﻠﻪ ﻭﻳﻜﻌﺪﺝ ﺑﻜﺘﻠﻪ
ﺯﻳﻨﺐ .. ﻋﺸﺘﻮﻭ ﻏﻴﺮ ﺍﺣﻂ ﺍﻳﺪﺓ ﺑﺮﻛﺒﺘﻪ
ﻏﺼﻮﻥ .. ﺩﻣﺸﻲ ﺍﻣﺸﻲ ﻣﺘﺎﻛﺪﺓ ﻫﻮ ﺍﻟﻴﻜﺴﺮ ﺍﻳﺪﺝ ﻋﻠﻰ ﻫﺬﺍ ﺍﻟﺴﺎﻧﺞ
ﺯﻳﻨﺐ .. ﺍﺧﺬﺗﻬﺎ ﻭﻧﺰﻟﻨﻪ ﻟﻠﻜﺎﻉ
ﻗﻄﻌﺔ ﺍﻻﺭﺽ ﻣﺎﻟﺘﻨﻪ ﺑﺼﻔﻬﺎ ﻗﻄﻌﺔ ﺍﺭﺽ ﺑﻴﺖ ﺷﻴﺦ
ﻣﻨﻬﻞ ﻧﺎﺱ ﻣﻌﺮﻭﻓﻴﻦ ﻭﺍﻟﻬﻢ ﺻﻴﺘﻬﻢ ﻭﺳﻤﻌﺘﻬﻢ
ﺑﺲ ﻣﺎﻟﻨﻪ ﻏﺮﺽ ﺑﻴﻬﻢ ﻻﻥ ﺍﻣﻬﻢ ﻣﺎﺗﺒﺎﻭﻉ ﻟﻠﻔﻘﻴﺮ ﺍﻟﻤﺜﻞ ﺣﺎﻟﻨﻪ ﻣﺮﺍﺕ ﺍﺷﻮﻓﻬﺎ ﺑﺎﻟﻤﻨﺎﺳﺒﺎﺕ ﻣﺎﻝ ﺍﻟﺠﻴﺮﺍﻥ ﺗﺠﻲ ﺗﺒﺎﻭﻉ ﻣﻦ ﻃﺮﻑ ﻋﻴﻨﻬﺎ ﻋﺒﺎﻟﻚ ﺑﻴﻨﻪ ﻛﻤﻞ ﻣﺎﺗﺘﻘﺮﺏ ﻣﻦ ﻋﺪﻧﻪ
ﻋﺪﻫﺎ ﺛﻼﺙ ﻭﻟﺪ ﻭﺍﺛﻨﻴﻦ ﺑﻨﺎﺕ
ﺍﺑﻨﻬﺎ ﺍﻟﺠﺒﻴﺮ ﺍﺳﻤﻪ ﻟﻮﺍﺀ ﻣﺮﺍﺕ ﺍﺿﺤﻚ ﻋﻠﻰ ﺍﺳﻤﻪ ﻭﻳﻪ ﻏﺼﻮﻥ ﺍﻛﻠﻬﺎ ﺍﺳﻤﻪ ﻟﻮﺍﺀ ﺍﻟﻴﺴﻤﻊ ﺑﻲ ﻋﺒﺎﻟﻪ ﻟﻮﺍﺀ ﺑﺎﻟﺠﻴﺶ . ﻣﺎﻳﺪﺭﻱ ﺑﺲ ﺍﻻﺳﻢ
ﻏﺼﻮﻥ ﺗﻀﺤﻚ ﻋﻠﻴﻪ ﺍﺗﻜﻠﻲ ﻓﺨﺎﻣﻪ ﺍﻻﺳﻢ ﺗﻜﻔﻲ
ﻣﺎﺷﺎﻳﻔﺘﻪ ﻋﻦ ﻗﺮﻳﺐ ﻣﺮﺍﺕ ﻣﻦ ﺍﻧﺰﻝ ﻟﻠﺰﺭﻉ ﺍﺷﻮﻓﻪ ﻳﺘﻤﺸﻰ ﺑﺎﻟﺒﺴﺘﺎﻥ
ﺑﻄﻮﻝ ﺍﻟﻌﻤﻮﺩ ﻣﺒﻴﻦ ﻣﻦ ﺑﻌﻴﺪ ﺍﻟﻠﻪ ﻳﺴﺘﺮ ﻣﻨﻪ
ﻣﻦ ﺿﺨﺎﻣﺘﻪ ﻣﺪﺭﻱ ﺷﻴﺎﻛﻞ ﻭﺻﺎﻳﺮ ﺑﻜﺒﺮ ﺍﻟﺤﺎﻳﻂ
ﻟﻮ ﻣﺮﺍﺕ ﺍﺷﻮﻓﻪ ﺭﺍﻛﺐ ﻓﺮﺱ ﻳﻨﺰﻝ ﺑﻲ ﻟﻠﺒﺴﺘﺎﻥ ﻣﺎﻟﺘﻬﻢ
ﺳﻤﻌﺖ ﺍﻧﻮ ﻣﺘﻄﻮﻉ ﺑﺎﻟﺤﺸﺪ ﻣﻦ ﺳﻤﻊ ﺩﺍﻋﺶ ﻣﺤﺘﻞ ﺍﻟﻤﻮﺻﻞ
ﺍﺑﻦ ﺍﻟﺤﻼﻝ ﺑﺬﻛﺮﺓ ﻛﻤﻠﻨﻪ ﺣﺶ ﺍﻧﻲ ﻭﻏﺼﻮﻥ ﻭﻧﻬﻀﻨﻪ ﺻﻌﺪﻧﻪ ﻉ ﺍﻟﻔﺮﻙ ‏( ﻣﻌﺒﺮ ﻣﻦ ﺗﺮﺍﺏ ﻳﻔﺼﻞ ﺑﻴﻦ ﻗﻄﻊ ﺍﻻﺭﺍﺿﻲ ‏)
ﺑﺎﻭﻋﺖ ﻫﺬﺍ ﺟﺎﻱ ﻋﻠﻰ ﻧﻔﺲ ﻃﺮﻳﻘﻨﻪ ﺍﺷﻠﻮﻥ ﻧﻌﺒﺮ ﻭﻫﻮ ﺍﻟﻔﺮﻙ ﺭﻓﻴﻊ ﻻﺯﻡ ﻟﻮ ﺍﺣﻨﻪ ﻟﻮ ﻫﻮ ﻧﻨﺰﻝ ﺑﺎﻟﻄﻴﻦ
ﻏﺼﻮﻥ .. ﻋﺰﺍﺍ ﺍﺗﻨﻮﻋﻲ ﻣﻨﻮ ﺍﺟﻪ ﻫﺴﻪ ﺍﺷﻠﻮﻥ ﻧﻌﺒﺮ؟
ﺯﻳﻨﺐ .. ﻳﻨﺰﻝ ﺑﺎﻟﻄﻴﻦ ﺣﺘﻰ ﻧﻌﺒﺮ ﺍﺣﻨﻪ
ﻣﺸﻜﻠﺘﻪ ﻫﺎﻱ
ﻏﺼﻮﻥ .. ﺍﻣﺸﻲ ﻭﺍﺳﻜﺘﻲ ﻻﻳﻐﻂ ﺭﻭﺳﻨﻪ ﺍﻧﻲ ﻭﻳﺎﺝ ﺑﻬﺎﻱ ﺍﻟﻄﻴﻨﻪ
ﺯﻳﻨﺐ .. ﺟﺒﺎﻧﻪ
ﻛﻤﻠﻨﻪ ﻃﺮﻳﻘﻨﻪ ﺻﺎﺭ ﻛﻠﺶ ﻗﺮﻳﺐ ﻻﺑﺲ ﺩﺷﺪﺍﺷﻪ ﺑﻴﺠﻲ ﻭﻻﻑ ﺷﻤﺎﻍ ﻋﻠﻰ ﺭﺍﺳﻪ
ﺻﺎﺭ ﻛﺪﺍﻣﻨﻪ ﻣﺎﻳﻔﺼﻠﻨﻪ ﻏﻴﺮ ﻣﺘﺮ ﻭﻧﺺ ﺍﻭ ﺍﻛﺜﺮ
ﺍﻧﻲ ﺑﺲ ﻋﻴﻮﻧﻲ ﻃﺎﻟﻌﻪ ﺭﻓﻌﺖ ﺭﺍﺳﻲ ﺍﺟﺖ ﻋﻴﻨﻲ ﺑﻌﻴﻨﻪ ﻻﻭﻝ ﻣﺮﺓ
ﺍﺷﻮﻓﻪ ﺑﻬﺬﺍ ﺍﻟﻘﺮﺏ
ﺑﺎﻭﻋﻠﻲ ﺭﻓﻊ ﺣﺎﺟﺒﻪ ﻣﺎﺣﺠﻪ ﺷﻲ
ﻧﺰﻝ ﺭﺟﻞ ﺑﺎﻟﻄﻴﻦ ﻭﺭﺟﻞ ﻉ ﺍﻟﻔﺮﻙ
ﺩﻧﻜﺖ ﻭﻋﺒﺮﻧﻪ ﺍﻧﻲ ﻭﻏﺼﻮﻥ ﻣﻦ ﻓﻮﻙ ﺭﺟﻠﻪ
ﻣﺎﺍﻫﺘﻤﻴﺖ ﻟﻠﺼﺎﺭ ﺍﺑﺪ ﻏﺼﻮﻥ ﺍﻛﻠﺖ ﺭﺍﺳﻲ ﺑﺴﻮﺍﻟﻔﻬﺎ
ﺷﻔﺘﻲ ﺣﻮﺍﺟﺒﻪ ﺍﺷﻠﻮﻥ ﻣﺮﺳﻮﻣﺎﺕ ﻋﺒﺎﻟﻚ ﺳﻴﻮﻑ
ﺷﻔﺘﻲ ﻟﺤﻴﺘﺘﻪ ﺍﺷﻠﻮﻥ ﻣﺤﺪﺩﻫﺎ
ﺷﻔﺘﻲ ﻋﻴﻮﻧﻪ ﻋﺒﺎﻟﻚ ﻋﻴﻮﻥ ﺻﻜﺮ
ﺷﻔﺘﻲ ﻃﻮﻟﻪ ﻭﻫﻴﺒﺘﻪ
ﻃﻜﺖ ﺭﻭﺣﻲ ﻣﻨﻬﺎ ﺍﻟﺘﻔﺘﺖ ﻋﻠﻴﻬﺎ ﻛﺘﻠﻬﺎ
ﻋﻴﻮﻥ ﺻﻜﺮ ﻋﻴﻮﻥ ﺛﻮﺭ ﺍﻧﻲ ﺷﻠﻲ ﻏﺮﺽ ﺑﻲ؟
ﻏﺼﻮﻥ .. ﻫﻬﻬﻬﻬﻬﻪ ﻃﺎﺣﻀﺞ ﺻﺮﺕ ﺍﺷﻚ ﺑﻴﺞ ﻣﺸﺎﻋﺮﺝ ﻣﻌﻮﻗﻪ ﻣﺎﺗﺤﺴﻴﻦ
ﺯﻳﻨﺐ .. ﻭﺍﻟﻠﻪ ﺍﺗﻤﻨﻰ ﺭﻭﺣﻲ ﺯﻟﻤﻪ ﺣﺘﻰ ﺍﻋﻴﻦ ﺍﺑﻮﻱ ﺑﺪﻝ ﻫﻠﺘﻌﺐ ﻭﻫﻮ ﻭﺿﻌﻪ ﺗﻌﺒﺎﻥ
ﻏﺼﻮﻥ .. ﺍﺗﻌﺠﺐ ﻋﻠﻰ ﺍﺧﻮﺝ ﺍﺣﻤﺪ ﺍﻟﻤﻔﺮﻭﺽ ﻫﻮ ﺍﻟﻘﺎﻳﻢ ﺑﺎﻟﻮﺍﺟﺐ ﻭﻣﺎﻳﺨﻠﻲ ﻋﻤﻲ ﻳﺸﺘﻐﻞ ﻻﻥ ﻣﺎﻳﻜﺪﺭ
ﺻﺢ ﻫﻮ ﻭﻣﺜﻨﻰ ﻣﻜﻀﻴﻬﺎ ﺩﻳﺎﺣﻪ ﺑﺲ ﻉ ﺍﻻﻗﻞ ﻣﺜﻨﻰ ﺍﺧﻮﻱ ﻳﺸﺘﻐﻞ ﻣﺮﺍﺕ ﻭﻳﻪ ﺍﺑﻮﻱ ﻭﻳﺴﺎﻋﺪﺓ ﻭﻣﻦ ﻳﺮﺯﻟﻪ ﺍﺑﻮﻱ ﻳﺴﻜﺖ ﻣﻮ ﻣﺜﻞ ﺍﺣﻤﺪ ﻳﻀﻞ ﻳﺮﺍﺩﺩ
ﺯﻳﻨﺐ .. ﻳﺠﻲ ﻳﻮﻡ ﻳﻄﻴﺢ ﺑﻴﻬﺎ ﺍﺣﻤﺪ ﺭﺑﺞ ﻛﺎﻋﺪ ﻋﻠﻰ ﻛﺮﺳﻲ ﺣﻖ
ﺑﺎﺟﺮ ﻋﻜﺒﻪ ﻫﻢ ﻳﺘﺰﻭﺝ ﺍﺣﻤﺪ ﻭﻳﺼﻴﺮ ﻋﻨﺪﺓ ﻭﻟﺪ
ﻣﺘﺎﻛﺪﺓ ﺭﺍﺡ ﻳﻌﺎﻣﻠﻮ ﻧﻔﺲ ﻣﻌﺎﻣﻠﺘﻪ ﻟﻬﻠﻲ
ﻭﻋﻮﺩ ﺳﺎﻋﺘﻬﺎ ﺭﺍﺡ ﻳﺤﺲ ﺑﺎﺍﺣﺴﺎﺱ ﺍﺑﻮﻱ ﻫﺴﻪ
ﺭﺟﻌﻨﻪ ﻟﻠﺒﻴﺖ ﻛﻞ ﻭﺣﺪﺓ ﺷﺎﻳﻠﻪ ﺍﻟﻜﻮﻧﻴﻪ ﻣﻦ ﺟﻬﺎ
ﻭﺩﻳﻨﻬﺎ ﻟﺤﻮﻳﺔ ﺍﻟﻬﺎﻳﺸﻪ ﺧﻠﻴﻨﻪ ﺍﻟﻌﻠﻒ ﻛﺪﺍﻣﻬﺎ
ﻛﺘﻠﻬﺎ ﻳﺎﺍﻟﻠﻪ ﺍﻛﻠﻠﻲ ﻛﺎﻋﺪﺓ ﺍﻟﻤﺴﻌﺪﺓ ﻭﺍﺻﺨﺎﺍﺍﻣﻪ ﺍﺗﺤﺸﻠﻬﺎ ﻋﻠﻠﻠﻒ
ﺍﻟﻬﺎﺷﻪ ﺧﻄﻴﻪ ﻧﺰﺕ ﻻﻥ ﺍﺯﻣﺦ ﺑﻴﻬﺎ ﻭﺍﺩﺭﺩﻡ
