#ضحيه_لمن_لايرحم
#البارت52
ذياب : حبيبتي لازال فراقكِ يبكيني كالاطفال
قريتهه وضليت ابجي ماعرف شجاوبة خليه يحس بيه شلون جان يحجي وي نور ونور من تحجي بعلاقتهم وجان يضربني ولامرة سمع مني ولامرة اجه وتفاهم ويايه ولامرة حسسني بحبة الي كلة شك وخوف وقلق وفوك كل هاذ راح وخطب نور مجاوبته عفته ورحت اريد اشوف زينب عمتي كالت طالعه للبستان
رحت نضفت وكعدت عالتلفون فتحت الفيس ماعرف شلون رحت وفتحت صفحته وشفت منشور كاتب بيه
دلوعتي خاصمتها
صالحتُها ، لما بكت وتوسدت احضاني
ألقت علي القبضُ مُشتاقاً لها
فَتحولت عصبيتي لِحنانٍ
إن الرجالِ فوارسٌ
لكنما لاسلطةٌ تعلو عَلى النسوانِ
عُدنا نُشاكس بَعضنا حَتى الصَباح
عادَ المِزاحُ والمَزاجُ كَما يَجِب
خطَفت بِمكرٍ هاتِفي، ، قفزت لِصَدري
بَدأ الحِسابُ والتَحَرِيِ يا مُحِب
مَن هَذِه صاحبتها ؟
كَم نُمرتاً الغَيتها
كم حلوة بغيابنا غازلتها
هيا اعترف ياحضرة السُلطانِ
أأعدُ كم؟؟
أأقول كم؟؟
فـ لأعتَرِف مجموعهٌ وتجمعت في واحِدة
فـ لأعتَرِف مجموعهٌ وتجمعت في واحِدة
هــي انــتي
يا دلُوعَتِيِ
طَيِوُبَتِيِ
مَحَبْوبَتَيِ
المتوعدة،المتجددة
المتفرِدة
فَتصافحت وَجناتُها وتهامَست أنفاسُنا
أشهد لنا ياحُبنا
هي او انا
لا لَن نُضيع فِي الخِصامِ ثَوانِي
الشعر اني خمطتة من كاظم الساهر هايہ تبقة يم ذياب نشوفة شلون يبدع بالشعار😂😂
اقراها وماعرف شصار بية گلبي يكول ارجعيله يحبج
وعقلي وكرامتي تكول مستحيل ترجعيلة بعد اللي سواه بيه
واكول خليه يحس خليه يحس خليه يتدمر مثل مادمرني وأذاني وتزوج عليه (الصفيرة)😂سديت التلفون رأساً اجت منة رساله
كاتب ...انضمو الى صفحتنا قصص عراقية واقعية 👇
https://www.facebook.com/قصص-عراقية-واقعية-1652362105005398/
ذياب: غصون لشوكت نضل هيــچ ؟؟
كتبتلة: من ايدك
ذياب : غصون اني غيرتي وتسرعي ندمني حيل وخسرني هواي
غصون: ذياب انت خسرتني وهاهيه بعد احنه حالياً منفصلين بعد لتفكر بيه وانساني
ذياب: شلون ترديني انساج والبيت بلياج اضلم!
غصون: ذياب انت اختاريت هالشي واني بعد ماريدك ما اكدر اعيش وي انسان يشك بيه وميثق بيه ومتسرع بقراراتة
ديكتب جان اطلع من المحادثة
ذياب: بَــس حتغير
مهتميت بعديش يتغير بعد ماكسرني وضلمني وشك بيه
طلعت يم مريم نسولف سوة احاول انساه بَــس مداكدر
اتصلت عليه سارة
زينب : من شفت لواء كأني شفت عدوي اي هاذ اللي كتل اخويه اللي سجل بنتي باسم زوجته الثانيه اللي اخذ بنتي مني اللي هسه حيصير اب!!
غريب
غريب
ربي شال كل الحب اللي بداخلي من شفته ولاچني مثل قبل اتلهف الشوفته اللي اصبح عليه وامسي عليه ولاچنه ذاك ابو فاطمة القديم متغير حيل ويايه ومتغير شكلة هواااايه
ضعفان وشعرة مخربط ولحيته ممحدده هامل نفسه وينة هذاك لواء اللي مرتب روحة دائماً!
