ادم:يله يما راح يصير الصبح وحنه بعدن.
امي:ايي يمه بس هاي هيام لسه ممخلصه ولج هوييمه يلههه
هيام: ايييي شسالفههه خل ارتبب نفسيي اوووي
ادم: يله بلا لغوه
امي: يالله توكلنه ع الله
ادم: جاهزين مناسين شي
امي: لا يمه توكل ع الله
ادم: اي يمه
**************
نورهان:كعدت الصبح شبعانه نوم كلت مدام راح يأذن خلي انرل اصلي بلاامام توضيت وبدلت ملابسي ولبست عبايه اسلاميه وقفلت الغرفه ونزلت وسألت ابو الفندق اذا اكو مطعم ايشي مناا لان ميته جوع دلاني ع مطعم رحت اكلت وشبعت ورحت للامام راحه نفسيه مجرد مادخلين صحن الامام بسرعه نزلت دموعي لاارادي ونخيت الاامام الكاضم يساعدني تعبت من البجي ورحت صليت صلاة زياره وكعدت اقره الزياره وضليت للضهر انه بلاامام بس دموعي مانشفت اذن الضهر وانه داخل كمت صليت ورحت ازور مره ثانيه وبجيي كثر مادري احس هناا اكدر اشكي واعاتب رجعت كعدت وانه ميته من البجي ماحس اله مره جبيره شوي بلعمر خلته ايدهه ع راسي وتمسح بيه ويمهه بنيه شابه بعمري اعتقد فزيت انه كلتلي شبيج يمه كتلهه مابيه شي خاله
المره: شلون مابيج شي وصارلج ساعه تبجين ورحتي تموتين ماتحملت اشوفج تبجين يمه كلبي تكطع عليج وجيت اشوفج الله عليج بنيتي اذا محتاجه شي كولي لاتستحين
نورهان: بعد عمري خاله لا سلامتج مامحتاجه شي
المره: جاشبيج يمه زين اهلج وين شنو وحدج جايه سولفي بنيتي مثل امج انه
نورهان: من كلتلي مثل امج بجيت ازيد حسيتهه صدك امي حضنتهه بدون مااحجي وبجيت هواي لمن كامت البنيه تهدي بيهه والحجيه وياها
المره: ابجي يمه بلكت ترتاحين وسولفي هم ترتاحين
نورهان: حجيتلهه سالفتي كلهه وضلت تبجي وياي نقهرت خطيه
المره: يمه امشي وياي ولله ادللج دلال ولله محد عندي بس هلبنيه وابني مايجي للبيت اصلا ولله بنيتي بس امشي وياي
نورهان: لاخاله سلامتج بعد عمري ماتقصرين بس انه كاعده بلفندق نشالله اطلع ادورلي بيت اجار
المره: ليش يمه بيتي موجود ونتي ادورين اجارر عفه عليج والكاضم اله ترحين وياي كومي كومي يمه
نورهان: خاله ولله ماكدر ماترهم ولله
المره: لاعيب ولاشي بنيتي امشي
نورهان:بعد ماكدر احجي قنعتني وصدك رحت وياهن بس كتلهه لازم اروح للفندق اجيب شغلاتي وملابسي كالت ايي نطلع ونروح لان ابنهه ينتضرهم بره طلعنه ورحنه يم ابنهه تفاجأة بجماله ضليت صافنه.
ادم: يله يما شسالفه تأخرتو
نورس: ايي يما خلصنه وجبت وياي خطار ادم يمه تعال احجي وياك شويه
ادم: هايمه كولي ومنو هاي لبنيه ومنين جبتيهه
نورس: حجيتله سالفة لبنيه وبلكوه قتنع اخذهه وياي
ادم: يله امشو
نورهان: ءءخاله بس اروح للفندق اجيب حاجاتي
نورس: اي بنيتي يما ادم اخذنه لفندقهه
نورهان: رحنه للفندق وابنهه دفع الاجار ماقبل وجبت شغلاتي ونطلقنه لعالمي الجديد وصلنه لبيتهم جان كلش حلو ومرتب وغرفتي كلش حلوه رتبناها انه وهيام .
**********
ادم: يمه اذا صار شي وي البنيه شراح يفكنه احنه من اهلهه والبنيه مهزومه من اهلهه وتعرفين الي تنهزم من اهلهه شيصرلهه
نورس: يمه ادم عوفك من هاي الافكار احنه العلينه جبناهاا لبيتنه ونشالله مامو شي بس تفائلو ولله البنيه تكسر الخاطر
هيام: ايي ولله كلش نقهرت عليهه خطيه شبعت بجي
ادم: الله كريم يله انه رايح للمركز اشوف الاوضاع ومنهه امر لياسر مشتاقله الگواد*
نورس: الله وياك يمه محروس
**************************❤️
ولهنا يخلص البارت حبايبي ونشالله يكون عجبكم واسفه ع التأخير بس توقفت بسبب التفاعل ماكو كلش وبس. احبكم فراولاتي ❤️💋وتمنى تصوتون
أنت تقرأ
ضلم الأب💔
Teen Fictionقصة تدور حول بنت صغيرة من العمر وتتعرض الى ضلم من خلال الاب لكن في اخر المطاف يوجد من يغير حياتها الي 180 درجه من ياترا ?