ﻏﺼﻮﻥ .. ﺻﺨﻮﻭﻧﻪ ﺍﻱ ﻭﺍﻟﻠﻪ ﻟﻮ ﻋﺪﻫﺎ ﺍﻟﺴﺎﻥ ﻳﺤﺠﻲ ﺟﺎﻥ ﻛﺎﻟﺘﻠﺞ ﺍﻣﻮﺕ ﻣﻦ ﺍﻟﺠﻮﻉ ﻭﻻﺍﻛﻞ ﻋﻠﻔﺎﺗﺞ ﺍﻟﺴﻤﻤﺘﻴﻨﻲ ﺑﻴﻬﻦ
ﺯﻳﻨﺐ .. ﺍﻻﻛﻠﺖ ﻭﺍﻟﻤﺎﻛﻠﺖ ﻣﺸﻜﻠﺘﻬﺎ
ﻏﺼﻮﻥ .. ﺍﻛﺺ ﺍﻳﺪﻱ ﺍﺫﺍ ﺍﻧﺘﻲ ﻋﺎﻗﻠﻪ؟
ﻫﻲ ﺍﻟﺘﺤﺠﻲ ﻭﻳﻪ ﺍﻟﻬﺎﻳﺸﻪ ﺷﻨﻮ ﺗﺘﺮﺟﻪ ﻣﻨﻬﺎ ؟
ﺯﻳﻨﺐ .. ﺑﺎﻭﻋﺘﻠﻬﺎ ﺻﻔﺢ ﻭﺭﺣﺖ ﻏﺴﻠﺖ
ﺷﻮﻳﻪ ﻭﺭﺍﺣﺖ ﻏﺼﻮﻥ ﺍﻟﺒﻴﺘﻬﻢ
ﺻﺎﺭﺕ ﺩﻧﻴﻪ ﻣﻐﺮﺏ ﻣﻴﺘﻪ ﺟﻮﻉ
ﻭﺍﻟﻴﻮﻡ ﺧﻤﻴﺲ ﺍﺑﻮﻱ ﺟﺎﺏ ﺭﺑﻊ ﻟﺤﻢ ﺑﺜﻮﺍﺏ ﺟﺪﻱ
ﻻﻥ ﻟﻴﻠﻪ ﺟﻤﻌﻪ
ﻋﺒﺎﺍﻟﻚ ﺟﺎﻳﺐ ﺧﺮﻭﻑ ﻣﻮ ﺭﺑﻊ ﻟﺤﻢ
ﻣﺮﻳﻢ ﻭﺍﻛﻔﻪ ﺍﺑﺎﺏ ﺍﻟﻤﻄﺒﺦ ﻻﺯﻣﻪ ﺧﺒﺰﺗﻬﺎ ﺍﺗﻐﻤﺲ ﻉ ﺍﻟﺮﻳﺤﻪ ﻣﻨﺘﻀﺮﺓ ﺍﻟﻠﺤﻤﻪ ﺗﺴﺘﻮﻱ
ﻭﺍﻧﻲ ﻣﻌﺪﺗﻲ ﻣﺸﻐﻠﻪ ﺳﻤﻔﻮﻧﻴﻪ ﻣﻦ ﺍﻟﺠﻮﻉ
ﺍﺟﻪ ﺍﺑﻮﻱ ﻳﺘﻌﺸﻪ ﻭﻳﺮﺟﻊ ﻳﺒﺎﺕ ﺑﺎﻟﺸﻐﻞ ﻳﻠﺰﻡ ﺣﺮﺍﺳﻪ ﻟﻠﺼﺒﺢ
ﻛﻤﻠﺖ ﺍﻣﻲ ﻭﺻﺒﺘﻠﻨﻪ ﺗﺸﺮﻳﺒﻪ ﻛﻞ ﻭﺍﺣﺪ ﻭﺫﺭﺓ ﻟﺤﻢ ﺑﻄﺎﺳﺘﻪ ﺍﺑﺎﻭﻉ ﻋﻠﻰ ﻭﺫﺭﺓ ﺍﻟﻠﺤﻢ ﺑﻜﺒﺮ ﻧﻮﺍﻳﻪ ﺍﻟﻤﺸﻤﺶ
ﻣﺮﻳﻢ .. ﻫﻬﻬﻪ ﺯﻳﻨﺐ ﺷﻮﻓﻲ ﺍﻟﻠﺤﻤﻪ ﺷﻜﺒﺮﻫﺎﺍ ؟
ﺯﻳﻨﺐ .. ﺭﻭﺣﻲ ﺟﻴﺒﻴﻠﻲ ﺍﺑﺮﻭ ﻭﺧﻴﻂ
ﻣﺮﻳﻢ .. ﺷﺘﺴﻮﻳﻦ ﺑﻴﻬﻦ؟
ﺯﻳﻨﺐ .. ﺍﻟﻀﻢ ﺍﻟﻠﺤﻤﺎﺕ ﺑﺨﻴﻂ ﻻﻥ ﺍﻟﻮﺣﺪﺓ ﻋﺒﺎﻟﻚ ﺧﺮﺯﺓ ﻣﺎﻝ ﺳﺒﺤﻪ
ﺍﺑﻮ ﺍﺣﻤﺪ .. ﺣﺮﺍﻡ ﻳﺎﺑﻪ ﻛﻮﻟﻦ ﺍﻟﺤﻤﺪﺍﻟﻠﻪ ﺍﻛﻮ ﻧﺎﺱ ﻣﺎﻋﺪﻫﺎ ﺗﺎﻛﻞ ﻭﺗﺴﺪ ﺟﻮﻋﺘﻬﺎ ﺍﺣﻨﻪ ﺑﺎﻟﻨﺴﺒﻪ ﺍﻟﻠﻬﻢ ﻋﺎﻳﺸﻴﻦ ﺑﻨﻌﻤﻪ
ﻭﻓﻌﻼ ﻫﺎﻱ ﻧﻌﻤﻪ
ﺯﻳﻨﺐ .. ﺍﺑﻮﻱ ﺭﻓﻊ ﺭﺍﺳﻪ ﻟﻠﺴﻤﻪ ﺷﺎﻝ ﺍﻳﺪﻩ ﻛﺎﻝ
ﺍﺑﻮ ﺍﺣﻤﺪ .. ﺍﺷﻜﺮﻙ ﻭﺍﺷﻜﺮ ﻧﻌﻤﺘﻚ ﻳﺎﻟﻠﻪ
ﺍﻟﻠﻬﻢ ﺩﻳﻤﻬﺎ ﻧﻌﻤﻪ ﻭﺍﺣﻔﻀﻬﺎ ﻣﻦ ﺍﻟﺰﻭﺍﻝ
ﺯﻳﻨﺐ .. ﺍﺟﻪ ﺍﺣﻤﺪ ﻛﻌﺪ ﻳﻢ ﺍﺑﻮﻱ ﻳﺘﻌﺸﻪ
ﺍﺑﻮ ﺍﺣﻤﺪ .. ﻭﻟﻴﺪﻱ ﻟﻴﺶ ﻣﺎﺗﺼﻠﻲ؟
ﺍﺣﻤﺪ .. ﺍﻧﺘﻪ ﺗﺼﻠﻲ ﻭﻛﺼﺘﻚ ﻣﺎﻛﻠﺘﻬﺎ ﺍﻟﺘﺮﺑﻪ ﺷﻮ ﻣﺎﻛﻮ ﺭﺯﻕ ﻋﺎﻳﺸﻴﻦ ﺣﻔﺎﻱ ﺟﺎ ﺻﻼﺗﻚ ﻣﺎﺗﺮﺯﻗﻨﻪ؟
ﺍﺑﻮ ﺍﺣﻤﺪ .. ﻣﺎﻧﻨﺮﺯﻕ ﻻﻥ ﺍﻧﺘﻪ ﺷﻴﻄﺎﻥ ﻫﻠﺘﺤﺠﻲ ﻫﻴﺞ
ﺍﺣﻤﺪ .. ﻳﺎﺑﻪ ﺧﻠﻴﻨﻪ ﻧﺘﺰﻗﻨﺐ
ﺯﻳﻨﻪ .. ﻫﻬﻬﻪ ﺍﻟﻴﻮﻡ ﻧﺎﻛﻞ ﻟﺤﻤﻤﻤﻢ
ﺯﻳﻨﺐ .. ﺻﺮﺕ ﺍﺣﺴﺪ ﺯﻳﻨﻪ ﻋﻠﻰ ﺍﺧﺒﺎﻟﻬﺎ ﻻﻥ ﻣﺎﺗﻔﻬﻢ ﺷﻲ ﻻﺗﻐﻢ ﻭﻻﺗﻬﻢ ﻛﻞ ﻫﻤﻬﻤﺎ ﺗﺎﻛﻞ ﻭﺑﺲ
ﺍﻧﻘﻬﺮﺕ ﻋﻠﻰ ﺍﺑﻮﻱ ﻭﺍﺣﻤﺪ ﺛﺮﺩ ﺑﺎﻟﺼﺤﻦ ﻳﺎﻛﻞ ﻣﺎﻣﻬﺘﻢ
ﺑﺲ ﺍﺑﻮﻧﻪ ﻣﻬﻤﻮﻡ ﻳﺠﺮ ﺣﺴﺮﺍﺕ ﻣﺎﺭﺍﺿﻲ ﻋﻠﻰ ﺍﺣﻤﺪ
ﺍﻣﻲ ﺑﺲ ﻋﻴﻮﻧﻬﺎ ﺗﻨﺘﻘﻞ ﺑﻴﻨﻬﻢ ﻣﺎﺗﻜﺪﺭ ﺗﺤﺠﻲ ﺷﻲ
ﺑﺲ ﺳﻼﺣﻬﺎ ﺍﻟﻮﺣﻴﺪ ﺩﻋﺎﺋﻬﺎ ﺩﺍﺋﻤﺎ ﺗﺮﺩﺩ ﺍﻟﻠﻪ ﻳﻬﺪﻳﻚ ﻳﺒﻦ ﺑﻄﻨﻲ
ﺍﻣﺎ ﺍﻧﻲ ﺟﻨﺖ ﺍﺣﻠﻢ ﺍﻧﻮ ﺣﺎﻟﻨﻪ ﻳﻨﻌﺪﻝ ﻭﻳﺼﻴﺮ ﻋﺪﻧﻪ ﻓﻠﻮﺱ ﻭﺑﻴﺖ ﺩﺍﻓﻲ ﻭﻧﻄﻠﻊ ﻣﻦ ﺍﻟﻔﻘﺮ ﺍﻟﻌﺎﻳﺸﻴﻦ ﺑﻲ
ﻣﺮﺕ ﺍﻻﻳﺎﻡ ﻭﺍﻻﺷﻬﺮ ﺑﻌﺪ ﻓﺘﺮﺓ ﻳﻮﻡ ﺍﺭﺑﻌﺎﺀ ﻋﺮﺱ ﻋﺪ ﺑﻴﺖ ﺷﻴﺦ ﻣﻨﻬﻞ ﻣﻌﺮﺱ ﺍﺑﻨﻪ ﺍﻟﻮﺳﻄﺎﻧﻲ ﺣﺴﻴﻦ
ﻭﻣﺮﺕ ﺍﻟﺸﻴﺦ ﻋﺰﻣﺖ ﺍﻟﻜﻞ ﺑﺲ ﺍﺣﻨﻪ ﻣﺎﻋﺰﻣﺘﻨﻪ ﻻﻥ ﺍﻟﻔﻘﻴﺮ ﻣﺎﻟﻪ ﺻﺎﺣﺐ ﻭﻻﺍﺑﻦ ﻋﻢ
ﺍﺳﺘﻌﺮﺕ ﻣﻦ ﻋﺪﻧﻪ ﻻﻥ ﻋﻠﻰ ﻛﺪ ﺣﺎﻟﻨﻪ
ﺍﻣﻲ ﻃﻠﻌﺖ ﺍﻟﻌﺼﺮ ﻛﻌﺪﺕ ﺑﺎﻟﺒﺎﺏ ﻛﻞ ﺷﻮﻳﻪ ﺗﺠﻲ ﻭﺣﺪﺓ ﻣﻦ ﺟﻴﺮﺍﻧﻪ ﺗﺴﺎﻝ ﺍﻣﻲ ﻣﻌﺰﻭﻣﻪ ﻟﻮ ﻻ؟
ﺍﺗﺠﺎﻭﺑﻬﺎ ﺍﻣﻲ ﻻ ﻣﺎﻣﻌﺰﻭﻣﻪ ﻭﺣﺘﻰ ﻟﻮ ﻋﺰﻣﻮﻧﻪ ﻣﺎﻧﺮﻭﺡ
ﻛﺎﻥ ﻫﺬﺍ ﺟﻮﺍﺏ ﺍﻣﻲ ﺍﻟﻲ ﺭﻏﻢ ﺣﺎﻟﺘﻨﻪ ﺑﺲ ﻧﻔﺴﻬﺎ ﺍﺑﻴﻪ ﻭﻋﺪﻫﺎ ﻛﺮﺍﻣﻪ ﻓﻀﻴﻌﻪ
ﻣﻦ ﺿﻤﻦ ﺍﻟﻤﻌﺰﻭﻣﻴﻦ ﺑﻴﺖ ﻋﻤﻲ ﻋﺎﺩﻝ ﻋﺰﻣﺘﻬﻢ ﻻﻥ ﺣﺎﻟﺘﻬﻢ ﺷﻮﻳﻪ ﺍﺣﺴﻦ ﻣﻦ ﺣﺎﻟﺘﻨﻪ
ﻏﺼﻮﻥ ﻣﺎﺭﺍﺣﺖ ﻛﺎﻟﺖ ﻻﻥ ﻣﺎﻋﺰﻣﻮﻛﻢ ﻣﺎﺍﺭﻭﺡ
ﻗﺒﻞ ﺣﻨﻪ ﺍﻟﺰﻟﻢ ﺍﻟﻌﺼﺮ
ﺩﺧﻠﺖ ﻟﻠﺤﻤﺎﻡ ﺳﺒﺤﺖ ﻭﺑﺪﻟﺖ ﻟﺒﺴﺖ ﺍﺗﺮﺍﻙ ﻭﺭﺩﻱ ﻣﺮﺳﻮﻡ ﺑﻲ ﺩﺏ ﻭﺍﻟﺪﺏ ﻣﻦ ﺍﻟﻐﺴﻞ ﺻﺎﻳﺮ ﻣﻄﻲ ﻻﻥ ﺑﺎﻫﺖ ﻟﻮﻧﻪ
ﺑﻠﻴﻞ ﺭﺣﺖ ﺍﻟﺒﻴﺖ ﻋﻤﻲ
ﺻﻌﺪﻧﻪ ﻓﻮﻙ ﺍﻟﺴﻄﺢ ﺍﻧﻲ ﻭﻏﺼﻮﻥ
ﺻﺮﻧﻪ ﻧﺘﻔﺮﺝ ﻋﻠﻰ ﺭﻛﺺ ﺍﻟﺰﻟﻢ ﺑﺎﻟﺤﻨﻪ
ﺍﺑﺎﻭﻉ ﺍﺷﻠﻮﻥ ﻳﺮﻛﺼﻮﻥ ﻭﻳﺪﺑﺠﻮﻥ