اجه لعندي اني وخرت چني ماشفته صاحلي
لواء: زيينب
منداريت عفته كأنما ماسمعله بَــس سرعان ما اجه لزم ايدي
كال
لواء: بنتج بعد ماتشوفينهه
زينب : وخرت ايدي منه بعصبية وصحت
زينب: هي موبنتك بَــس الك مو انت اللي حبلت بيهه تسع اشهر مو انت اللي سهرت ليالي بسبب الم الحمل مو انت اللي جنت حامل وتشتغل من الصبح لليل وتطبخ وتخبز وكلشي سويت ومن غير أهلك واختك وعمايلهه والم الولادة ؟
بعدد كولي انت شسويت حته تستحق تعيش يمك وتحرمني منهه هااااا؟؟؟
بعدين انت شلون تكدر تخليهه يم حنان اذا هي ابنهه محافضت عليه حتحافظ على بنتي؟
وكلت وارجع اكول مثل ما فاطمة بنتك وتعزهه فهي هم بنتي
ويالواء مثل ما الله زرع حبك بگلبي فـ راح حبك اللي بگلبي روح لواء تهنى وي حنان خليك مطموغ طمغغ بالسحورة و
بنتي مثل ماتجي يمك تجي يمي زين وياريت لو تستعجل بمعامله الطلاااقق ملامحة واضح عليهه الندم مهتمين اله ابداً عفته وركضت للبيت فتت شفت غصون ومريم حيل انقهرت من شفته اللي جنت احس بالأمان وياه تغير عليه اللي جنت احسة گل هلي تغيير وصار ميشوف الحق من الباطل رحت رأساً لحضن غصون حطيت راسي بحضنهه وضليت ابجي وهي تمسح على راسي وتهدي بيه حجيتلهه كل اللي صار لمن هدأت بعد محسيت باللي صار نمت بحضنهه.
غصون : جنت كاعدة وافكار توديني وتجيبني جان تجي زينب حالتهه تكسر الخاطر زينب تعبت حيل وانقهرت ونظلمت وهي بهالعمر على اقل اني چانت عمتي تحبني حماتي تحبني هي لا حته زوجهه تغير عليه اففف يازينب الله يكون بعونج ياحبيبتي اجت بحضني وتشكيلي واني دموعي موكفت معقولة اكو هيــچ بشر!! ماكو ذرة رحمة لدرجة اسجل بنتي بأسم وحدة غير امهه وامهه عايشة ماكو هيج شــي طول ماهي تحجيلي احقد على ذياب وكأنه هو اللي يقهرهه لمن نامت اني رحت للغرفة اخذت ملابسي ورحت سبحت وطلعت دامشط شعري واتصلت سارة عليه جاوبتهه
سارة: هلو حُــبي شلونج
غصون: زينه حمدلله انتي شلونج عمتي
سارة : والله حالنه على حطة ايدج ياعيني ماريد افتح موضوع وياج مرة ثانيه حته لاتصير خلافات بيناتنه وصداقتنه حلوة
غصون: ياريت ياسارة اني ذياب بعد مافكر بيه وهو هم خلي ينساني وبعد كل واحد وحياته واكيد راح تضل صداقتنه لان انتي صدك اسميج صديقتي
سارة: حبيبتي اني هم ماعندي غير انتي وذياب وزوجي وامي
غصون: الله يفتحهه بوجهج نشاءالله
سارة:بقهر واللّٰـه ياغصون تعبت تعبت حيل سنين واني ماعندي اطفال شـكد يعجبني اشيل طفل واكون ام بَــس مديصير نحمد الله ونشكرة
غصون: خلي ايمانج بـألله قوي والله كريم شتسمعين معليج
مدام زوجج راضي
سارة:شسوي بعد اكولج غصونة خلي نلتقي فديوم مشتاقتلج حيل
غصون : الله كريم خلي تهدأ الاوضاع ونلتقي
سديته كعدت قريت كم صفحة بكتاب جديد وتمددت ضليت بالنص ساعه بعدين طلعت على صوت زينب اجتي تفرفح
زينب:ولج غصون طلع الحگ ولج غصون طلعت حوبتي حنان فاضحة نذيرة مسويه سحر للواء وگابة العيطة ببيت الشيخ وحسن قبل شوية خابرني معصب يكول حرام اني من هالعائلة
ومنهل من الصدمة ضاربتك جلطة وام لواء يكولون حالهه يكسر الخاطر ونذيرة لواء مشبعهه كتل دك بوكسيات😂💔
وحسن قبل شوية راح لبيتهم يريد يفتهم شصار
غصون : صفنت ماكو هيــچ ناس يعني يوم عن يوم داستغرب اكثر شلون زينب جانت عايشة وياهم ماعرف
فجأة جان تنضرب الباب حييل وطلعنه كلنه نركض من الخوفة مال دكة الباب فتحناها جان ننصدم
يتبع....
