انا عشتار

عشتار 3

ربما ستنتهي حكايتنا الان سيذهب كل منا الئ طريقه المليئ بالحكايات ولكننا لن ننسى حكايتنا وذكرياتنا معا فعندما نكبر بالسن ونرجع ذكرياتنا حين نصل الى بعضنا سنبكي شوقاً لتلك الايام....

.
.
ميار:كبرت وكبر الالم بداخلي!...وعشت هاي السنين كلها بعد هذيج الحادثه مرت 5 سنين وعدنان راح انهزم وما سأل عني اصلا ورطني وراح عاش حياته اني الي بقيت عايشه بهل جحيم وبهل ذله والاهانه..اخويه بعد سنوات تزوج وصار هوه ومرته عليه كلما احجي وكالو كحبه وساقطه ونزلتي راسنه كلما احجي يذكروني بكلشي عجزت انسى وعجزت اتخطى الي صارلي مكدرت انسى الالم والخذلان الي عشته..غلطان الي كال بالايام الانسان ينسى مكدرت انسى للاسف وضليت اعاني وراح عمري وشبابي الي بكدي هسه تخرجو من الجامعه واني عايشه خدامه بهذا البيت الملعون..

بيوم من الايام كاعدين على العشه ف اخوي فؤاد جان يحجي ويه بيبي بصوت ناصي وبيبي توترت اني غلست وسويت روحي ما منتبهة ورحت فرشت السفره وحطيت الاكل وكعدنه ناكل ف اخويه كال :

فؤاد:ميار اسمعي عندي موضوع وياج وغصبا عنج تسمعيه..انتي كبرتي وصار عمرج 23 سنه ولحد هسه ما متزوجه واحنه تعبنه من عارج وماكو أحد تقدملج بس حظج حلو واتقدملج علي ابن حجي سامي واني راح ازوجج وماكو أي نقاش بها موضوع قررت وانتهى الموضوع...

ميار:هو يحجي واني بغير عالم ..صافنه واكول شديحجي هذا ؟اتزوج؟شنو اتزوج؟اني صارلي هاي السنين كلهة انتظر عدنان شلون اتزوج؟....لا اراديا بلشت ابجي بشكل هستيري عفت الاكل وصعدت لغرفتي وقفلت الباب..ضليت ابجي منا لحد ما مرت ساعتين..اباوع لغرفتي لشغلاتي اباوعلها وابجي.شلون اعوف هذا البيت شلون اعوف أحلامي وكلشي يتعلق بيه واتزوج شخص حتى شكله ما اعرفه؟ليش هيج دا يعاقبوني ليش اني موبنتهم اني موقطعه منهم ليش.. غلطت مره وعاقبوني بشبابي الي راح بين الحياطين..سجدت ودعيت ربي يخلصني لو يأخذ روحي لو يخلصني وضليت ابجي... بس وره ساعه تقريبا كمت ووكفت كدام المرايه واني اباوع لوجهي شلون مشوه واثار الحرك ماليه وجهي اباوع وابجي وين راح هذاك الوجه الي لمن يشوفوه يصلون على النبي؟وين راحت هذيج العيون شو هسه ذبلانه وين راح هذاك الشعر؟ها نسيت اخويه الجلب حرك كلبي بكصته لشعري لان يعرف شكد عزيز عليه..اباوع لجسمي واثار الضرب والكتل والحرك وفكرت واخذت قرار انو اتزوج..أي أي اتزوج؟لحد يستغرب قررت اتخلى عن كلشي واعوف كلشي وره ضهري واخلص من هذا الجحيم واتزوج بس حيبقه عدنان بكلبي

ميار:نزلت وغسلت وجهي واتجهت بكل قوه للصاله وكتلهم اني موافقه اتزوج

ريام (زوجه فؤاد):أي واخيرا راح نفتك منج يا ساقطه ...(كامت تهلهل)

زهرة:اش لج اش عرس ابوج شكد متستحين

ريام:شبيج عمه اكلتيني وشربتيني

فؤاد:حضري نفسج عكب باجر الخطوبه ووراها بكم يوم حنه وعرس

ميار:حاضر ...(توجهت لغرفتي واني شايله بكلبي من كلام ريام بس شسوي ماكدر ارد عليها) صعدت وحطيت رأسي على المتحده وحاولت انام بس للاسف مكدرت الافكار تاكلني اكل ..وره ساعه النوم احتل عيوني ورحت لغير عالم..

(بعد يوم)

ميار:كعدت الصبح الساعه ب 8 انضف البيت ونحضر نفسنه لان اليوم هو يوم خطوبتي راح انخطب واتزوج من انسان ماعرفه اصلا...المهم كملنه تنضيف وترتيب البيت الساعه ب 2 وبلشت اجهز نفسي حطيت مكياج ولبست الفستان الي جابه الي اخويه...طلعت حلوه بس ملامح الحزن محتله ملامحي ومراضيه تروح مهما اخلي مكياج ومهما ارتب روحي راح اضل ذبلانه

صارت الساعه ب 4 ودخلو الناس عليهه ودخلو النسوان...جانو يباوعولي بنضرات غريبه بس تجاهلتهم دخلت وحده وضلت تبتسم اليه واجت حظنتني وكالت:

زهور:شنو هذا الجمال ماشاء الله تخبلين..اعرفج بنفسي اني اخت علي
ميار:تسلمين..تشرفت حبيبتي

ميار:بلشو البنات يجوون يسلمون عليه ويعرفوني عنهم وجانو حبابين بس اكو مره جبيره وثنين بنات  معجبوني نضراتهم كلها كره...اتضح بعدين انو هاي المره مرت ابوهم وهاي بناتها وعايشين وياهم بنفس البيت (بيت علي)

ميار:كملت الخطوبه وتم عقد القران ...ودخل العريس حتى يلبسني الحلقات ..جان حلو ومبين عليه حباب اجه وكعد يمي

علي:شنو هذا الجمال ست ميار
ميار:حسيت بخجل..جاوبته: شكرا من ذوقك

علي:(ضحك)..ولو ياحلوه..

ميار:ما اجذب حبيت شخصيته مبين حباب وهذا الشي ريحني لان جنت خايفه انو يطلع موزين..المهم كملت الخطوبه وراحو وبقيت انضف البيت وتعبت لأن كلشي اني سويته وحدي ..بعد التعب رحت نمت نومه عميقه