ﺩﺧﻞ ﺍﺑﻮ ﺍﻟﺪﻣﺎﻡ ﺑﻨﺼﻬﻢ ﻭﻳﺎﻩ ﻣﺰﻣﺎﺭ ﻳﻌﺰﻓﻮﻥ ﺍﻟﺠﻮﺑﻲ
ﻏﺼﻮﻥ .. ﺟﻮﻭﻭﻭﺑﻲ
ﺯﻳﻨﺐ .. ﻭﻣﺮﺽ ﻋﺒﺎﻟﻲ ﻋﻤﻲ ﺻﻌﺪ ﻭﺷﺎﻓﻨﻪ ﺧﺮﻋﺘﻴﻨﻲ ﺷﺒﻴﺞ ﻣﻜﺮﻭﺻﻪ؟
ﻏﺼﻮﻥ .. ﻫﻬﻬﻬﻬﻪ ﺍﻣﻮﺕ ﻉ ﺍﻟﺠﻮﺑﻲ
ﺯﻳﻨﺐ .. ﺍﻟﺘﻔﺘﺖ ﻋﻠﻴﻬﻢ ﺷﻔﺖ ﻛﻢ ﺷﺎﺏ ﺟﺮﻭ ﺍﻻﺳﻤﻪ ﻟﻮﺍﺀ ﺍﻧﻄﻮ ﺍﻟﺴﺒﺤﻪ ﻭﺗﺮﺃﺱ ﺭﺍﺱ ﺍﻟﺪﺑﻜﻪ
ﻳﻔﺮ ﺑﺎﻟﺴﺒﺤﻪ ﻭﻳﺮﻛﺺ
ﻏﺼﻮﻥ .. ﻳﺮﺑﻲ ﻛﻠﺒﻲ ﻣﺎﻳﺘﺤﻤﻞ ﻫﻴﺞ ﺷﻜﻮﻝ
ﺟﺎ ﺷﺒﻴﻬﻢ ﺍﺧﻮﺗﻨﻪ ﻭﺟﻬﻢ ﺿﺎﻳﻌﻪ ﺍﻟﺒﺮﻛﻪ ﻣﻨﻪ؟
ﺯﻳﻨﺐ .. ﺧﺮﺏ ﺑﻌﻘﻠﺞ ﺩﻭﻡ ﺗﺒﺼﺒﺼﻴﻦ
ﺍﻧﺘﻬﺖ ﺍﻟﺤﻔﻠﻪ ﻣﺎﻝ ﺍﻟﺰﻟﻢ ﻭﻧﺰﻟﻨﻪ ﺭﺟﻌﺖ ﺍﻟﺒﻴﺘﻨﻪ
ﺛﺎﻧﻲ ﻳﻮﻡ ﺻﺎﺩﻑ ﺍﻟﺰﻓﻪ
ﻗﺒﻞ ﻣﺎﺗﻄﻠﻊ ﺍﻟﺴﻴﺎﺭﺍﺕ ﺍﻧﻲ ﻭﻏﺼﻮﻥ ﻭﺣﺪﺓ ﺗﺪﻓﻊ ﺍﻟﺜﺎﻧﻴﻪ ﻧﺮﻳﺪ ﻧﺸﻮﻑ ﺍﻟﺴﻴﺎﺭﺍﺕ ﻣﻦ ﻓﻄﺮ ﺍﻟﺴﻴﺎﺝ
ﺍﻧﺘﻬﻰ ﺍﻟﻌﺮﺱ ﺍﺣﻤﺪ ﻣﻦ ﺳﻤﻊ ﺑﻴﺖ ﺍﻟﺸﻴﺦ ﻣﺎﻋﺰﻣﻮﻧﻪ ﺷﺎﻝ ﺣﻘﺪ ﻋﻠﻴﻬﻢ ﻣﺮﺕ ﺍﻻﻳﺎﻡ
ﻭﻣﺮ ﺷﻬﺮﻳﻦ ﻋﻠﻰ ﻋﺮﺱ ﺑﻴﺖ ﺍﻟﺸﻴﺦ
ﺑﺲ ﺍﺣﻤﺪ ﻣﺎﻧﺴﻰ ﺍﻟﺼﺎﺭ ﺍﺑﺪ
ﺑﻴﻮﻡ ﻛﺎﻋﺪﻳﻦ ﺍﻟﻌﺼﺮ ﺑﺎﻟﺤﺪﻳﻘﻪ ﻣﺎﻝ ﺍﻟﺤﻮﺵ ﺳﻤﻌﻨﻪ ﻫﻮﺳﻪ
ﺍﻣﻲ ﺍﺧﺬﺕ ﻋﺒﺎﻳﺘﻬﺎ ﻭﺭﻛﻀﺖ ﺑﻌﺪﻳﻦ ﻋﺮﻓﻨﻪ ﺍﻟﻌﺮﻛﻪ ﺑﻴﻦ ﺣﺴﻴﻦ ﺍﺑﻦ ﺍﻟﺸﻴﺦ ﻭﺑﻴﻦ ﺍﺣﻤﺪ
ﺍﻟﻌﺮﻓﻨﺎﻩ ﺣﺴﻴﻦ ﻣﺘﻌﺪﻱ ﺑﺴﻴﺎﺭﺗﻪ ﻭﺯﺍﻝ ﻋﻠﻰ ﺍﺣﻤﺪ ﻭﻣﺜﻨﻰ
ﻭﺍﺧﻮﻱ ﻳﺸﺘﺮﻱ ﺍﻟﻄﻼﺑﻪ ﺑﻔﻠﻮﺱ
ﻣﺘﻌﺮﺽ ﻟﻠﺮﺟﺎﻝ ﻭﻣﺘﻌﺎﺭﻙ ﻭﻳﺎﻩ
ﻛﻮﺓ ﺍﻧﺘﻬﺖ ﺍﻟﻌﺮﻛﻪ ﻭﺍﻣﻲ ﺍﺗﺨﺮﺑﻄﺖ ﻛﻠﺶ
ﺍﺣﻤﺪ ﺩﺧﻞ ﻟﻠﺒﻴﺖ ﻋﺒﺎﺭﺓ ﻋﻦ ﻛﺘﻠﻪ ﻧﺎﺭ
ﻳﺼﻴﺢ ﻭﻳﻐﻠﻂ ﻭﻳﻔﺸﺮ ﻋﻠﻰ ﺑﻴﺖ ﺷﻴﺦ ﻣﻨﻬﻞ
ﺑﻠﻴﻞ ﺍﺟﻪ ﺍﺑﻮﻱ ﻭﻋﺮﻑ ﺑﺎﻟﺴﺎﻟﻔﻪ
ﺍﺑﻮ ﺍﺣﻤﺪ .. ﺍﺑﻨﻲ ﺍﻋﻘﻞ ﺗﺮﺓ ﻃﻜﺖ ﺭﻭﺣﻲ
ﺍﺣﻤﺪ .. ﻭﺍﺷﺎﻳﻔﻨﻲ ﻣﺨﺒﺒﺒﻞ ﻟﻮ ﺍﻣﻠﺦ ﺑﺸﻌﺮﻱ؟
ﺯﻳﻨﺐ .. ﺍﺑﻮﻱ ﻭﻛﻔﺖ ﺍﻟﺪﻣﻌﻪ ﺑﻌﻴﻨﻪ ﺭﻓﻊ ﺍﻳﺪﺓ ﻟﻠﺴﻤﺎ
ﺍﺑﻮ ﺍﺣﻤﺪ .. ﺷﻤﺴﻮﻱ ﺑﺪﻧﻴﺎﻱ ﺣﺘﻰ ﻫﻴﺞ ﺍﺗﻌﺎﻗﺐ ﺩﺧﻴﻴﻠﻚ ﺭﺑﺒﻲ
ﺯﻳﻨﺐ .. ﺍﺣﻤﺪ ﺗﺮﻛﻨﻪ ﻭﻃﻠﻊ ﻣﻦ ﺍﻟﺒﻴﺖ ﻳﺘﻮﻋﺪ ﻝ ﺍﺑﻦ ﺍﻟﺸﻴﺦ
ﻭﻓﻌﻼ ﺑﻌﺪ ﻛﻢ ﻳﻮﻡ ﻛﺎﻋﺪﻳﻦ ﺍﻟﻤﻐﺮﺏ ﻭﻳﻪ ﺍﻻﺫﺍﻥ
ﺍﻣﻲ ﻓﺎﺭﺷﻪ ﺳﺠﺎﺩﺗﻬﺎ ﺍﺗﺼﻠﻲ
ﺩﺧﻞ ﺍﺣﻤﺪ ﻣﺜﻞ ﺍﻻﻋﺼﺎﺭ
ﺑﺴﺮﻋﻪ ﻓﺘﺢ ﺑﺎﺏ ﺍﻟﻜﻨﺘﻮﺭ ﻣﺎﻟﺘﻪ ﻭﻃﻠﻊ ﺍﺳﻼﺡ ﺣﺘﻰ ﻣﺎﻧﺪﺭﻱ ﺑﻲ ﻋﻨﺪﺓ ﺍﺳﻼﺡ
ﺍﺧﺬﺓ ﻭﻃﻠﻊ ﻳﺮﻛﺾ
ﻫﻲ ﺩﻗﺎﻳﻖ ﻭﺍﺣﺘﺮﻛﺖ ﺍﻟﺪﻧﻴﻪ ﺑﺎﻟﺮﻣﻲ
ﺍﻟﻤﻨﻄﻘﻪ ﺍﻋﺘﻠﻜﺖ ﺑﺎﻟﺼﺎﻳﺢ
ﻃﻠﻌﻨﻪ ﻧﺮﻛﺾ ﻣﻔﺰﻭﻋﻴﻦ
ﻧﺴﻤﻊ ﺍﻟﻨﺎﺱ ﺗﺼﻴﺢ
ﻣﺎﺍﺕ ﻣﺎﺍﺍﺕ
ﻳﺘﺘﺘﺒﻊ.....#myhopes
ﺳﺘﻌﻠﻤﻚ ﺍﻟﺤﻴﺎﺓ
ﺍﻧﻬﺎ ﻻﺗﻘﻒ ﻋﻠﻰ ﺍﺣﺪ
ﻭﺳﺘﺠﺪ ﻧﻔﺴﻚ
ﺗﺴﺘﻄﻴﻊ ﺍﻟﻌﻴﺶ
ﺑﺎﻟﺠﻤﻴﻊ ﺍﻭ ﺑﺪﻭﻧﻬﻢ 💔
................................
/// ﺿﺤﻴﺔ ﻟﻤﻦ ﻻﻳﺮﺣﻢ ////
// ﺯﻫﺮﺍﺀ ﺍﻟﺤﺴﻨﺎﻭﻱ //
#بارت٢
................
ﻣﺴﺎﺀ ﺍﻟﻮﺭﺩ ﺑﻨﺎﺕ
ﺣﺒﻴﺖ ﺍﻧﻮﻩ ﻋﻠﻰ ﺷﻐﻠﻪ ﺍﻟﺮﺍﺡ ﺗﻘﺮﻭ ﺑﺎﻟﺒﺎﺭﺗﺎﺕ ﺭﺍﺡ ﻳﺼﺪﻣﻜﻢ ﻻﻥ ﺍﻟﻘﺼﻪ ﻫﺎﻱ ﺻﺎﺭ ﺍﺷﻬﺮ ﻣﺎﺧﺬﺓ ﻋﻘﻠﻲ ﺣﺘﻰ ﻣﺎﻟﻲ ﻭﺍﻫﺲ ﺍﻛﺘﺐ ﻗﺼﻪ ﻏﻴﺮﻫﺎ ﻣﻦ ﻛﻤﻴﻪ ﺍﻟﻤﺼﺎﻳﺐ ﺍﻟﺒﻴﻬﺎ
ﻟﺘﻌﺘﺒﺮﻭﻥ ﺍﺣﺪﺍﺛﻬﺎ ﺧﻴﺎﻟﻴﻪ ﻻﻥ ﻛﻞ ﻭﺍﺣﺪ ﺑﻴﻨﻪ ﻋﻨﺪﺓ ﻗﺼﻪ ﺗﺸﻴﺐ ﺍﻟﺮﺍﺱ ﻭﻟﺘﻨﺴﻮﻥ ﺍﺣﻨﻪ ﺑﺎﻟﻌﺮﺍﻕ ﺍﻟﻌﻀﻴﻢ ﻛﻠﺸﻲ ﻭﺍﺭﺩ ﺑﻲ
ﻭﺣﺘﻰ ﺍﻧﻲ ﻙ ﻛﺎﺗﺒﻪ ﻳﺸﻬﺪ ﺍﻟﻠﻪ ﻟﻮ ﺍﻛﺘﺐ ﻗﺼﺘﻲ ﻭﺍﻟﻤﺮﺍﺭ ﺍﻟﻌﺸﺘﻪ ﺣﺘﻨﺼﺪﻣﻮﻡ ﻭﺗﻜﻮﻟﻮﻥ ﻣﻌﻘﻮﻟﻪ ﺍﻛﻮ ﻫﻴﺞ ﺑﺸﺮ؟
ﺍﺗﻤﻨﻰ ﻣﻦ ﻛﻞ ﺑﻨﻴﻪ ﻣﺮﺍﻫﻘﻪ ﺗﻘﺮﺓ ﺍﻟﺮﻭﺍﻳﻪ ﻭﺗﻌﺘﺒﺮﻫﺎ ﺩﺭﺱ ﻳﻮﻋﻴﻬﺎ ﻣﻦ ﺍﺣﻼﻣﻬﺎ ﺍﻟﻮﺭﺩﻳﻪ ﺍﻟﻲ ﻋﺎﺷﺘﻬﺎ ﺑﺴﺒﺐ ﺍﻟﺮﻭﺍﻳﺎﺕ ﺍﻟﺮﻭﻣﺎﻧﺴﻴﻪ
ﻓﻴﺎﺭﻳﺖ ﺍﺗﺴﻮﻭﻥ ﺗﺎﻛﺎﺕ ﺍﻟﻤﺘﺎﺑﻌﻴﻜﻢ ﻭﺍﻧﻲ ﺣﺘﺎﺑﻊ ﺍﻟﺘﻌﻠﻴﻘﺎﺕ ﻭﺍﻟﻴﺴﻮﻱ ﺍﻛﺒﺮ ﻋﺪﺩ ﻣﻦ ﺍﻟﺘﺎﻛﺎﺕ ﺣﻴﺘﻢ ﻧﺸﺮ ﺣﺴﺎﺑﻪ ﺑﺪﺍﺧﻞ ﺍﻟﺮﻭﺍﻳﻪ
ﻭﺷﻜﺮﺍ ﻟﻠﺠﻤﻴﻊ
...............................
