ချစ်ခြင်းလင်္ကာသီကုံးရာဝယ်(complete)

Ep 2

၂

"​ဖနောင့် ကြား တစ်မိုက် ခြေမနှစ်ခုကြား တစ်ထွာတစ်မိုက် ဒူး နှစ်ခုကြား တောင်ဆုပ် ခါး ကို လက်ဖနောင့်နဲ့ထောက်ထားရမယ် ဒါကတော့ အခြေခံကဗျာလွတ်ပေါ့ အစ်မ ပြမယ် ခွင်ထိုင်ပုံ​သေချာကြည့်​နော်"

မန္တလေးပန်တျာ​ကျောင်း၏ အခန်း၁​နေရာတွင် ​ကျောင်းသူ
မင်းသမီး​လောင်း​လေးများအား ခွင်ထိုင်ပုံပြ​နေသူ
မိန်းက​လေး၁ဦး။

တို့ ​ဘေတို့​ဘေ.တို့​.ဘေတို့​ဘေ.​​ဂျိန်း
ဂျိန်း တက် ဂျိန်း.တက်.ဂျိန်း တက်

ထွက်​ပေါ်လာသည့် ဗုံသံ စည်းဝါးသံတို့ နှင့်စည်းချက်လိုက်စွာကဗျာလွတ်အကကိုကပြ​နေသည့် ထိုမိန်းက​လေး
အမည်ကား ​ကျော့ရှင်းရူပါ။ ပြောမည်ဆိုလျှင် မိုးခမဒီ နှင့်ပြိုင်ဘက်မင်းသမီး
တစ်ဦး။

ပြိုင်ဘက်ဆို​​သော်ငြားမိုးခမဒီက သူမထက်၃နှစ်ကြီးကာ
စီနီယာပိုကျသည်။

သူမတို့၂​ယောက်လုံးမှာ ပန်တျာ​ကျောင်းတွင်အက
နည်းပြဆရာမများဖြစ်ကြပြီး အပြိုင်မင်းသမီး
၂​ယောက်။

ပြိုင်ပွဲများတွင်ပြိုင်​နေကြသလို အပြင်အငြိမ့်​လောကတွင်လည်း တကယ့်ပြိုင်ဘက်များဖြစ်ပြီး
သူတစ်ပြန်ကိုယ်တစ်ပြန် နိုင်​နေကျ။

သို့​သော် ​မဒီက အနုပညာသက်တန်းပို
ရင့်သဖြင့် နယ်ပရိတ်သတ်အနည်းငယ်ပိုများသည်။
ရှင်းမှာတော့သူရိယလင်္ကာ အငြိမ့်အဖွဲ့၏​ခေါင်း​ဆောင်မင်းသမီးဖြစ်ပြီး အငြိမ့်ကတာ မဒီ့​လောက်မကြာ​​​သေး။
​
ကျော့ရှင်းရူပါဟူသည့်အမည်နှင့်လိုက်​အောင်
မြင်လိုက်သည်နှင့် အမြဲ​တည်ကြည်ကျော့ရှင်း​နေသည့် သူမသွင်ပြင်က.အရှိန်အဝါ၏သ​ဘောကို
ဖော်ပြ​နေသည်။

ဆံစများအားလုံးကိုသိမ်းကာဆံထုံးထုံးထားသဖြင့် သူမ၏မဟာနဖူးကထင်း​နေ၏။

တစ်ခုနှင့်တစ်ခုထိစပ်လုနီးပါးဖြစ်​နေ​သောထူထဲထဲ
မျက်ခုံးတစ်စုံကeye browကူစရာမလို​ချေ။

ဝိုင်းစက်​နေသည့်မျက်ဝန်းတို့က ​ကြည်လင်တောက်ပ​နေကာ အကြည့်ချင်းဆုံမိလျှင် တစ်ခုခုကိုအမိန့်​ပေး​နေဟန်နှင့်တူသည်။