Unknown Feelings ( සිංහල GL)✅

02.

මං ස්ටේට් නෑ කියලා පවා එයා ඒ කාලෙදි දැනගත්තා. එයයි මායි දෙන්නා තමයි අපේ ග්රෑප් එකේ සමාන කැමැත්තන් තිබ්බ දෙන්නා. අපි දෙන්නාම බී. එල්. ඩ්‍රමා බලනෝ...

කේපෝප් ග්රෑප් ලොරියක් විතර ස්ටෑන් කරනවා.. ඉතිං අපිට දවසම කතා කරන්න ඒ දේවල් තිබ්බා. ඒත් මම හොඳටම දන්නවා එයාගෙ හොඳම යාලුවා කාව්‍යා බව. ඒ දෙන්නා ඒ දෙන්නාට " බබා "  කියලයි කතා කරන්නෙත්. ඒ තරං ඒ දෙන්නා හිතවත්.....

ටික දවසක් යනකොට මටම හිතෙන්න ගත්තා මං කාව්‍යාට ඉරිසියා කරනවා කියලා... ඉස්සර මට ගානක්වත් නොතිබ්බ දේවල් පස්සේ මගේ පපුවට කිනිස්සකින් අනින තරං වේදනා දෙන තැනට පත් උනා.

සුවිනි කාව්‍යාට බබා කියලා කියනවා දකිනකොට මට යකෙක් වැහුනා වගේ කේන්ති යන්න ගත්තා..
මං එයාලා ඉන්න ග්රෑප් වලින් අයින් උනා... මට ඕන උනේ මේ දැනෙන හැගිම නැති කරගන්න.. මොකද මේක හරියන දෙයක් නෙවෙයි කියලා මම හොඳටම දැනගෙන හිටියා.

.
.
.

මං සුවිනිට මැසේජ් කරන විදිය පවා වෙනස් උනා.... මං එයාට ඉස්සර මැසේජ් කරනකොට මොනවද කියන්නෙ කියලවත් හිතුවෙ නෑ. බං, බොලං ඕන එකක් කියන්න ඇති....

ඒත් දැං මට එයාට ඒ වගේ වචනයක් කියන්න බැ වගේ හිතෙන්න අරං.... මේක නං කරදරයක්... එයා ඔන්ලයින් නැති වෙලාවට මම එයාගෙ චැට් එක උඩටම ගිහින් කියෙව්වා... මං එයත් එක්ක කියවලා තියන විකාර වල හැටියට මට එයාට දැං මුණ දෙන්නත් ලැජ්ජයි...

අනික..... මං ඉස්සර එයාව අදුරගෙන එයාට ආස කරපු කාලෙ හැමවෙලාවෙම කියපු දෙයක් තමයි " ඔයා මගේ ටයිප්.... අවස්ථාවක් හම්බ උනොත් ඩේට් කරන්න මම අනිවා ඒක කරනවා.." කියන එක.. ඒත් ඒ කාලෙ මම ඒ දේවල් කිව්වෙ විහිලුවට..

ඒත් ඒ විහිලුව ඇත්තක් වෙලා කියලා දැනෙද්දි මට දැනුනෙ මගේ පපුව වේගෙන් ඇදුම් කාගෙන යනවා වගෙයි....

ඊලග මාසෙ... අපිට තවත් බර්ත්ඩේ එකක් තිබ්බා.. ඒ මගේ හොඳම යාලුවා මයුමිගෙ...

හැබැයි එදා වෙන දවස් වල වගේ නෙවෙයි... මම අලුත් කෙනෙක් වගේ.. බස් හෝල්ඩ් එකට වෙලා මම බලං හිටියෙ එයා එනකං... ඔව් වෙන දවස් වල ආවදවත් කියලා නොබලපු එයා එනකං...