ﺯﻳﻨﺐ .. ﺭﺟﻠﻴﻪ ﺑﺎﺩﻥ ﺭﺩﺕ ﺍﻭﻛﻊ
ﺍﻣﻲ ﺍﻟﻮﺍﻛﻔﻪ ﺑﺎﻟﺒﺎﺏ ﻣﺎﻣﻔﺘﻬﻤﻪ ﺷﻲ ﻣﻨﻮ ﺍﻟﻮﻛﻊ ﻭﻣﻨﻮ ﺍﻟﻤﺎﺕ
ﻣﺼﺪﻭﻣﻪ ﻣﺎﺗﻜﺪﺭ ﺗﺘﺤﺮﻙ
ﺍﺟﻪ ﻃﻔﻞ ﻳﺮﻛﺾ ﻋﻠﻴﻨﻪ ﻛﺎﻟﻬﺎ ﺧﺎﻟﻪ ﺍﻟﺤﻜﻲ ﺍﺑﻨﺞ ﻛﺘﻞ ﺣﺴﻴﻦ ﺍﺑﻦ ﺍﻟﺸﻴﺦ
ﻛﻠﻤﺎﺕ ﻧﻄﻘﻬﺎ ﺍﻟﻄﻔﻞ ﺑﺲ ﻛﺎﻧﺖ ﻋﺒﺎﺭﺓ ﻋﻦ ﻛﺎﺭﺛﻪ ﻭﻛﻌﺖ ﻋﻠﻰ ﺭﻭﺳﻨﻪ
ﺍﻣﻲ ﻭﻛﻌﺖ ﺑﺎﻟﻜﺎﻉ ﺻﺎﻓﻨﻪ ﻻﺗﺤﺮﻙ . ﺍﻳﺪ ﻭﻻﺭﺟﻞ
ﺍﻟﺠﻴﺮﺍﻥ ﻭﺍﻟﻌﺎﻟﻢ ﻛﻠﻬﺎ ﻃﻠﻌﺖ ﺗﺮﻛﺾ
ﺷﺨﻄﺖ ﻣﻦ ﻳﻤﻨﻪ ﺳﻴﺎﺭﺓ ﻋﻤﻲ ﺻﺎﻋﺪ ﺑﻴﻪ ﻣﺜﻨﻰ ﻳﺴﻮﻕ ﻭﻳﻤﻪ ﺍﺣﻤﺪ ﻳﺘﻠﻔﺘﻮﻥ ﺧﺎﻳﻔﻴﻦ
ﻋﺮﻓﻨﻪ ﺍﺣﻤﺪ ﺳﻮﺓ ﺍﻟﻤﺼﻴﺒﻪ ﻭﺍﻧﻬﺰﻡ
ﺍﻧﻲ ﻭﻣﺮﻳﻢ ﺳﻨﺪﻧﻪ ﺍﻣﻲ ﺩﺧﻠﻨﺎﻫﺎ ﻟﻠﺒﻴﺖ ﻓﺎﺻﻠﻪ ﺑﺲ ﺗﻬﻤﺲ ﺑﺼﻮﺕ ﺧﺎﻓﺖ
ﺭﺭﺍﺡ ﺍﺣﻤﺪ ﺭﺍﺍﺡ ﺍﺣﻤﺪ
ﻗﻔﻠﻨﻪ ﺍﻟﺒﻴﺒﺎﻥ ﻭﻛﻌﺪﻧﻪ ﻧﺘﺮﺍﺟﻒ ﺧﺎﻳﻔﻴﻦ ﻧﺪﺭﻱ ﺑﻴﺖ ﺍﻟﺸﻴﺦ ﻣﺎﻳﺴﻜﺘﻮﻥ ﻋﻦ ﺍﻟﺼﺎﺭ ﺏ ﺍﺑﻨﻬﻢ
ﺭﻏﻢ ﺳﻤﻌﻨﻪ ﺍﻟﻨﺎﺱ ﺗﺼﻴﺢ ﻣﺎﺕ
ﺑﺲ ﺿﻠﻴﻨﻪ ﻧﻨﺪﻋﻲ ﻛﻮﻥ ﻣﺎﺑﻲ ﺷﻲ ﻭﻛﻮﻥ ﻣﺠﺮﺩ ﺟﺮﺡ ﺑﺴﻴﻂ
ﻧﺺ ﺳﺎﻋﻪ ﻭﺍﻧﺪﻙ ﺍﻟﺒﺎﺏ ﺑﻘﻮﺓ ﻣﺮﻳﻢ ﻻﺯﻣﻪ ﺛﻮﺑﻲ ﺗﺼﻴﺢ ﺍﺍﺟﻮﻧﻪ ﺭﺍﺡ ﻳﻤﻮﺗﻮﻧﻪ
ﻛﺘﻠﻬﺎ ﺑﺲ ﺍﻧﻄﻴﻨﻲ ﻣﺠﺎﻝ ﺍﺷﻮﻑ ﻣﻨﻮ ﺑﻠﻜﺖ ﺍﺑﻮﻱ
ﻭﻓﻌﻼ ﻣﻦ ﻭﺻﻠﺖ ﻟﻠﺒﺎﺏ ﺳﻤﻌﺖ ﺍﺑﻮﻱ ﻳﺼﻴﺢ ﺍﻓﺘﺤﻮ
ﺭﻛﻀﺖ ﻓﺘﺤﺘﻠﻪ ﺍﻟﺒﺎﺏ ﺍﺳﻤﻊ ﺟﻮﺷﻪ ﻣﺎﻝ ﻋﺎﻟﻢ ﺑﺎﻟﺸﺎﺭﻉ ﻭﺳﻴﺎﺭﺍﺕ
ﺳﺪﻳﺖ ﺍﻟﺒﺎﺏ ﺭﺩﺕ ﺍﻓﻮﺕ ﻛﺒﺖ ﺍﻟﻌﻴﻄﻪ ﻣﺎﻝ ﺻﺎﻳﺢ ﺍﻟﻨﺴﻮﺍﻥ ﺍﺑﻴﺖ ﺍﻟﺸﻴﺦ
ﺍﺧﺘﺾ ﺟﺴﻤﻲ ﺻﺮﻳﺨﻬﻦ ﻣﺎﻝ ﺳﻤﻌﻦ ﺧﺒﺮ ﻣﻮﺯﻳﻦ
ﺩﺧﻴﻠﻚ ﺭﺑﻲ ﻛﻮﻥ ﺗﻔﻜﻴﺮﻱ ﻏﻠﻂ
ﺩﺧﻠﺖ ﺍﺭﻛﺾ ﺷﺎﺭﺩﺓ ﻟﻜﻴﺖ ﺍﺑﻮﻱ ﻳﺼﻔﻚ ﺍﻳﺪ ﺑﻴﺪ ﺑﺤﺮﻛﻪ
ﻣﺎﻳﺤﺠﻲ ﺑﺲ ﺩﻣﻮﻋﻪ ﺗﺠﺮﻱ
ﺩﻗﺎﻳﻖ ﻭﺍﻧﻬﺠﻢ ﺑﺎﺏ ﺑﻴﺘﻨﻪ ﻭﺍﺷﺘﻐﻞ ﺍﻟﺮﻣﻲ
ﻣﺎﻧﻌﺮﻑ ﻳﺮﻣﻮﻥ ﻋﻠﻴﻨﻪ ﻟﻮ ﺑﺎﻟﺠﻮ
ﻛﻞ ﺍﻟﻨﻌﺮﻓﻪ ﻭﺣﺪﺓ ﺧﺘﻠﺖ ﺑﻀﻬﺮ ﺍﻟﺜﺎﻧﻴﻪ ﺧﺎﻳﻔﻴﻦ
ﺍﺑﻮﻱ ﻛﻌﺪ ﻳﻢ ﺍﻣﻲ ﺍﺩﻱ ﻋﻠﻰ ﺭﺍﺳﻪ ﻭﺍﻣﻲ ﺩﺧﻠﺖ ﺏ ﺍﻧﻬﻴﺎﺭ ﻋﺼﺒﻲ ﺗﻬﺬﻱ ﺑﻜﻼﻡ ﻣﺎﻣﻔﻬﻮﻡ
ﺗﺮﻳﺪ ﺗﻜﻮﻡ ﺗﻄﻠﻊ ﻭﺍﺑﻮﻱ ﻻﺯﻡ ﺍﻳﺪﻫﺎ ﻳﺪﺭﻱ ﻓﻘﺪﺕ
ﺍﺑﻮ ﺍﺣﻤﺪ .. ﻳﺎﺑﻪ ﺯﻳﻨﺐ ﺍﻛﻌﺪﻱ ﻳﻢ ﺍﻣﺞ ﺍﻧﻪ ﻃﺎﻟﻊ ﺍﻟﻬﻢ
ﺯﻳﻨﺐ .. ﺍﺗﻘﺮﺑﺖ ﻫﺰﻳﺖ ﺭﺍﺳﻲ ﺑﻤﻌﻨﻰ ﺍﻱ
ﻟﺰﻣﺖ ﺍﻳﺪ ﺍﻣﻲ ﺗﺮﻋﺶ
ﺑﻘﺖ ﻋﻴﻨﻲ ﻭﺭﺓ ﺍﺑﻮﻱ
ﺍﺻﻮﺍﺕ ﺍﻟﺰﻟﻢ ﺍﺗﻌﺎﻟﺖ ﺑﺠﻴﺖ ﻛﺘﻠﻪ ﺩﺧﻴﻠﻚ ﺭﺑﻲ ﺍﺑﻮﻱ ﻣﺮﻳﺾ ﺩﺧﻴﻠﻚ ﺍﻟﺘﻔﺖ ﺍﻟﻨﻪ ﺑﻤﺼﻴﺒﺘﻨﻪ
ﺭﻣﻲ
ﻭﻫﻮﺳﻪ
ﻭﺻﺮﻳﺦ
ﻭﺍﺣﻨﻪ ﻧﺘﺮﺍﺟﻒ ﻛﺎﻋﺪﻳﻦ ﺑﺰﺍﻭﻳﻪ ﺍﻟﻐﺮﻓﻪ ﻣﺎﻓﺎﻫﻤﻴﻦ ﺷﺮﺍﺡ ﻳﺼﻴﺮ
ﺍﺑﻮﻱ ﻣﺎﺭﺟﻊ ﺻﺎﺭ ﺍﻟﻔﺠﺮ ﻭﻫﻮ ﻣﺎﻛﻮ
ﺍﻟﺴﺎﻋﻪ ﺏ ﺍﻟﺴﺘﻪ ﺭﺟﻊ ﺑﺲ ﺣﺎﻟﺘﻪ ﺗﺒﺠﻲ
ﻫﻠﻤﺮﺓ ﺭﻭﺣﻪ ﺍﻻﻧﻜﺴﺮﺕ ﻣﻮ ﺑﺲ ﺿﻬﺮﺓ
ﺩﺧﻞ ﺣﻠﻜﻪ ﻳﺎﺑﺲ ﻋﺒﺎﻟﻚ ﻭﺟﻬﺎ ﻛﻠﻪ ﺍﺗﺮﺍﺏ
ﻛﻌﺪ ﺑﺎﻟﻜﺎﻉ ﺗﻌﺒﺎﻥ
ﺍﻣﻲ ﺑﺎﻭﻋﺘﻠﻪ ﺑﻨﻀﺮﺓ ﺗﺮﻳﺪﺓ ﻳﻄﻤﻨﻬﺎ ﺍﻧﻮ ﺍﺑﻦ ﺍﻟﺸﻴﺦ ﻣﺎﺑﻲ ﺷﻲ
ﺑﺲ ﻟﻼﺳﻒ ﻛﻼﻡ ﺍﺑﻮﻱ ﺧﻠﻪ ﺻﻮﺕ ﺑﺠﻴﻨﻪ ﻳﻌﻠﻰ
ﻣﻦ ﻛﺎﻝ ﻣﺎﺕ ﺍﻟﺮﺟﺎﻝ
ﺍﻣﻲ ﺍﻏﻤﻰ ﻋﻠﻴﻬﺎ ﺭﻛﻀﺖ ﻣﺮﻳﻢ ﺟﺎﺑﺖ ﻣﺎﻱ ﻏﺴﻠﻨﻪ ﻭﺟﻬﺎ
ﻭﻧﺒﺠﻲ ﻣﺎﺳﺎﻛﺘﻴﻦ ﻻﻥ ﻣﺼﻴﺒﻪ ﻭﻃﺎﺣﺖ ﻋﻠﻰ ﺭﻭﺳﻨﻪ
ﺿﻠﻴﻨﻪ ﻛﺎﻋﺪﻳﻦ ﻟﻠﺴﺎﻋﻪ 9 ﺍﻟﺼﺒﺢ ﻻ ﺍﻛﻞ ﻭﻻﺷﺮﺏ
ﻣﺎﻧﺤﺲ ﻏﻴﺮ ﺭﻣﻲ ﺭﺻﺎﺹ ﻋﻠﻰ ﺑﻴﺘﻨﻪ
ﺧﺘﻠﻨﻪ ﺑﻀﻬﺮ ﺍﺑﻮﻱ ﻧﺘﺼﺎﺭﺥ
ﺣﻂ ﺍﺩﻱ ﻓﻮﻛﺎﻧﻪ ﻳﺤﻤﻴﻨﻪ ﻻﻥ ﺍﻟﺮﻣﻲ ﻋﻠﻰ ﺑﻴﺘﻨﻪ ﺍﻟﺮﺷﻚ ﻣﺎﻝ ﺍﻟﻄﻠﻖ ﺑﺎﻟﺤﺎﻳﻂ ﻋﺮﻓﻨﻪ ﺑﻴﺖ ﺍﻟﺸﻴﺦ ﺳﻮﻭ ﺩﻛﻪ ﻋﺸﺎﺋﺮﻳﻪ ﻋﻠﻴﻨﻪ
ﺍﺳﺘﻤﺮ ﺍﻟﺮﻣﻲ ﺩﻗﺎﻳﻖ ﺑﻌﺪﻫﺎ ﻫﺪﺀ ﺍﻟﻮﺿﻊ ﻃﻠﻊ ﺍﺑﻮﻱ ﺑﺲ ﻗﺒﻠﻬﺎ ﻣﺎﺧﻠﻴﻨﺎ ﺧﺎﻑ ﺗﺠﻲ ﻃﻠﻘﻪ
ﺑﺲ ﻛﺎﻝ ﻻﺯﻡ ﺍﻃﻠﻊ ﻣﺎﻳﺼﻴﺮ ﺍﺧﺘﻞ ﻭﺍﺑﻨﻲ ﻛﺎﺗﻞ ﺍﺑﻨﻬﻢ
