انا عشتار

عشتار 2

:هلي يوجعني ڪلبي ههـواي منكم
ماكافي مو تعبتوا ابنكم هلي لو
موت مامبريه ذمتكم هلي والله ماناسي اذيتكم

………………………………………………
بعد ايام وشهور ميار حست باهتمام عدنان الها فصارت عدها مشاعر تجاه عدنان ..وهيج تاكدنه انو عدنان يحبها وهيه تحبه..بعد ايام مثل متعرفون الولد ما يصبر وخاصتا عدنان من كد حبه لميار ما كدر يتحملل انو ميحجي وياها وميصارحها بمشاعره فـ سوه شي كلش غلط وضل متندم عليه وتمنى لو يرجع بيه الزمن وميسوي الي سواهه ...صار عدكم فضول تعرفون شصار؟سمعو الي صار ....
……………………………………………
عدنان:مثل اي يوم اكعد الصبح الساعه 6:30 واسبح وابدل واتعطر وارتب روحي علئ اخر حبايه واطلع اتمشى واوصل يم بيت ميار حتى اشوفها وهيه تطلع واضل امشي بعيد عنها بس المهم اشوفها ما اتحمل يوم ما اشوفها يومي ناقص بدون ما اشوفها المهم ... وصلت يم بيت ميار وطلعت وجانت كلعاده طالعه تخبل وهيه اصلا تخبل بس اليوم جانت كلش انيقه يمكن عدهم احتفال ..المهم باوعتلي ودنكت راسها وبتسمت ..اويلي هاي الابتسامه شيبتني وعلي لعبت بيه فلك ..فـ مشت ميار ومشيتت وراها وضليت امشي وراها (يمشي وراها مو وياها يعني اكو مسافه بينهم حتى لحد يشوفهم) ووصلت لمدرستها واني سويتلها بوسه بالهوى ورجعت لبيتي ..

ميار:اليوم هو يوم كلش كلش مميز اليوم عيد ميلاد صديقتي ايه ومسوين الها عيد ميلاد صارلنه نتفق عليه اسابيع ...كعدت الصبح الساعه 6:00 رحت غسلت وتريكت وبدلت ولبست احلى ملابس عندي وشعري سويته تسريحه صار يجنن فوك ما هوه حلو ولونه حلو (لونه غريب كلش اشكر عـ برتقالي عـ احمر صاير لون عبالك صبغ  فـ صديقاتي يصيحولي برتقال)
المهم واخذت جنطتي وهديه ايه ..جبت الها عطر هيه ايه من النوع تحب العطور كلش ريحتها تفوح بالمدرسه ..المهم طلعت وشفت عدنان طبعا قلبي كام يركض يركض يمكن دقاته صارت مليون ماعرف ليش هيج حبيته من بين كل هل شباب الي اشوفهم دائما..خبلني هل ولد ..باوعتله ودنكت راسي وابتسمت من الخجل لان مادري ليش من اشوفه احس كلشي بيه يتخربط ..المهم مشيت ولاحظته يمشي ورايه حسيت بفرح حسيت بامان ماعرف شنو جان شعوري المهم وصلت للمدرسه نداريت عليه شفت سوالي بوسه 💋بالهوى وراح ..طرت من الفرح كلش كلش ودخلت متحمسه وسوينه عيد ميلاد يجنن لايه .. بعد ما خلص الدوام وطلعنه صار شي مجنت متوقعته يصير خرب فرحتي ......

عدنان:رجعت للبيت ونمت وسويت منبه علئ ساعه 12 حتى اروح اشوف ميار ...طن طن طن طن)  دك المنبه ..كمت غسلت وبدلت وتعطرت وطلعت حتى اشوف ميار وصلت للمدرسه واشوف الولد مجمعين تعرفون سوالف الولد الي يوكفون كبال المدرسه (يحجي عليهم وهوه واحد منهم)
عدنان:ضليت انتظر ميار فجاة طلعت وجانت تجنن ضليت اميزها من كل البنات الي طلعو وياها بس الي ضوجني الولد اكلوها اكل بالنظرات واني الشياطين كامت تتطافر كدامي ضليت واكف علئ اعصابي وجهي انكلب احمرر اني الشيطان لعب بعقلي وكلت اذا اضل هيج يمكن بيوم رح ترتبط بغيري لازم اعترفلها واخليها الي واحافظ عليها كلشي يصير يمكن ياخذوها مني ..مادري بشنو جنت افكر بس الغيره كتلتني وردت بس اخليها الي واكون مأمن انو مرح تروح لغيري المهم مشت ودخلت للفرع وصديقاتها تفرقو عنها بقت بس هيه اني ضليت امشي وراها فـ وصلت لشارع قريب كلش علئ بيتهم اني متحملت وسرعت خطواتي واتجهت نحوها ولزمتها من ايدها ودرتها عليه وكتلها ميار انتي لازم لازم لازم تسمعيني اسمعيني دقيقه وحده كلامي مهم هيه الملامح الخوف احتلت وجهة ومعرفت شتحجي استغربت من تصرفي لان متعوده عليه بس امشي وراها وما اتقرب الها ولا اضايقها بس اليوم الغيره مووتتني وسويت شي كلش كلش كلش غلط ...