ﺑﺠﻴﺖ ﻋﻠﻰ ﺍﺑﻮﻱ ﺍﻟﺨﻠﺺ ﻋﻤﺮﺓ ﻳﺮﻛﺾ ﻭﺭﺓ ﻃﻼﻳﺐ ﺍﺣﻤﺪ
ﻣﺮﺍﺕ ﺍﺳﻤﻌﻪ ﻳﺸﻜﻲ ﺍﻟﺮﺏ ﺍﻟﻌﺎﻟﻤﻴﻦ
ﻳﻜﻠﻪ ﻳﺎﻟﻠﻪ ﻣﺎﺟﻨﺖ ﺍﺑﻦ ﻋﺎﻕ ﻭﻻﺍﺫﻳﺖ ﺍﻣﻲ ﻭﺍﺑﻮﻱ
ﻭﻻﺯﻧﻴﺖ ﻭﻻ ﺍﻛﻠﺖ ﺣﺮﺍﻡ
ﺑﺸﻨﻮ ﻋﺼﻴﺘﻚ ﺣﺘﻰ ﺗﺠﺎﺯﻳﻨﻲ ﺑﻮﻟﺪ ﻋﺎﻕ ؟
ﻓﻌﻼ ﻟﻮ ﺷﻜﺘﺐ ﻣﺎﺍﻛﺪﺭ ﺍﺷﺮﺡ ﺭﺑﻊ ﺍﺫﻳﻪ ﺍﺣﻤﺪ ﻟﻬﻠﻲ
ﺍﺟﻪ ﻋﻤﻲ ﻋﺎﺩﻝ ﻛﺎﻝ ﻟﺒﻮﻱ ﻻﺯﻡ ﻧﺎﺧﺬ ﺷﻴﺨﻨﻪ ﻭﻧﺮﻭﺡ ﺍﻟﺒﻴﺖ ﺍﻟﺸﻴﺦ ﻧﻄﻠﺐ ﻋﻄﻮﺓ ﻟﻮ ﻧﺸﻮﻑ ﺷﻴﻄﻠﺒﻮﻥ ﺷﻴﺤﺠﻮﻥ ﺑﻌﺪ ﻫﺎﻱ ﺑﻠﻮﺓ ﻭﻃﺎﺣﺖ ﻋﻠﻰ ﺭﻭﺳﻨﻪ
ﻻﻥ ﻣﺜﻨﻰ ﺍﺑﻨﻲ ﻣﺸﺎﺭﻙ ﺑﺎﻟﻤﺼﻴﺒﻪ ﻭﻫﻮ ﺍﻟﻲ ﻣﻬﺰﻡ ﺍﺣﻤﺪ ﻭﻟﻮ ﻻﺯﻣﻴﻬﻢ ﺑﺴﺎﻋﺘﻬﺎ ﺑﻴﺖ ﺍﻟﺸﻴﺦ ﻳﻜﺘﻠﻮﻫﻢ
ﻭﻓﻌﻼ ﻋﻤﻲ ﺍﺧﺬ ﺍﺑﻮﻱ ﻭﺍﻟﺸﻴﺦ ﻭﻛﻢ ﻭﺍﺣﺪ ﻭﻳﺎﻫﻢ ﺍﻟﺒﻴﺖ ﺷﻴﺦ ﻣﻨﻬﻞ ﺑﺲ ﺟﻮﺍﺑﻬﻢ ﻛﺎﻥ ﻳﺨﻠﺺ ﻋﺰﺍ ﺍﺑﻨﻬﻢ ﻭﺭﺓ ﺍﻟﺜﺎﻟﺚ ﻳﻜﻌﺪﻭﻥ ﻭﻳﻜﻮﻟﻮﻥ ﺷﻨﻮ ﺍﻟﻴﻄﻠﺒﻮ ﻣﻦ ﺍﺑﻮﻱ
ﻋﺸﻨﻪ ﺛﻼﺙ ﺍﻳﺎﻡ ﺑﺮﻋﺐ ﺣﺘﻰ ﻧﻮﻡ ﻣﺎﺍﻧﺎﻡ ﺍﺫﺍ ﻏﻔﺖ ﻋﻴﻮﻧﻪ ﻋﻘﻠﻨﻪ ﻳﻀﻞ ﺻﺎﺣﻲ ﺧﺎﻑ ﻳﻬﺠﻤﻮﻥ ﻋﻠﻴﻨﻪ ﻭﺍﺣﻨﻪ ﻧﺎﻳﻤﻴﻦ
ﺍﻣﻲ ﺍﻛﺜﺮ ﻭﺣﺪﺓ ﻣﺘﺎﺫﻳﻪ ﺩﻣﻌﺘﻬﺎ ﻣﺎﻧﺸﻔﺖ ﺍﺑﺪ
ﺗﻬﺬﻱ ﺑﻜﻼﻡ ﻣﺴﻤﻮﻉ
ﺳﺎﻋﻪ ﺍﺗﻜﻮﻝ ﺍﺑﻨﻲ ﻛﺘﻞ ﻋﺮﻳﺲ ﺣﺘﻰ ﻣﺎﺷﺒﻊ ﻣﻦ ﻣﺮﻳﺘﻪ ﻭﻻ ﺷﺒﻊ ﻣﻦ ﺍﻟﺪﻧﻴﻪ
ﻭﺳﺎﻋﻪ ﺗﻜﻮﻝ ﻟﻮ ﻛﺎﺗﻠﻴﻦ ﺍﺣﻤﺪ ﻭﻻ ﺍﻟﻘﻬﺮ ﺍﻟﺠﺎﻱ ﻳﺸﻮﻓﻪ ﺍﺑﻮﻱ
ﻣﺮﺕ ﺍﻳﺎﻡ ﺍﻟﻔﺎﺗﺤﻪ ﻭﺍﺣﻨﻪ ﻻﺯﻣﻴﻦ ﻛﻠﻮﺑﻨﻪ ﺧﺎﻑ ﻳﻄﻠﺒﻮﻥ ﻓﺼﻞ ﺟﺒﻴﺮ ﻭﺣﺎﻟﺘﻨﻪ ﺗﻌﺒﺎﻧﻪ ﺷﻴﺮﻳﺪ ﻳﻔﺼﻠﻬﻢ ﺍﺑﻮﻱ ﻭﻫﻮ ﺷﻬﺮﻳﺘﻪ 200 ﺍﻟﻒ ﺩﻳﻨﺎﺭ ﻳﺴﺘﻠﻤﻬﻦ ﻣﻨﺎ ﻳﺮﻭﺡ ﻳﻮﺯﻋﻬﻦ ﻟﻠﺪﻳﺎﻧﻪ ﻣﻨﺎ ﻻﻥ ﻧﺘﺴﻮﻙ ﺑﺎﻟﺪﻳﻦ ﻉ ﺍﻟﺮﺍﺗﺐ ﻧﺴﺪﺩﻫﻦ
ﺍﻟﻴﻮﻡ ﺍﻟﺮﺍﺑﻊ ﻭﺻﺎﺭ ﻭﻛﺖ ﺍﻟﻤﺸﻴﻪ
ﺭﺍﺡ ﺍﺑﻮﻱ ﻭﻋﻤﻲ ﻭﺍﺧﺬﻭ ﺑﻨﻲ ﺍﺟﻮﺍﺩﻫﻢ ﻭﻳﺎﻫﻢ ﻳﻌﻨﻲ ﺷﻴﺦ ﻋﺸﻴﺮﺗﻨﻪ ﻭﺍﻟﻨﺎﺱ ﺍﻟﺨﻴﺮﺓ ﺣﺘﻰ ﻳﺸﻮﻓﻮﻥ ﻣﻄﺎﻟﺐ ﺑﻴﺖ ﺍﻟﺸﻴﺦ ﺷﻨﻮ
ﺍﻟﻤﺸﻴﻪ ﻛﺎﻧﺖ ﻣﺤﺪﺩﻳﻬﺎ ﺍﻟﺴﺎﻋﻪ ﺏ 4 ﺍﻟﻌﺼﺮ
ﺿﻠﻴﻨﻪ ﻛﺎﻋﺪﻳﻦ ﺍﻧﻲ ﻭﺍﻣﻲ ﻭﺍﺧﻮﺍﺗﻲ ﺑﺎﻟﺤﻮﺵ
ﺫﺍﺑﺤﻨﻪ ﺍﻟﻘﻠﻖ ﺗﻤﺮ ﻋﻠﻰ ﺍﻟﺴﺎﻧﻪ ﺍﺩﻋﻴﻪ ﻣﺎﺩﺍﻋﻴﻬﻦ ﻗﺒﻞ ﺑﺴﺎﻉ ﺑﻠﻜﺖ ﺍﻟﻠﻪ ﻣﺎﻳﻄﻠﺒﻮﻥ ﺷﻲ ﻏﺎﻟﻲ
ﺑﻠﻜﺖ ﺍﻟﻠﻪ ﻣﺎﻳﻄﻠﺒﻮﻥ ﻣﻦ ﺍﺑﻮﻱ ﻳﺠﻠﻲ ﻣﻦ ﺍﻟﻤﻨﻄﻘﻪ ‏( ﻳﺠﻠﻲ ﻣﻌﻨﺎﻫﺎ ﻳﺸﻴﻞ ﺍﻭ ﻳﻨﺘﻘﻞ ‏)
ﻟﻠﺴﺎﻋﻪ 6 ﻳﺎﻟﻠﻪ ﺭﺟﻌﻮ ﺑﺲ ﻭﺟﻮﻫﻢ ﻣﻜﺪﺭﺓ ﻣﺒﻴﻦ ﺍﻟﻤﻄﺎﻟﺐ ﺛﻜﻴﻠﻪ ﻻﻥ ﺷﻜﻠﻬﻢ ﻣﺎﻳﻄﻤﻦ
ﺍﻣﻲ ﻃﻔﺮﺕ ﻟﺰﻣﺖ ﺍﻳﺪ ﺍﺑﻮﻱ ﺗﺮﻳﺪ ﻳﻔﻬﻤﻪ ﺷﻨﻮ ﻣﻄﺎﻟﺒﻬﻢ؟
ﺑﺲ ﺿﻞ ﻣﺪﻧﻚ ﻣﺎﺑﻲ ﻳﺤﺠﻲ
ﻋﻤﻲ ﻛﺎﻟﻬﺎ ﺍﺑﻨﺞ ﺍﻟﺴﻜﻂ ﺿﻴﻊ ﻧﻔﺴﻪ ﻭﺿﻴﻌﻨﻪ ﻭﺿﻴﻊ ﺍﺑﻨﻲ ﻭﻳﺎﻩ
ﻭﺍﻟﻠﻪ ﻟﻮ ﺍﺩﺭﻱ ﺭﺍﺡ ﻳﻜﺘﻞ ﺟﺎﻥ ﺣﻄﻴﺖ ﻃﻠﻘﻪ ﺑﺮﺍﺳﻪ ﻭﺧﻠﺼﻨﻪ ﻣﻨﻪ
ﺩﻣﺮ ﺍﺑﻮ ﻭﺩﻣﺮ ﻋﺎﺋﻠﺘﻪ ﺑﺴﺒﺐ ﺍﺳﺘﻬﺘﺎﺭﺓ ﻭﺩﻣﺮﻧﻪ ﻛﻠﻨﻪ ﻭﻳﺎﻩ ﻣﻮ ﺑﺲ ﺍﻧﺘﻮ
ﺯﻳﻨﺐ .. ﺍﻣﻲ ﺗﺤﺠﻲ ﻭﺗﺒﺠﻲ ﺳﺎﻟﺖ ﻋﻤﻲ
ﺍﻡ ﺍﺣﻤﺪ .. ﺧﻴﻲ ﺍﺣﺠﻲ ﺷﺮﺍﺩﻭ ﻭﺷﻄﻠﺒﻮ ﻣﻨﻜﻢ
ﻋﺎﺩﻝ .. ﻃﻠﺒﻮ ﻓﺼﻞ 50 ﻣﻠﻴﻮﻥ ﻭﺍﺛﻨﻴﻦ ﻧﺴﻮﺍﻥ
ﺯﻳﻨﺐ .. ﺍﻣﻲ ﻟﻄﻤﺖ ﻋﻠﻰ ﻭﺟﻬﺎ ﻭﻛﻌﺪﺕ ﺗﻤﻠﺦ ﺑﺮﻭﺣﻬﺎ ﻛﺎﻟﻬﺎ ﻋﻤﻲ ﺍﺣﻤﺪﻱ ﺭﺑﺞ ﻭﺍﺷﻜﺮﻱ ﺍﺩﺧﻠﺖ ﺍﻟﻨﺎﺱ ﺍﻟﺨﻴﺮﺓ ﻭﻏﻴﺮﻭ ﻗﺮﺍﺭ ﺍﻭﻻﺩ ﺍﺧﻮ ﺍﻟﺸﻴﺦ
ﺍﻡ ﺍﺣﻤﺪ .. ﺻﺨﺎﻡ ﻭﺟﻬﻲ ﻭﺷﺮﺍﺩﻭ ﺍﻛﺜﺮ ﺑﻌﺪ؟
ﻋﺎﺩﻝ .. ﻃﻠﺒﻮ ﻳﺎﺧﺬﻭﻥ ﺍﻟﻜﺎﻉ ﻣﺎﻟﺘﻜﻢ ﻭﺗﺠﻠﻮﻥ ﻣﻦ ﺍﻟﻤﻨﻄﻘﻪ ﻭﻳﻬﺪﺭﻭﻥ ﺩﻡ ﺍﺑﻨﺞ ﻭﻧﻔﺼﻠﻬﻢ ﻣﺮﺑﻊ ﺍﺭﺑﻊ ﻧﺴﻮﺍﻥ
ﻭﺍﺫﺍ ﺻﺎﺭ ﻫﺬﺍ ﺍﻟﺸﻲ ﻣﻌﻨﺎﺗﻬﺎ ﻧﻌﻴﺶ ﺑﺜﺎﺭﺍﺕ ﻣﻦ ﺟﻴﻞ ﺍﻟﺠﻴﻞ ﻳﻮﻋﻮﻥ ﻉ ﺍﻟﺪﻡ ﻭﺍﻟﺜﺎﺭ ﻭﺗﺼﻴﺮ ﺑﺤﺮ ﺩﻡ
ﻭﻣﻮ ﻓﻘﻂ ﺍﺑﻨﺞ ﻳﺮﻭﺡ ﺑﻴﻬﺎ ﺣﺘﻰ ﻭﻟﺪﻱ ﻳﻨﻜﺘﻠﻮﻥ
ﺑﺲ ﺍﻟﺤﻤﺪﺍﻟﻠﻪ ﻣﻦ ﻟﻬﻨﺎ ﻭﺍﺗﺮﺍﺟﻌﻮ ﻋﻦ ﻛﻼﻣﻬﻢ ﻻﻥ ﺍﻟﺴﺎﺩﺓ ﻭﺍﻟﻤﺸﺎﻳﺦ ﺍﺩﺧﻠﻮ ﻳﻬﺪﻭﻥ ﺍﻟﻨﻔﻮﺱ
ﺯﻳﻨﺐ .. ﻧﺴﻤﻊ ﻭﻧﺒﺠﻲ ﻣﺎﺑﻴﺪﻧﻪ ﻏﻴﺮ ﺩﻣﻮﻋﻨﻪ ﻧﻮﺍﺳﻲ ﺭﻭﺣﻨﻪ ﺑﻴﻬﻦ
ﺍﻡ ﺍﺣﻤﺪ .. ﻭﻫﺴﻪ ﺧﻴﻲ ﻛﻠﻲ ﺷﺮﺍﺡ ﺗﺴﻮﻭﻥ
ﻋﺎﺩﻝ .. ﺍﻟﻤﺼﻴﺒﻪ ﻣﺼﻴﺒﺘﻨﻪ ﻛﻠﻨﻪ ﻭﺍﻟﻠﻪ ﺣﺘﻰ ﻣﺎﺟﺎﻱ ﺍﺷﻮﻑ ﺩﺭﺑﻲ ﻭﺳﻜﺮﻱ ﻣﻌﻠﻚ ﻣﻨﺸﺪﻩ ﺑﺎﺍﻟﻲ ﻭﻣﺜﻨﻰ ﺍﻟﺴﻜﻂ ﻫﻢ ﺷﺎﺭﺩ ﻭﻱ ﺍﺣﻤﺪ ﻭﺍﻟﻠﻪ ﺑﺲ ﻳﻄﻴﺢ ﺑﻴﺪﻱ ﺍﺷﺮﺏ ﻣﻦ ﺩﺩﺩﻣﻪ
ﺯﻳﻨﺐ .. ﺑﻌﺪﻫﺎ ﻋﻤﻲ ﻛﺎﻝ ﺍﻧﻄﻮﻧﻪ ﻣﻬﻠﻪ ﺛﻠﺚ ﺍﻳﺎﻡ ﻧﺒﻴﻊ ﻛﺎﻋﻨﻪ ﻭﻧﻨﻄﻴﻬﻢ ﺍﻓﻠﻮﺱ
ﻭﻧﺴﻮﺍﻥ
ﺍﻋﺮﻑ ﻭﺍﻓﻬﻢ ﻛﻼﻣﻬﻢ ﺑﺲ ﻋﻘﻠﻲ ﺭﺍﻓﺾ ﻳﺼﺪﻙ ﻟﻮ ﻳﺴﺘﻮﻋﺐ
ﺩﺍﺋﻤﻪ ﺟﻨﺖ ﺍﺣﻠﻢ ﺍﺗﺰﻭﺝ ﺷﺨﺺ ﻳﺪﻟﻠﻨﻲ ﻳﻌﻴﺸﻨﻲ ﺑﻴﺖ ﺩﺍﻓﻲ ﺑﻴﺖ ﻣﺎﺍﺷﻮﻑ ﺑﻲ ﺍﻟﻌﻮﺯ ﻭﺍﻟﺠﻮﻉ ﻭﻻ ﺍﺷﻮﻑ ﺑﻲ ﻟﻴﺎﻟﻲ ﺍﻟﺸﺘﻪ ﺍﻟﺒﺎﺭﺩﺓ
ﺍﻫﻮﺍﻱ ﺍﺣﻼﻡ ﺑﺎﻟﺤﻀﻪ ﺻﺎﺭﻥ ﺳﺮﺍﺏ
ﻣﻦ ﺳﻤﻌﺖ ﺍﺑﻮﻱ ﻛﺎﻝ ﻧﻨﻄﻴﻬﻢ ﺯﻳﻨﺐ ﻭﻣﺮﻳﻢ
ﺿﻠﻴﺖ ﺟﺎﻣﺪﺓ ﻣﺎﻋﻨﺪﻱ ﺍﻱ ﺭﺩﺓ ﻓﻌﻞ ﻋﻜﺲ ﻣﺮﻳﻢ ﺍﻟﺪﺧﻠﺖ ﺑﻨﻬﻴﺎﺭ ﻋﺼﺒﻲ ﺍﺗﻔﺮﻓﺢ ﻣﻦ ﺍﻟﺒﺠﻲ
ﺍﺑﺎﻭﻋﻠﻬﺎ ﻃﻔﻠﻪ ﻭﻳﻨﻬﺎ ﻭﻳﻦ ﺍﺗﺮﻭﺡ ﻓﺼﻠﻴﻪ؟
ﺧﻠﺘﻬﺎ ﺍﻣﻲ ﺑﺤﻀﻨﻬﺎ ﻭﻫﻲ ﻣﺘﻬﺴﺘﺮﺓ ﺗﺼﺮﺥ ﻣﺎﺍﺭﻭﺡ ﻭﺍﻟﻠﻪ ﻣﺎﺍﺭﻭﺡ
ﺍﻫﻨﺎ ﻭﺍﻟﺪﻱ ﺍﻃﻠﻖ ﺍﻟﻌﻨﺎﻥ ﻟﺪﻣﻮﻋﻪ ﺑﺠﻪ ﺑﺼﻮﺕ ﻋﺎﻟﻲ ﺷﻚ ﻛﻠﺒﻲ ﺷﻚ
ﺣﺘﻰ ﻋﻤﻲ ﺍﻧﻬﻀﻢ ﻣﻦ ﺷﺎﻑ ﺑﻮﺍﺟﻲ ﺍﺑﻮﻱ ﻭﻧﺤﻴﺒﻪ ﺑﺲ ﻣﺎﺑﺎﻟﻴﺪ ﺣﻴﻠﻪ ﺍﻟﻔﺎﺱ ﻭﻛﻊ ﺑﺎﻟﺮﺍﺱ ﻭﻟﻮ ﻧﺒﺠﻲ ﺩﻫﺮ ﻣﺎﺭﺍﺡ ﻧﻜﺪﺭ ﻧﻐﻴﺮ ﺷﻲ
ﺍﻣﻲ ﻛﺎﻟﺘﻠﻪ ﻋﻠﻰ ﺑﺨﺘﻚ ﺧﻴﻲ ﻣﺮﻳﻢ ﺣﺘﻰ ﻣﺎﺗﻨﺤﺴﺐ ﻣﺮﺓ ﻃﻔﻠﻪ ﺑﻌﺪﻫﺎ
ﻋﻤﻲ ﺍﻓﺘﻬﻢ ﻣﻦ ﻛﻼﻡ ﺍﻣﻲ ﺍﻧﻮ ﻣﺮﻳﻢ ﺣﺘﻰ ﺷﻬﺮﻳﻪ ﻣﺘﺠﻴﻬﺎ ﻻﻥ ﺑﻌﺪﻫﺎ ﺻﻐﻴﺮﺓ
ﻧﻬﺾ ﻋﻠﻰ ﺣﻴﻠﻪ ﺑﺨﻄﻮﺍﺕ ﻛﻠﻬﺎ ﺗﻌﺐ ﺭﺍﺡ ﺑﺪﻭﻥ ﻣﺎﻳﺤﺠﻲ ﺍﻱ ﺷﻲ
ﻻﻥ ﺍﺑﻨﻪ ﻫﻢ ﻳﻌﺘﺒﺮ ﻣﺸﺎﺭﻙ ﺑﺎﻟﺠﺮﻳﻤﻪ
ﺑﻠﻴﻞ ﻣﺎﻏﻤﻀﺖ ﻋﻴﻨﻲ ﺍﺑﺪ ﻭﻻﺷﻔﺖ ﺍﻟﻨﻮﻡ
ﺣﺘﻰ ﺍﻣﻲ ﺗﻔﺘﺮ ﺑﺎﻟﺤﻮﺵ ﻛﻞ ﺷﻮﻳﻪ ﺗﺸﻤﺮ ﺷﻴﻠﺘﻬﺎ ﻭﺗﻨﺪﻋﻲ ﺑﻠﻜﺖ ﺍﻟﻠﻪ ﻣﺎﻳﺨﺬﻭﻥ ﻧﺴﻮﺍﻥ ﻓﺼﻞ
ﺛﺎﻧﻲ ﻳﻮﻡ ﻣﻦ ﻏﺒﺸﻪ ﺍﺑﻮﻱ ﺭﺍﺡ ﻫﻮ ﻭﻋﻤﻲ ﻋﻠﻰ ﻧﺎﺱ ﻳﻌﺮﻓﻬﻢ ﻳﺮﺩﻭﻥ ﻳﺸﺘﺮﻭﻥ ﻗﻄﻌﻪ ﺍﺭﺽ ﺍﺗﻜﻮﻥ ﻣﻮﻗﻌﻬﺎ ﻉ ﺍﻟﺸﺎﺭﻉ ﺍﻟﻌﺎﻡ
ﻭﻛﺎﻋﻨﻪ ﻣﻜﺎﻧﻬﺎ ﻣﺜﻞ ﻣﺎﻳﺮﺩﻭﻥ ﻣﻮﻗﻌﻬﺎ ﻉ ﺍﻟﺸﺎﺭﻉ
ﻑ ﺍﺷﺘﺮﻭﻫﺎ ﺏ ٤٠ﻣﻠﻴﻮﻥ
ﻳﻌﻨﻲ ﻣﺎﺟﺎﺑﺖ ﺳﻌﺮ ﻳﺴﺪ ﻣﺒﻠﻎ ﺍﻟﻔﺼﻞ
ﻋﻤﻲ ﻋﺎﺩﻝ ﻛﺎﻝ ﻋﻨﺪﻱ ﻣﺒﻠﻎ ﺿﺎﻣﻪ ﻟﻠﻮﻛﺖ
ﻭﺍﻧﺘﻪ ﺍﺧﻮﻱ ﻭﻣﺼﻴﺒﺘﻚ ﻣﺼﻴﺒﺘﻲ ﻑ ﺍﻻﻓﻠﻮﺱ ﺍﻟﻌﻨﺪﻱ ﻓﻮﻙ ﺍﻓﻠﻮﺳﻚ ﻧﺪﻓﻌﻬﻦ ﻟﻠﺸﻴﺦ
ﺑﻘﺖ ﺑﺲ ﺳﺎﻟﻔﻪ ﻓﺼﻞ ﺍﻟﻨﺴﻮﺍﻥ ﻭﺍﺷﻠﻮﻥ ﻣﺮﻳﻢ ﺗﺮﻭﺡ ﻓﺼﻠﻴﻪ ﻭﻫﻲ ﺯﻏﻴﺮﺓ ﻛﻠﺶ
ﻭﺍﻟﻤﻌﺮﻭﻑ ﺑﺎﻟﻌﺎﺩﺍﺕ ﻭﺍﻟﺘﻘﺎﺍﻟﻴﺪ
ﺍﻧﻬﻮ ﺍﻟﻴﺎﺧﺬﻭﻫﺎ ﻓﺼﻠﻴﻪ ﻣﻌﻨﺎﺗﻬﺎ ﺩﻣﻬﺎ ﺑﻤﻜﺎﻥ ﺩﻡ ﺍﺑﻨﻬﻢ ﻭﻟﻮ ﻳﻤﻮﺗﻮﻫﺎ ﺍﻫﻠﻬﺎ ﻣﺎﻳﺪﺧﻠﻮﻥ
ﻳﻮﻣﻴﻪ ﻧﺎﺱ ﺭﺍﻳﺤﻪ ﻭﻧﺎﺱ ﺟﺎﻳﻪ ﻭﺍﺗﻘﺮﺭ ﺍﻧﻲ ﻭﻣﺮﻳﻢ ﻳﺎﺧﺬﻭﻧﻪ ﺟﻨﺖ ﻫﺎﺩﺋﻪ ﺑﺸﻜﻞ ﻓﻀﻴﻊ ﺣﺎﺳﻪ ﺭﻭﺣﻲ ﺑﺤﻠﻢ ﻋﻠﻰ ﺳﺎﻋﻪ ﺍﺻﺤﻪ ﻣﻨﻪ
ﺑﺲ ﻣﺮﻳﻢ ﻭﺿﻌﻬﺎ ﺗﻌﺐ ﻛﻠﺶ
ﺻﺨﻨﺖ ﻭﺑﺲ ﺗﺘﻘﻴﻰ ﻣﻦ ﺍﻟﺨﻮﻑ ﻭﺍﺳﻬﺎﻝ ﻟﺰﻣﻬﺎ
ﺑﺤﻴﺚ ﺳﺎﻛﻨﻪ ﺍﻟﺤﻤﺎﻡ ﻭﻓﻮﻙ ﺍﻟﻀﻴﻢ ﻻﺗﺎﻛﻞ ﻭﻻﺗﺸﺮﺏ
ﻟﻤﻦ ﻭﻛﻌﺖ ﺑﻨﺼﻨﻪ
ﺍﺧﺬﻫﺎ ﻋﻤﻲ ﻭﺍﻣﻲ ﻳﺮﻛﻀﻮﻥ ﻟﻠﻤﺴﺘﺸﻔﻰ ﻭﺑﻌﺪ ﺍﻟﺘﺤﺎﻟﻴﻞ ﻃﻠﻊ ﻋﺪﻫﺎ ﺟﻔﺎﻑ ﻭﻓﻘﺮ ﺩﻡ ﻫﻨﻪ ﺛﻠﺚ ﺍﻳﺎﻡ ﺑﺲ ﺍﻧﻜﻠﺒﺖ ﺑﻴﻬﺎ ﺣﻴﺎﺗﻨﻪ ﺭﺍﺋﺴﺎ ﻋﻠﻰ ﻋﻘﺐ
ﺑﺴﺒﺐ ﺍﻻﺳﻬﺎﻝ ﺍﻟﺤﺎﺩ ﺻﺎﺑﻬﺎ ﺟﻔﺎﻑ ﻋﻴﻮﻧﻬﺎ ﺻﺎﺭﺕ ﺑﻨﻜﺮﺓ ﻋﺒﺎﻟﻚ ﺍﻓﺮﻳﻘﻴﻪ
ﻋﻤﻲ ﻣﻦ ﺷﺎﻓﻬﺎ ﻛﺎﻝ ﺣﺘﻰ ﺍﺫﺍ ﺍﻧﻄﻴﻨﺎﻫﻢ ﻣﺮﻳﻢ ﻓﺼﻠﻴﻪ ﺭﺍﺡ ﻳﺮﺟﻌﻮﻫﺎ ﻻﻥ ﻃﻔﻠﻪ ﻭﺑﻌﺪﻫﺎ ﻣﺎﺑﺎﻟﻐﻪ
ﺣﺠﻪ ﻛﻠﻤﻪ ﻭﻧﺤﺐ ﻭﻳﺎﻫﺎ
ﻛﺎﻝ ﺍﻧﻄﻴﻬﻢ ﻋﺰﻳﺰﺓ ﻛﻠﺒﻲ ﻭﺍﻣﺮﻧﻪ ﻟﻠﻪ
ﻛﺎﻥ ﻳﻘﺼﺪ ﻏﺼﻮﻥ
ﻣﻮﻗﻒ ﻋﻤﻲ ﻭﻳﻪ ﺍﺑﻮﻱ ﻣﺴﺘﺤﻴﻞ ﺍﻛﻮ ﺷﺨﺺ ﺛﺎﻧﻲ ﻳﺴﻮﻱ ﻧﻔﺴﻪ
ﺍﻻﻓﻠﻮﺱ ﻋﺎﺩﻱ ﺑﺲ ﻣﺎﻝ ﻳﻨﻄﻲ ﺑﺰﺭﺓ ﻓﺼﻠﻴﻪ ﻭﻫﻮ ﻣﺎﻟﻪ ﺫﻧﺐ ﻫﺬﺍ ﺍﻟﺸﻲ ﻣﺎﺻﺎﻳﺮ ﻗﺒﻞ ﺣﺘﻰ ﻟﻮ ﻣﺜﻨﻰ ﺍﻟﺴﺎﻋﺪ ﺍﺣﻤﺪ ﻳﻨﻬﺰﻡ
ﺍﺗﺠﻬﺰﺕ ﺍﻟﻔﻠﻮﺱ ﺑﺲ ﺍﻧﻲ ﺍﻫﻨﺎ ﻳﺎﻟﻠﻪ ﺻﺤﻴﺖ ﻋﻠﻰ ﻧﻔﺴﻲ ﻭﻓﺰﻳﺖ ﻣﻦ ﺣﻠﻤﻲ ﻋﻠﻰ ﻭﺍﻗﻊ ﻣﺮ
ﻭﺍﻗﻊ ﺭﺍﺡ ﻳﺪﻣﺮﻧﻲ ﺍﻻﺧﺮ ﻋﻤﺮﻱ ﺭﺍﺡ ﺍﻋﻴﺶ ﺑﺎﻟﺬﻝ ﺑﺴﺒﺐ ﺫﻧﺐ ﻣﺎﺍﻗﺘﺮﻓﺘﻪ ﻭﻏﺼﻮﻥ ﻛﺬﺍﻟﻚ ﺷﻨﻮ ﺫﻧﺒﻬﺎ ﺗﺪﻓﻊ ﺛﻤﻦ ﻏﻠﻄﺔ ﻣﻮﻏﻠﻄﺘﻬﺎ
ﺛﺎﻧﻲ ﻳﻮﻡ ﻛﺎﻥ ﺍﻟﻤﻮﻋﺪ ﺣﺘﻰ ﻳﺎﺧﺬﻭﻥ ﺍﻟﻔﻠﻮﺱ ﻭﻳﺎﺧﺬﻭﻧﻪ ﻭﻳﺎﻫﻦ
ﺑﻠﻴﻞ ﺍﺗﻌﺸﻴﻨﻪ ﺑﻘﻬﺮﻧﻪ ﻭﺩﻣﻮﻋﻨﻪ ﺑﺲ ﺍﻟﻴﻮﻡ ﻧﻠﺘﻢ
ﻭﺑﺎﺟﺮ ﺍﻧﺮﻭﺡ ﻓﺼﻠﻴﺎﺕ
ﺣﻴﺎﺓ ﺗﺨﺘﻠﻒ ﻧﺎﺱ ﺣﺎﺩﺓ ﺍﺳﻨﻮﻧﻬﺎ ﻋﻠﻴﻨﻪ
ﺩﺧﻠﺖ ﻟﻠﻐﺮﻓﻪ ﺍﻟﺒﻴﻬﺎ ﺍﻧﺎﻡ ﺍﻧﻲ ﻭﺍﺧﻮﺍﺗﻲ ﻭﺍﺧﻮﻱ ﺍﻟﺰﻏﻴﺮ ﻣﺨﺘﻨﻜﻪ ﺍﺭﻳﺪ ﺍﺑﺠﻲ ﺍﺭﻳﺪ ﺍﻟﻄﻢ ﺑﺲ ﺍﺧﺎﻑ ﺍﺑﻮﻱ ﻳﻨﺠﻠﻂ ﻭﺍﻳﻤﻮﺕ
ﺍﻟﺘﻤﺲ ﺑﻌﻴﻮﻧﻪ ﻧﻀﺮﺓ ﻣﺎﺍﻛﺪﺭ ﺍﻓﺴﺮﻫﺎ ﻣﻤﺰﻭﺟﻪ ﺑﺪﻣﻮﻋﻪ ﻭﻛﺴﺮﺗﻪ
ﺷﻜﺪ ﺭﺍﺡ ﺍﺗﻜﺴﺮﺓ ﺍﻟﺪﻧﻴﺎ ﺍﻛﺜﺮ ؟
ﺍﻣﻲ ﺍﺟﺖ ﻳﻤﻲ ﺑﻴﺪﻫﺎ ﻋﻼﻛﻪ
ﻓﺘﺤﺖ ﺍﻟﺪﻭﻻﺏ ﻣﺎﻟﺘﻲ ﻃﻠﻌﺖ ﻛﻢ ﻫﺪﻣﻪ ﺍﻟﻲ ﺣﻄﺘﻬﻦ ﺑﺎﻟﻌﻼﻛﻪ ﺗﺒﺠﻲ ﺑﺨﻨﻴﻚ ﻭﺗﻤﺴﺢ ﺩﻣﻮﻋﻬﺎ ﺑﺸﻴﻠﺘﻬﺎ
ﺍﻃﻠﻊ ﺑﻤﻼﺑﺴﻲ ﻭﺍﺩﻧﺪﻥ ﺑﻨﺤﻴﺐ
ﺍﻡ ﺍﺣﻤﺪ .. ﺍﻣﺴﻪ ﺍﻟﻤﺴﻪ ﻭﻫﺎﻱ ﻫﻴﻪ
ﻭﺑﻨﺖ ﺑﻄﻨﻲ ﺍﻧﻄﻴﻬﺎ ﻓﺼﻠﻴﻪ
ﺯﻳﻨﺐ .. ﻛﻤﻠﺖ ﻭﺟﺮﺗﻨﻲ ﺍﻟﺤﻀﻨﻬﺎ
ﺑﻬﺎﻱ ﺍﻟﻠﻴﻠﻪ ﻓﻘﻂ ﺩﻣﻮﻋﻨﻪ ﺗﺸﻜﻲ ﺣﺎﻟﻨﻪ
ﺩﺧﻠﺖ ﻣﺮﺕ ﻋﻤﻲ ﻋﺎﺩﻝ ﺗﺒﺠﻲ ﻭﺗﻄﻠﻢ ﻋﻠﻰ ﺑﺘﻬﺎ ﻭﻓﻌﻼ ﺷﻨﻮ ﺫﻧﺒﻬﺎ ﺗﻨﻄﻲ ﺑﺘﻬﺎ ﻓﺼﻠﻴﻪ ﻭﻫﻲ ﻣﺎﻟﻬﺎ ﺫﻧﺐ ﺑﺲ ﻋﻤﻲ ﺍﺟﻪ ﻭﺭﺍﻫﺎ ﺍﺧﺬﻫﺎ ﻳﺠﺮ ﺑﻴﻬﺎ ﻛﺎﻟﻬﺎ
ﺍﺫﺍ ﻣﺎﺍﻧﻄﻴﺘﻲ ﻏﺼﻮﻥ ﺍﻗﺮﻱ ﻋﻠﻰ ﺭﻭﺡ ﺍﻭﻻﺩﺝ ﺍﻻﺭﺑﻌﻪ ﺍﻟﻔﺎﺗﺤﻪ ﻻﻥ ﺍﺑﻨﺞ ﺍﻟﻌﺎﺭ ﻳﻌﺘﺒﺮ ﻣﺸﺘﺮﻙ ﺑﺎﺍﺟﺮﻳﻤﻪ ﺯﻳﻦ ﺭﺍﺡ ﻟﻬﻨﺎ ﻭﺗﻨﺴﺪ ﺍﻟﺴﺎﻟﻔﻪ ﻭﻳﻨﺘﻬﻲ ﺍﻟﺜﺎﺭ ﺍﺣﺴﻦ ﻣﺎﻧﻀﻞ ﻃﻮﻝ ﻋﻤﺮﻧﻪ ﻋﺎﻳﺸﻴﻦ ﺍﺑﺤﺮ ﺩﻡ
ﺍﻣﺮﻧﻪ ﻟﻠﻪ ﺍﻧﻀﺤﻲ ﺑﻮﺣﺪﺓ ﺍﺣﺴﻦ ﻣﺎﻧﻀﺤﻲ ﺑﺎﻟﻜﻞ
ﻛﻌﺪ ﺑﺎﻟﻜﺎﻉ ﻻﺯﻡ ﺭﺍﺳﻪ ﻛﺎﻟﻬﺎ ﻋﺒﺎﻟﺞ ﻣﺎﻣﺤﺮﻭﻙ ﻛﻠﺒﻲ؟
ﻫﺎﻱ ﻭﺣﻴﺪﺗﻲ ﻭﻋﺰﻳﺰﺗﻲ ﻭﻣﺪﻟﻠﺘﻲ
ﻣﺎﺟﺎﻱ ﺍﻧﻄﻴﻬﺎ ﺍﻧﻲ ﺟﺎﻱ ﺍﻧﻄﻲ ﺭﻭﺣﻲ ﻭﻳﺎﻫﺎ
ﻣﺮﺕ ﻋﻤﻲ ﻓﻘﺪﺕ ﺑﺎﻟﻐﻠﻂ ﻭﺣﻘﻬﺎ ﻣﺤﺪ ﻳﻠﻮﻣﻬﺎ
ﺗﺎﻟﻲ ﺍﺧﺬﻫﺎ ﻭﻃﻠﻊ ﻛﻮﺓ ﺟﺮﻫﺎ
ﺍﻟﺼﺒﺢ ﻟﺒﺴﺖ ﺛﻮﺑﻲ ﻭﻟﻔﻴﺖ ﺣﺠﺎﺑﻲ ﺑﺪﻭﻥ ﺭﻭﺡ ﺍﺣﺴﺎﺳﻲ ﻣﺜﻞ ﺍﺣﺴﺎﺱ ﺍﻟﻤﺴﺒﻴﻪ
ﺩﺧﻞ ﺍﺑﻮﻱ ﻣﺪﻧﻚ ﺑﺎﻟﻜﺎﻉ ﺣﻀﻨﻲ ﻭﻳﺒﺠﻲ
ﺍﺗﻤﻨﻴﺖ ﻳﺤﺠﻲ ﺷﻲ ﺑﺲ ﻋﺒﺮﺗﻪ ﺧﺎﻧﻜﺘﻪ
ﺑﺎﺳﻨﻲ ﺑﺮﺍﺳﻲ ﻭﻃﻠﻊ ﺍﻣﻲ ﻛﺬﺍﻟﻚ
ﺭﺣﺖ ﺍﺳﺤﻞ ﺑﺮﻭﺣﻲ ﻳﻢ ﻣﺮﻳﻢ ﻧﺎﻳﻤﻪ ﻭﺍﻟﻜﺎﻧﻮﻧﻪ ﺑﻴﺪﻫﺎ
ﺩﻣﻮﻋﻬﺎ ﺗﺠﺮﻱ ﺩﻧﻜﺖ ﺑﺴﺘﻬﺎ
ﺣﺘﻰ ﺯﻳﻨﻪ ﺍﺧﺘﻲ ﺍﻟﻲ ﻣﺎﻋﺪﻫﺎ ﻋﻘﻞ ﻭﻣﺎﻓﺎﻫﻤﻪ ﺷﻲ ﺗﺒﺠﻲ ﻭﻻﺯﻣﻪ ﺛﻮﺑﻲ
ﺍﻧﻔﺘﺢ ﺍﻟﺒﺎﺏ ﺩﺧﻞ ﻋﻤﻲ ﻭﺭﺍﻩ ﺗﻤﺸﻲ ﻏﺼﻮﻥ ﺗﺘﻌﺜﺮ ﺑﻌﺒﺎﺗﻬﺎ ﻭﺟﻬﺎ ﺍﺣﻤﺮ ﻣﻦ ﺍﻟﺒﺠﻲ
ﺍﻟﺒﻴﺖ ﺻﺎﺭ ﻋﺒﺎﺭﺓ ﻋﻦ ﺍﺻﻮﺍﺕ ﻧﺤﻴﺐ ﻛﻠﻬﺎ ﺿﺠﺖ ﺑﺎﻟﺒﺠﻲ
ﺍﺧﺬﻧﻪ ﻋﻤﻲ ﻭﻃﻠﻊ ﺍﺗﻠﻜﺎﻧﻪ ﺑﺎﺍﻟﺒﺎﺏ ﻣﺎﻝ ﺑﻴﺘﻨﻪ ﺍﺧﻮ ﺷﻴﺦ ﺍﻟﻌﺸﻴﺮﺓ ﻣﺎﻟﺘﻨﻪ ﻫﻮ ﺍﻟﺮﺍﺡ ﻳﺎﺧﺬﻧﻪ ﺍﻟﻬﻢ
ﺍﻫﻨﺎ ﻭﺩﻋﻨﻪ ﺍﻫﻠﻨﻪ ﻭﺣﻴﺎﺗﻨﻪ ﻭﺍﺣﻼﻣﻨﻪ ﻭﻛﻠﺸﻲ ﻭﺭﺣﻨﻪ ﺑﺮﺟﻠﻴﻨﻪ ﻟﻠﻤﺠﻬﻮﻝ
ﺍﺧﺬﻧﻪ ﺍﻟﺮﺟﺎﻝ ﺍﻟﺒﻴﺘﻬﻢ ﺑﻴﺖ ﺍﻟﺸﻴﺦ ﻛﺒﺎﻝ ﺑﻴﺖ ﻋﻤﻲ ﺑﻜﻢ ﺑﻴﺖ
ﻭﺣﺪﺓ ﻣﻦ ﺷﺮﻭﻃﻬﻢ ﻳﺘﻐﻴﺮ ﻃﺮﻳﻘﻨﻪ ﻳﻌﻨﻲ ﻗﺒﻞ ﺍﺫﺍ ﻧﺮﻳﺪ ﻧﻄﻠﻊ ﻣﻦ ﺍﻟﻤﻨﻄﻘﻪ ﻻﺯﻡ ﺍﻧﻤﺮ ﻋﻠﻰ ﺑﻴﺘﻬﻢ ﻻﻥ ﺻﺎﻳﺮ ﺑﻄﺮﻳﻘﻨﻪ
ﻑ ﻏﻴﺮﻭ ﻭﺻﺎﺭ ﻻﺯﻡ ﻧﺮﻭﺡ ﻣﻦ ﺍﻟﺠﻬﺎ ﺍﻟﺜﺎﻧﻴﻪ ﻟﻠﺸﺎﺭﻉ
ﻻﻥ ﻛﺎﻟﻮ ﺍﻟﻴﻤﺮ ﻣﻦ ﻳﻢ ﺑﺎﺑﻨﻪ ﻣﻦ ﺑﻴﺖ ﺟﻠﻴﻞ ﺍﻧﻤﻮﺗﻪ
ﺑﻴﻨﺎﺗﻨﻪ ﻣﺴﺎﻓﻪ ﻳﻤﻜﻦ ٣٠٠ﻣﺘﺮ ﻣﻮﺑﻌﻴﺪﺓ
ﺑﺲ ﺍﻟﺮﺟﺎﻝ ﺻﻌﺪﻧﻪ ﺑﺴﻴﺎﺭﺗﻪ
ﻧﺰﻟﻨﻪ ﺍﺑﺎﺑﻬﻢ ﻃﻠﻌﻠﻨﻪ ﻭﺍﺣﺪ ﻣﻨﻬﻢ ﻭﺑﻌﺪﻫﺎ ﻃﻠﻊ ﺍﻟﺸﻴﺦ ﺍﻋﺮﻓﻪ
ﺍﺗﺸﻜﺮﻭ ﻣﻦ ﺍﻟﺮﺟﺎﻝ ﻭﺭﺍﺡ ﺯﻣﺦ ﻭﺍﺣﺪ ﺑﻴﻬﻢ ﺑﻴﻨﻪ ﺍﻧﻲ ﻭﻏﺼﻮﻥ
ﻏﺼﻮﻥ ﺷﻬﻜﺖ ﺧﺎﻳﻔﻪ ﺑﺲ ﺍﻟﺸﻴﺦ ﻣﺎﻗﺒﻞ ﻛﺎﻟﻪ ﻣﻮﻫﻴﺞ ﺑﻮﻳﻪ
ﺩﺧﻠﻮ ﻭﺍﺣﻨﻪ ﻭﺭﺍﻫﻢ ﻭﻫﺎﻱ ﺍﻭﻝ ﻣﺮﺓ ﺍﺩﺧﻞ ﺑﻴﺖ ﺍﻟﺸﻴﺦ
ﻣﻨﻬﻞ ﺟﻨﺖ ﺍﺷﻮﻓﻪ ﻗﺒﻞ ﻣﻦ ﺍﺭﻭﺡ ﻟﻠﻤﺪﺭﺳﻪ ﺍﻧﻤﺮ ﻋﻠﻰ ﺑﺎﺑﻬﻢ ﺍﻛﻮﻝ ﻫﻨﻴﺎﻟﻬﻢ ﺑﻴﺘﻬﻢ ﺍﻳﺨﺒﻞ ﻗﺎﺑﻞ ﻣﺜﻠﻨﻪ
ﻣﺮﺍﺕ ﺍﻣﻲ ﻣﺎﺗﻘﺒﻞ ﻋﻠﻰ ﻛﻼﻣﻲ ﻭﺗﺰﻣﺦ ﺑﻴﻪ ﺍﺗﻜﻠﻲ ﻫﺬﺍ ﻳﺴﻤﻮ ﺣﺴﺪ ﻋﻴﺸﻪ ﻛﻮﻟﻲ ﺍﻟﺤﻤﺪﺍﻟﻠﻪ ﻭﺑﺎﻟﻌﺎﻓﻴﻪ ﻋﻠﻴﻬﻢ ﺍﻟﻠﻪ ﻳﻤﻬﻠﻬﻢ ﺑﺤﻼﻟﻬﻢ
ﺩﺧﻠﻨﻪ ﻟﻠﺒﻴﺖ ﺻﺎﺭ ﺍﻛﺒﺎﻟﻨﻪ ﻣﻀﻴﻔﻬﻢ ﻣﺘﺮﻭﺱ ﺯﻟﻢ
ﻃﻠﻌﻮ ﺟﻬﺎﻝ ﺍﺛﻨﻴﻦ ﻳﺒﺎﻭﻋﻮﻥ ﺑﻮﺟﻮﻫﻨﻪ ﻭﺍﺣﺪ ﻣﻨﻬﻢ ﻛﺎﻝ ﻟﻠﺜﺎﻧﻲ ﺭﻭﺡ ﻛﻮﻝ ﻝ ﺍﻣﻲ ﺟﺎﺑﻮ ﺍﻟﻔﺼﻠﻴﺎﺕ
ﻛﻼﻡ ﺍﻟﻄﻔﻞ ﻛﻔﻴﻞ ﻳﺪﺧﻞ ﺍﻟﺮﻋﺐ ﺍﻟﻨﺺ ﺭﻭﺣﻲ
ﻛﻠﻤﺖ ﻓﺼﻠﻴﺎﺕ ﺗﺮﻥ ﺏ ﺍﺫﻧﻲ
ﺛﻮﺍﻧﻲ ﻭﻃﻠﻌﺖ ﺟﻮﻛﻪ ﻣﺎﻝ ﻧﺴﻮﺍﻥ ﻻﺑﺴﺎﺕ ﺍﺳﻮﺩ
ﺷﺎﻓﻨﻪ ﻛﺎﻣﻦ ﻳﻠﻄﻤﻦ ﻭﻳﺘﺼﺎﺭﺧﻦ ﻭﺣﺪﺓ ﻣﻨﻬﻦ ﻫﺪﺕ ﻋﻠﻴﻨﻪ ﺗﺒﺠﻲ ﺗﺮﻳﺪ ﺗﻀﺮﺑﻨﻪ ﺑﺲ ﻭﺣﺪﺓ ﻟﺰﻣﺘﻬﺎ ﺗﻤﻨﻌﻬﺎ
ﻣﻦ ﻛﻼﻣﻬﺎ ﻋﺮﻓﺘﻬﺎ ﺍﻟﻌﺮﻭﺱ ﻣﺮﺕ ﺣﺴﻴﻦ ﺍﻟﻤﺎﺕ
ﺑﻌﺪﻫﺎ ﻃﻠﻌﺖ ﻣﺮﺓ ﻭﻳﺎﻫﺎ ﺍﺛﻨﻴﻦ ﺑﻨﺎﺕ ﻳﻄﻠﻊ ﻋﻤﺮﻫﻢ ﺑﻜﺪﻧﻪ ﻭﺣﺪﺓ ﻣﻦ ﺍﻟﺒﻨﺎﺕ ﺍﺗﻘﺪﻣﺖ ﻋﻠﻴﻨﻪ ﺟﺮﺕ ﺣﺠﺎﺑﻲ ﺍﺣﺲ ﻓﺮﻭﺓ ﺭﺍﺳﻲ ﺍﻧﺸﻠﻌﺖ ﻣﺮﺕ ﺣﺴﻴﻦ ﺩﻓﻌﺖ ﺍﻟﻤﺮﺓ ﺍﻻﺯﻣﺘﻬﺎ ﻭﻫﻢ ﺍﺟﺖ ﻫﺎﺩﺓ ﻋﻠﻴﻨﻪ ﻫﻮﺳﻪ ﻧﺴﻤﻊ ﺑﺲ ﻣﺎﻧﺸﻮﻑ ﻭﺣﺪﺓ ﺍﺗﺠﺮﻧﻪ ﻭﺍﻟﺜﺎﻧﻴﻪ ﺗﺤﻤﻴﻨﻪ
ﻣﺮﺕ ﺣﺴﻴﻦ . ﺗﻔﺮﻓﺢ ﻭﻛﻞ ﺷﻮﻳﻪ ﺗﺘﻔﻞ ﻋﻠﻴﻨﻪ
ﺩﻧﻜﺖ ﺍﺑﺠﻲ ﻋﻠﻴﻬﺎ ﻣﻮ ﻋﻠﻰ ﺭﻭﺣﻲ
ﺧﻄﻴﻪ ﺑﻌﺪﻫﺎ ﺑﺎﺍﻳﺎﻡ ﻋﺮﺳﻬﺎ ﻣﺎﺻﺎﺭﻟﻬﺎ ﺷﻬﺮﻳﻦ ﻣﻦ ﺍﺗﺰﻭﺟﺖ ﺗﺎﻟﻲ ﺗﺘﺮﻣﻞ
ﺍﺟﺖ ﻭﺣﺪﺓ ﻣﻨﻬﻦ ﺿﺨﻤﻪ ﺟﺮﺗﻨﻪ ﻣﻦ ﺍﻫﺪﻭﻣﻨﻪ ﺍﻟﺪﺍﺧﻞ ﺍﻟﺒﻴﺖ
ﻃﺒﺒﻨﻪ ﺍﻟﺼﺎﻟﻪ ﻛﻠﺶ ﺟﺒﻴﺮﺓ
ﻧﺘﺮﺗﻨﻪ ﻟﻠﻜﺎﻉ ﺑﻘﻮﺓ ﻛﻌﺪﻧﻪ ﺍﻧﻲ ﻭﻏﺼﻮﻥ ﻭﺣﺪﺓ ﺗﺒﺎﻭﻉ ﺑﻮﺟﻪ ﺍﻟﺜﺎﻧﻴﻪ
ﺍﻫﻨﺎ ﻭﺟﺎﻥ ﺍﻧﺘﺒﻪ ﻋﻠﻰ ﻣﺮﺕ ﺍﻟﺸﻴﺦ ﺟﺎﺑﻬﺎ ﻃﻔﻞ ﻳﺪﻓﻊ ﺑﻴﻬﺎ ﺑﻌﺮﺑﺎﻧﻪ ﺟﺴﻤﻬﺎ ﺍﻟﻔﻮﻙ ﻛﻠﺸﻲ ﻣﺎﺑﻲ ﻳﺘﺤﺮﻙ ﻳﻤﻜﻦ ﺿﺎﺭﺑﻬﺎ ﺷﻠﻞ ﻧﺼﻔﻲ
ﺑﻜﻠﺒﻲ ﺩﻋﻴﺖ ﻋﻠﻰ ﺍﺧﻮﻱ ﺍﻟﻲ ﺣﺮﺍﻡ ﺍﺳﻤﻲ ﺍﺧﻮﻱ ﺑﻌﺪ ﻣﺎﺩﻣﺮﻧﻪ ﺍﻧﻬﺰﻡ ﻭﻻﻛﺎﻥ ﻫﻮ ﺍﻟﺴﺒﺐ
ﻛﻠﻨﻪ ﺭﺣﻨﻪ ﺿﺤﻴﻪ ﺑﺴﺒﺐ ﻃﻴﺸﻪ ﻭﺍﺳﺘﻬﺘﺎﺭﺓ
ﻗﺘﻞ ﺷﺎﺏ ﺑﻌﻤﺮ ﺍﻟﻮﺭﺩ ﻣﺎﺷﺎﻑ ﺷﻲ ﻣﻦ ﺣﻴﺎﺗﻪ
ﺷﻨﻮ ﺫﻧﺐ ﺍﻣﻪ ﺫﺍﻙ ﺍﻟﻴﻮﻡ ﻓﺮﺣﺎﻧﻪ ﺑﻌﺮﺳﻪ
ﻭﺍﻟﻴﻮﻡ ﻣﺸﻠﻮﻟﻪ ﺑﺴﺒﺐ ﻣﻮﺗﻪ
ﻏﺼﻮﻥ ﻟﺰﻣﺖ ﺍﻳﺪﻱ ﻻﻥ ﺍﻟﻤﻨﻀﺮ ﻣﻔﺠﻊ ﻭﻳﺮﻫﺐ ﺑﻜﻞ ﻣﻌﻨﻰ ﺍﻟﻜﻠﻤﻪ
ﺍﺻﻮﺍﺕ ﺍﻟﺼﺮﻳﺦ ﺍﺗﻌﺎﻟﺖ ﺑﺠﻲ ﻭﻟﻄﻢ ﻭﺻﺎﻳﺢ
ﻫﺎﻱ ﺗﻨﺤﺐ ﻭﺫﻳﺞ ﺗﻨﺪﻋﻲ ﻉ ﺍﻟﻜﺎﻥ ﺍﻟﺴﺒﺐ
ﻭﺍﻧﻲ ﻭﻏﺼﻮﻥ ﻣﺎﻧﻌﺮﻑ ﺷﻨﺴﻮﻱ
ﻛﺎﻋﺪﺍﺕ ﺑﺰﺍﻭﻳﻪ ﺍﻟﻐﺮﻓﻪ ﻧﺘﺮﺍﺟﻒ ﻣﺎﻓﺎﻫﻤﻴﻦ ﺷﻲ
ﺻﺎﺭ ﻳﺎﻫﻮ ﺍﻟﻴﺠﻲ ﻳﻀﺮﺑﻨﻪ ﻛﺒﺎﺭ ﺻﻐﺎﺭ ﺍﺗﻜﻔﺦ ﺑﻴﻨﻪ
ﻏﺼﻮﻥ ﻋﺪﻫﺎ ﺻﺮﻉ ﻣﻦ ﺍﻟﺨﻮﻑ ﻭﺍﻟﺮﻫﺒﻪ ﻭﻛﻌﺖ ﺗﺮﻋﺶ ﺑﻤﻜﺎﻧﻬﺎ
ﺭﻏﻢ ﺣﺎﻟﺘﻬﺎ ﻭﺧﻮﻓﻲ ﻋﻠﻴﻬﺎ ﺑﺲ ﻣﺤﺪ ﺍﺗﻘﺮﺏ
ﺻﺮﺕ ﺍﻫﻤﺶ ﻣﺜﻞ ﺍﻟﻐﺮﻛﺎﻥ
ﺍﺭﻳﺪ ﻭﺍﺣﺪ ﺑﻜﻠﺒﻪ ﺭﺣﻢ ﻳﺸﻮﻑ ﺣﺎﻟﺘﻬﺎ
ﺑﺲ ﺍﺣﻨﻪ ﻭﺍﻛﻌﻴﻦ ﺑﻨﺺ ﺑﺸﺮ ﻣﺎﺗﺮﺣﻢ
ﺑﺸﺮ ﻧﺴﻮ ﻗﻮﻝ ﺍﻟﻠﻪ ﺗﻌﺎﻟﻰ
‏( ﻭﻻﺗﺰﺭ ﻭﺍﺯﺭﺓ ﻭﺯﺭ ﺍﺧﺮﻯ ‏)
ﻳﺘﺒﻊ...